Спорт
По најавата за „војна“, Хаслем ги предупредува браќата Јокиќ: Седете мирни, ова е наш град!
Мајами хит и Денвер нагетс вечерва ќе се судрат во НБА лигата во првиот меѓусебе меч по конфликтот меѓу Никола Јокиќ и Маркиф Морис и ветеранот на Мајами, Удонис Хаслем порачува дека браќата на српскиот кошаркар не треба да бидат во арената по најавите за нови конфликти.
Јокиќ одговори на провокациите од Морис со „ефтин“ удар одзади на мечот на 8 ноември, што предизвика тепачка, а двајцата браќа на актуелниот МВП на лигата го предупредија Морис и неговиот брат-близнак Маркус на социјалните мрежи.
„Треба да ја оставиш работата каква што е наместо јавно да се закануваш на нашиот брат. Твојот брат прв валкано играше. Ако сакаш да направиш чекор напред, ние ќе те чекаме. Браќа Јокиќ“, се велеше во твитот на браќата, кој потоа беше избришан.
Браќата на Јокиќ, Немања (кој е поранешен кикбоксер) и Страхиња, според шпекулациите купиле билети за вечерашниот натпревар и Хаслем ги предупреди дека Мајами е „негов брат“.
„Немам ништо со тоа човеку, ние ќе играме кошарка. Тоа е готово. Слушам дека браќата Јокиќ купиле билети за мечот. Подобро нека седат мирни и нека не прават проблеми. Мајами е мој град. Мој град. Зошто по ѓаволите купувале билети? За да направат што? Не почнувајте ништо, нема да има ништо. Дојдете да уживате во кошарка и одете си дома. Никој не се закача со вашиот брат, играме кошарка“, вели Хаслам за „Мајами хералд“.
Иронично, Маркиф Морис нема играно по инцидентот, додека Јокиќ исто така влече повреда, така што е можно двајцата да не бидат на паркетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Најдобриот судија во БиХ, поради закани, одби да им суди на Железничар и Сараево
Шампионатот на Босна и Херцеговина влегува во завршна фаза, а локалниот портал „Спортспорт“, пишува дека најдобриот судија, Ирфан Пељто одбил да им суди на клубовите кои доаѓаат од главниот град Железничар и Сараево) до крајот на сезоната.
Пељто тоа го направил поради наводните закани што ги добивал тој и неговото потесно семејство, кои ги пријавил во полиција. Најдобриот судија од БиХ за својата одлука го известил Судискиот комитет на Фудбалскиот сојуз на Босна и Херцеговина, кој ја прифатил неговата одлука.
Железничар и Сараево ќе одиграат неколку дерби натпревари до крајот на сезоната, но Пељто нема да суди на ниту еден од нив.
Тој требаше да биде главен судија викендов на дербито меѓу Железничар и Вележ, но главен судија на „Грбавица“ ќе биде Елведин Топузовиќ. .
Пељто гради завидна кариера на меѓународен план и често суди натпревари во Лигата на шампионите. Неодамна судеше на пријателскиот натпревар меѓу Словенија и Португалија, а претходно го судеше и натпреварот Лајпциг- Реал Мадрид.
Речиси е сигурно дека ќе суди на ЕП.
Спорт
Интер подготвува нов договор за Инзаги
Интер е апсолутен лидер во Серија А, прашање е само кога и математички ќе ја обезбеди шампионската титула, која ќе биде прва во кариерта на Симоне Инзаги. 47-годишниот тренер досега има освојувано трофеи само во Купот и Суперкупот на Италија.
Она што Инзаги го направи оваа сезона во Серија А, ги натера клупските челници да ја сменат својата стратегија и да му понудат нов договор на тренерот.
Инзаги досега двапати го продолжуваше договорот со Интер, во 2022 и 2023 година, двата пати клубот му понуди едногодишен договор. Овој пат на 47-годишниот тренер ќе му биде понуден двегодишен договор.
Во однос на претходните години, разликата е што на Инзаги ќе му биде понуден нов договор пред да заврши сезоната, а не откако таа ќе заврши.
Интер е на чекор до освојување на шампионската титула во Серија А, откако по 29 кола е прв на табелата со 76 бодови, 14 повеќе од второпласираниот градски ривал Милан.
Спорт
Реал го обнови интересот за Де Хеа
Поранешниот голман на Манчестер јунајтед, Давид Де Хеа повторно е во плановите на Реал Мадрид. Искусниот 33-годишен голман, кој е без тим од минатото лето кога му истече договорот со „црвените ѓаволи“, повторно се поврзува со Реал, кој сака да го донесе во своите редови, пишува „Релево“.
Де Хеа требаше да дојде во Реал минатото лето, по повредата на Тибо Куртоа, но на крајот клубот на општо изненадување реши да го позајми Кепа Аризабалега од Челзи.
Сепак, тој не успеа да ги импресионира клупските челници, по завршувањето на сезоната ќе се врати во Челси, а се очекува да си замине и Андриј Лунин, кој сезонава брани во врвна форма.
Луни бара нов клуб каде што ќе биде прва опција, бидејќи не сака да му биде резерва на Куртоа. Прашање е дали Де Хеа ќе се согласи да биде резервен голман.