Спорт
ПМФЛ: Градското дерби му припадна на Вардар, Шкендија без проблеми во Кратово

На четирите натпревари од денешното 24. коло во Првата македонска фудбалска лига (ПМФЛ) фаворитите дојдоа до очекувани победи.
Скопски Вардар го доби дербито со Работнички на „Филип Втори“ со резултат 0-2. Прецизни за Вардар беа Цветановски во 6. и Фелипе во 55. минута.
Шампионот Шкендија немаше никакви проблеми во Кратово, кај Силекс, славеа со 0-3. Миленковски постигна автогол во 25. Минута, па Ибраими прецизно стрелаше во 66. минута за 0-2, а конечниот резултат беше дело на Муслиу во 87. минута.
Македонија Ѓорче Петров со еден гол славеше на Чаир, против Шкупи. Стрелец на победничкиот погодок беше Божиновски во 93 минута.
Ренова, пак, дома славеше победа над Беласица со 3-2, а дуелот Победа – Академија Пандев ќе се одигра на 1 мај годинава.
Еве како изгледа табелата по ова 24 коло:
Табела: Шкендија 53, Вардар 45, Академија Пандев 42(-1), Ренова 33, Шкупи 33, Работнички 31, Македонија Ѓ.П. 29, Силекс 24, Беласица 19, Победа 18(-1).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Премиерлигашите потрошија рекордна сума пари за засилувања во летниот преоден рок

Откако Лидс потпишаа договор со играчот на Милан, Ноа Окафор, за 18 милиони фунти, вкупната потрошувачка на клубовите од англиската Премиер лига ова лето достигна рекордни 2,37 милијарди фунти, објави Би-би-си.
Вкупната потрошувачка на клубовите од Премиер лигата го надмина рекордот од 2,36 милијарди фунти поставен во летото 2023 година. Шест клуба ги срушија сопствените рекорди, вклучувајќи ги:
Брентфорд, кој плати до 42,5 милиони фунти за Данга Уатара од Борнмут, додека Борнмут плати 34,6 милиони фунти за Бафоде Диаките.
Новопромовираните Барнли и Сандерленд, кои платија 25 милиони фунти за Лесли Угочукву и 26 милиони фунти за Хабиб Џара (до 30 милиони фунти со бонуси).
Нотингем Форест го сруши клупскиот рекорд двапати, за Дан Ндоје од Болоња и Омари Хичисон од Ипсвич (37,5 милиони фунти).
Ливерпул плати 100 милиони фунти за Флоријан Вирц од Баер Леверкузен во јуни, со можни 16 милиони фунти во бонуси, што ќе стане британски трансфер рекорд, соборувајќи го претходниот рекорд на Челзи од 107 милиони фунти за Енцо Фернандез во 2023 година.
Десет дена до затворањето на преодниот рок, се очекува рекордната потрошувачка на Премиер лигата да биде уште поголема.
Foto/ EPA/ADAM VAUGHAN
Спорт
(Видео) Како правилно се изговараат презимињата на фудбалерите на Манчестер јунајтед

Правилното изговарање на имињата на фудбалерите често е проблем за коментаторите на натпреварите, но и за сите фанови на оваа игра.
Со оглед на тоа дека во секој јазик постојат правила, но и исклучоци при изговарање на букви, слогови и зборови, најточниот изговор на имињата можат да го дадат самите фудбалери.
Полека станува пракса клубовите да поставуваат видеа во кои самите играчи ги изговараат своите имиња за пошироката јавност да знае како да ги изговара.
Еден од клубовите што одлучи да го направи тој потег е Манчестер јунајтед. Интересно е да се слушне како се изговараат поединечните имиња и презимиња на фудбалерите на „црвените ѓаволи“.
Така во краткото видео, може да се слушне дека презимето на новото засилување од Брентфорд не се изговара „Ембумо“, туку „Мбумо“.
Во приложеното видео, можете да слушнете и дека Матијс де Лихт се изговара „Матхајс де Лихт“.
Спорт
Ветеранот Матиќ го засили Сасуоло

Поранешниот српски репрезентативец, Немања Матиќ кариерата ќе ја продолжи во редовите на Сасуоло.
Според добро информираниот инсајдер, новинарот Фабрицио Романо, српскиот играч за врска потпишал едногодишен договор со Сасуоло, со опција за продолжување на соработката до јуни 2027 година.
Матиќ има 37 години, а во текот на кариерата играл за Колубара, Кошице, Челзи, Витезе, Бенфика, Манчестер Јунајтед, Рома, Рен и Олимпик Лион.
Неодамна, спогодбено се раздели со Олимпик Лион и како слободен играч се пресели во Сасуоло.