Спорт
По драматичниот меч на Венус, сестрите Вилијамс закажаа дуел во Рим
Венус Вилијамс ќе се судри со својата помлада сестра Серена во второто коло на оталијанскиот Опен во Рим откако избори тешка 7:5/3:6/7:6(4) победа над Елизе Мертенс.
Венус ја доби тесната борба во тај-брејк во третиот сет и покрај тоа што во еден момент од мечот освои пет гема во низа. Американската ветеранка ѝ дозволи на Бертенс да се врати во игра кога не искористи шест меч-поени на свој сервис во осмиот гем од третиот сет. Таа пропушти уште две меч-топки за Мертенс да израмни на 6:6 пред конечно да го добие мечот во тај-брејкот.
Претходно, Серена имаше победнички камбек на терените со лесна 6:4/6:2 победа над шведската квалификантка Ребека Петерсен. За 37-годишната Серена ова беше прв меч по победата над истата противничка во второто коло на Мајами опен во март пред да се повлече од турнирот поради повреда на коленото. Ова ќе биде прв дуел на двете сестри на земјена подлога по 17 години.
Кај мажите на „Форо Италико“, младиот Канаѓанец, Денис Шаповалов, стигна до 6:3/7:6(5) победа над Пабло Карењо Буста за да обезбеди дуел со шампионот од Мадрид, Новак Ѓоковиќ. Шаповалов на турнирот влезе со лоша низа од четири порази едноподруго.
Гаел Монфис, пак, се мачеше против Алберт Рамос-Вињолас не покажувајќи дел од играта со која стигна до четврт-финалето во Мадрид губејќи со 6:3/6:1 за само 61 минута.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Унгарија ја победи Холандија, Египет славеше над Хрватска, Португалија ја шокира Норвешка
Унгарија го освои првото место во Д групата на Светското првенство во ракомет. Унгарците во последниот меч во групата ја пбедија Холандија со 36:32.
Во Вараждин, Унгрците во најголем дел од најтпреварот имаа предност, во финошот Холанѓаните внесоа драма, кога се доближија на гол негатива, но нивниот налет го одби голманот Плашиќ со две интервенции.
Бока и Лекај со по шест гола ја предводеа Унгарија.
Во втората фаза Унгарците носат три, Холанѓаните два,а Македонија еден бод. Во втората фаза противници на овие три селекции ќе им бидат Франција, Австрија и Катар.
Вечерва порази доживеаја домаќините на Светското првенство. Хрваттите загубија од Египет, а Норвежаните од Португалија.
Без Дувњак и Циндриќ Хрватска немаше шанси против Египет. Египѓаните водеа во текот на целиот натпревар. Хрватска успеа во 38 минута да се доближи на гол негатива, но потоа Египет одговори со серија од три гола и практично го реши натпреварот.
Блескаше на голот на Египет играчот на натпреварот, голманот Мохамед Али со 16 интервенции. Египет во втората фаза носи четири бода, Хрватска два, а Аргентина ниту еден.
Шок среде Осло доживеа Норвешка. Со поразот од Португалија 28:31, Норвежаните го освоија третото место во групата и во втората фаза нема да пренесат ниту еден бод. Од оваа група Портуалија ќе пренесе четири, а Бразил два бода.
Дуелот со Португалија покажа дека поразот од Бразил во првата рунда не бил случаен. Голема борба водеа двете селекции во текот на целиот меч, а го реши голманот на Португалија Кабдевил, кој ја врати својата репрезентација во мечот со четири одбрани во низа, откако Норвежаните водеа 19:16.
Капдевил на крајот имаше 14 одбрани, а најефикасни беа Праде и Кошта со по шест гола. Кај Норвешка се истакна Лисе кој постигна девет гола.
Спорт
(Видео) Манчестер сити го декласира Ипсвич
Фудбалерите на Манчестер сити го совладаа Ипсвич со 6:0 на гости во 22. коло од Премиер лигата и се вратија меѓу првите четири екипи на табелата.
Сити се враќа во препознатливата форма, мечот со Ипсвич беше јасен показател дека тимот на Гвардиола повторно личи на себе.
Ипсвич денеска немаше ниту една шанса.
Три асистенции подели Кевин Де Брујне, два гола постигна Фил Фоден, а блеска на теренот Матео Ковачиќ и Џереми Доку.
Фоден е во добра серија во последните неколку натпревари, постигна пет гола на три меча (Вест Хем, Брентфорд, Ипсвич).
Сити ги реши сите сомнежи за победникот, доколку ги има, во првото полувреме со двата гола на Фоден и голот на Ковачиќ, во интервал од само 15 минути.
Во второто полувреме по гол постигнаа Доку, Халанд и Мекати.
Спорт
Аморим: Ние сме најлошиот тим во историјата на клубот
Фудбалерите на Манчестер јунајтед го претрпеа 10. пораз во 22. коло од англиската Премиер лига. Јунајтед загуби од Брајтон со 3:1 на „Олд Трафорд“. Тоа беше трета последователна победа за Брајтон во сите натпреварувања и осми натпревар во низа без пораз, додека Јунајтед го победи само последнопласираниот Саутемптон во последните шест кола.
Манчестер јунајтед загуби три од поеследните четири натпревари на домашен терен. На последните шест натпревари во лигата има само една победа.
Тренерот на Манчестер јунајтед, Рубен Аморим беше разочаран од нов пораз.
„Од 10 натпревари во Премиер лигата победивме два. Замислете што значи ова за навивачите. Замислете како јас се чувствувам. Значи, дојде нов тренер кој губи повеќе од претходниот тренер. Целосно сум свесен од тоа“, започна Португалецот.
„Како што кажав, нема да се променам, без разлика на се. Знам дека можеме, но треба да го преживееме овој момент. Не сум наивен и знам дека сега треба да преживееме. Ние сме можеби најлошиот тим во историјата на Манчестер јунајтед. Знам дека сакате титули, но јас го велам ова затоа што мораме да се промениме. Еве ви ова е за вашите насловни страници“, заврши Аморим.