Спорт
По првиот викенд во Пекинг – студ и „брутален“ карантин
Првиот викенд на Зимските олимписки игри во Пекинг поминува во знакот на големиот студ во Кина, но и на многу жалби на спортистите – Швеѓаните се жалат на греењето, Русите и Полјаците на хотелите во карантин, Германците на храна, додека Финците тврдат дека се загрозени нивните човекови права поради изолацијата на нивниот хокеарски тим.
Швеѓаните беа лути откако нивната натпреварувачка во скиатлонот во саботата Фрида Карлсон колабираше откако заврши петта на трката на 15 километри на планината Жангиџаку, каде што температурата беше -24 степени и покрај тоа што правилата на Интернационалната скијачка федерација (ФИС) дозволува скијање само до -20 степени.
„Има лимит за температурата, но кој го мери ветерот. Ако ФИС вели дека е -17 и има ветер, а со ветерот е -35, што да правиме тогаш“, вели шведскиот тренер Андерс Бистрем.
Поголеми проблеми претставуваат условите за спортистите во изолација. Повеќе од 350 учесници на Олимпијадата, од кои десетина спортисти беа позитивни од 23 јануари, и дел од спортистите мораат да поминат во изолација во олимпиското село, но други се однесени во хотели за карантин.
Јука Јалонен, тренерот на финскиот машки хокеарски тим ја обвини Кина дека ги прекршува правата на неговите хокеари, откако го држеа Марко Антила во изолација иако неговиот последен позитивен тест беше пред 18 дена.
„Знаеме дека е целосно здрав и тоа значи дека Кина не му ги почитува човековите права. Медицински тој веќе не е заразен, не сфаќам што се случува“, вели Јалонен.
Сличен проблем има и полската натпреварувачка во брзо лизгање на кратки патеки, Наталија Малишевска, на која прво и беше дозволено да учествува на трката на 500 метри во саботата, а потоа пред стартот неколку часа подоцна беше изолирана по позитивен тест.
Руската биатлонка Валерина Васнецова исто така е во хотел за карантин и вели дека состојбата е очајна.
„Плачам секој ден, зошто се однесуваат вака со нас спортистите“, изјави Васнецова.
Германскиот скијачки тренер, Кристијан Швајгер, пак се жали на храната која ја добиваат скијачите за одложениот спуст.
„Исхраната е многу сомнителна. Очекував олимпискиот комитет да е способен да им даде топол оброк на спортисите. Наместо тоа има чипс, ореви и чоколадо. Смешно“, изјави Швајгер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Дебакл на Барселона во Памплона – Будимир херој на Осасуна
Фудбалерите на Осасуна ја шокираа Барселона и ја совладаа со резултат 4:2 (2:0) во натпреварот од 8.коло на шпанската Ла Лига.
Ова е прв пораз за Каталонците во Примера од почетокот на сезоната. Анте Будимир постигна два од четирите гола во историска ноќ за Осасуна. Тимот од Памплона по 12 години успеа да ја победи Барселона на домашен терен.
Тренерот на Барселона натпреварот го започна со комбиниран тим, без Јамал и Рафиња. Осасуна знаеше како да го казни тоа.
Будимир го постигна првиот во 18. минута по центаршутот на Брајан Сарагоса, а крилениот напаѓач 10 минути подоцна со мајсторски потег, како во мал фудбал го мина голманот Пења и зголеми на 2:0.
Барса продолжи да оди на се или ништо и во 53-та, по двете големи грешки во низа на голманот Серхио Ерера, успеа да ја преполови негативата преку Пау Виктор.
По тој гол Барселона уште повеќе притисна, но Осасуна покажа сила и успеа да ги префрли случувањата на спротивната страна од теренот.
Имаа домашните неколку опасни напади по крилните позиции, а во 72. минута добија пенал. Будимир беше сигурен и ја врати предноста од два гола. .
На пет минути пред крајот беше ставен крајот, бидејќи Бретонес постигна феноменален гол за огромни 4:1.
Поразот во 89. успеа да го ублажи Ламин Јамал со уште еден многу убав гол на овој меч.
Барса по максимални седум победи го доживеа првиот пораз во новата сезона. Тие ќе останат на првото место со 21 бод.
Осасуна собра 14 и моментално е на шестата позиција на табелата.
Спорт
(Видео) Конате и Салах го лансираа Ливерпул на челната позиција во Премиер лигата
Во натпреварот од шестото коло на англиската Премиер лига, Ливерпул победи со 2:1 на гостувањето кај последнопласираниот тим во лигата Вулверхемптон.
Тимот на Арне Слот на тој начин ја забележа петтата победа сезонава и со тоа го престигна актуелниот шампион Манчестер сити на врвот на табелата.
Ливерпул поведе со голот на стоперот Ибрахим Конате во судиското надополнување на првото полувреме. Домаќините се вратија во вториот дел кога алжирскиот дефанзивец Рајан Аит Нури погоди во 56. минута. Победата на Ливерпул му ја обезбеди во 61. минута Мохамед Салах со гол од пенал.
Спорт
(Видео) Актуелниот шампион ја запре серијата на Баерн – Евро гол на Павловиќ
Баерн Минхен и актуелниот шампион Баер Леверкузен одиграа 1:1 во дербито на петтата рунда во Премиер лигата. Баварците ја задржаа челната пзиција на табелата со 13 бодови, два повеќе од Лајпциг и три од Леверкузен и Борусија Дортмунд.
Баерн домиираше во текот на целиот натпревар, 70 отсто од времето топката ја имаа Баварците во своите нозе, имаа повеќе шанси, но не успеаја да победат.
Леверкузен со јасна цел излезе на теренот во Минхен, да не доживее пораз и на крајот играчите на Чаби Алонсо дојдоа до еден бод.
Во екот на најголемата офанзива на Баерн, гостите од Леверкузен првата сериозна кација ја завршија со гол. Во 31.минута од 20 метри Андрих го погоди споритвниот агол од голот на Ноер.
Баерн еспресно се врати во натпреварот, во 39 минута, Павловиќ постигна спектакуларен гол. Од 27 метри упати неодбранлив удар во голот на Храдецки.
Баерн во вториот дел имаше три неверојатни шанси, во 48.минута Гнабри најпрвин ја погоди стативата, а потоа и гредата, а во 57.минута Храдецки извонредно реагираше и го запре ударот на Олисе.