Спорт
По две ноќи во притвор, Рафа Мир изведен пред истражен судија
Фудбалерот на Валенсија, Рафа Мир (27) утрово е изведен пред суд под обвинение за наводен сексуален напад.
Тој заедно со уште еден маж е осомничен за полов напад врз две девојки (25 и 21 година) во раните утрински часови во неделата, во неговиот стан во Батера, Валенсија.
Според досега познатите детали, Мир и неговиот пријател запознале две девојки во познат ноќен клуб, а потоа заедно со такси се упатиле до неговиот стан, каде што наводно се случил сексуалниот напад во раните утрински часови.
Rafa Mir y su amigo salen de la Comandancia de la Guardia Civil
🗣️El jugador declara en los juzgados de Llíria pic.twitter.com/VHBb2Qcazw
— nostresport.com (@Nostresport) September 4, 2024
„Иако имал секс со една од повредените девојки, на што и таа се согласила во една од собите, фудбалерот ја фрлил другата девојка во базенот откако имал секс со нејзината пријателка и сексуално ја нападнал, прво во базенот, а подоцна во бањата во станот“, пишуваат шпанските медиуми.
Девојките потоа, видно вознемирени и полуголи го напуштиле станот, а според соседите, непосредно пред тоа од станот во кој се наоѓале се слушала врева и расправии. Полицијата во понеделникот го уапсила фудбалерот, а ден подоцна и неговиот пријател, под обвинение за сексуален напад.
Веднаш по трауматичното искуство, девојките отишле во болница, таму раскажале што им се случило, а протоколот за сексуален напад по закон автоматски бил активиран. Потоа поднеле пријава за полов напад против Мир и уште еден маж.
Судбината на фудбалерот и неговиот пријател сега е во рацете на судијата кој врз основа на сведочењето на овие двајца ќе донесе одлука во која насока ќе се поставува во овој случај.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Челси го прегази Вест Хем
Фудбалерите на Челзи победија на гости кај Вест Хем со 3:0 во 5. коло од Премиер лигата.
Натпреварот на „Олимпискиот стадион“ во Лондон беше игра на мачка и глушец. Фудбалерите на Челси решително влегоа во натпреварот и буквално го прегазија ривалот.
Двоен стрелец за „сините“ денеска во бела опрема беше Николас Џексон. Тој ги постигна првите два гола во четвртата и 18.минута.
Во 47. минута запиша и асистенција за Кол Палмер, кој стави точка на резултатот и на прашањето на победникот.
Спорт
Бањаја го победи Мартин во спринтот на ГН Емилија Ромања
Актуелниот светски првак Франческо Бањаја победи во спринт трката, во пресрет на Големата нграда Емилија Ромања. Перфектниот ден на Дукати го комплетираа Хорхе Мартин, возачот на Прамак и Енеа Бастијанини возачот на фабричкиот тим.
Спринтот не донесе никакви возбудувања. Можат да се издвојат два моменти во кои актер беше лидерот во генералниот пласман Хорхе Мартин.
Шпанецот имаше одличен старт, од втората позиција се катапултираше пред Бидер, Бањаја и Бастијанини. Италијанците од Дукати веднаш си ги вратија своите позиции и од тој момент ја започнаа потерата по лидерот.
Шпанецот направи грешка во седмиот круг и му ја препушти првата позиција на големиот ривал Бањаја.
До крајот немаше промени во поредокот.
Во првите десет спринтот го завршија: Марк Маркез (Гресини Дукати), Педро Акоста (ГасГас КТМ), Бред Биндер (КТМ), Фабио Квартараро (Јамаха), Марко Бецеки (ВР46), Франко Морбидели (Прамак Дукати), Маверик Вињалес (Априлија).
Големата награда Емилија Ромања се вози утре од 13 часот.
Спорт
Победникот на Тур де Франс призна дека се дрогирал
Поранешниот германски велосипедист Јан Улрих (50) го искоментира неодамнешниот документарен филм во кој признал дека користел допинг во текот на неговата кариера.
Улрих победи на Тур де Франс во 1997 година, кога во пет етапи заврши на второто место. Тој за германската телевизија WDR изјави: „Документарниот филм Der Gejagte (Ловениот) беше еден вид терапија за мене и сега можам отворено да разговарам со моите деца за тоа.
Она што луѓето мора да го знаат е дека дури и спонзорите знаеја се, допингот беше систематски, бев добро платен и договорот беше да не зборувам за тоа. Згрешив, бев негативец“.
Пеколот започнал кога ја завршил кариерата.
„Алкохол, дрога, паднав во дупка и за малку ќе завршеше катастрофално. Практично бев мртов и го видов пеколот. Тогаш си реков дека следната недела или ќе бидам мртов или ќе си го вратам животот. Љубовта на моите деца беше одлучувачкиот фактор“.
Професионалната кариера на Улрих траеше од 1995 до 2006 година.