Спорт
По шопингот, следува „чистка“ – Челси ќе продаде 11 фудбалери ова лето?
Откако новиот американски газда, Тод Бели, потроши 566 милиони фунти на играчи од пристигнувањето на чело на Челси (само во јануари купија осум играчи), во текот на летото следува „чистка“ во клубот со дури 11 фудбалери кои би биле продадени ова лето, тврди „Атлетик“.
Први ќе заминат шесте фудбалери чии договори завршуваат на крајот на сезоната. Тиемуе Бакајоко, кој четири години е на позајмица, сигурнозаминува заедно со резервните голмани Маркус Бетинели и Нејтан Бекстер, како и Велшанецот Итан Ампаду, кој е на позајмица во Специја. Челси исто така можат да го загубат и Н’Голо Канте на слободен трансфер, иако се верува дека тој е блиску до потпишувње на нов договор.
Покрај нив, Челси би ги продале и играчите кои имаат само уште една година од договорите – Матео Ковачиќ, Цезар Азпиликуета, Кристијан Пулишиќ, Пјер-Емерик Обамејанг, Рубен Лофтус-Чик и Мејсон Маунт. Единствен исклучок е Тијаго Силва, кој неодамна потпиша 12-месечно продолжување на договорот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Роналдо го поврзуваат со трансфер во европската сензација
Португалскиот фудбалер Кристијано Роналдо би можел да се врати во Европа, пренесуваат саудиските медиуми.
Роналдо пристигна во Саудиска Арабија, во Ал Наср на почетокот на 2023 година.
Според информациите, Баер Леверкузен на чело со Чаби Алонсо е заинтересиран за Кристијано.
Стратегот на „фармацевтот“ е добар пријател со Роналдо, кој со години му беше соиграч во Реал Мадрид.
Роналдо е главната ѕвезда во Арабија, па вистинското прашање е дали има желба повторно да се докаже на највисоко ниво на 39 години.
Оваа сезона има учинок од 42 гола на 41 натпревар.
Во текот на кариерата играше за Спортинг, Манчестер унајтед,Реал Мадрид и Јувентус.
Пет пати ја освојуваше „Златната топка“.
Спорт
Жоржињо останува во Арсенал
Фудбалерот на Арсенал, Жоржињо го продолжи договорот со клубот.
Арсенал не прецизираше детали од договорот, се работи за краткорочен договор, а британските медиуми објавија дека договорот е продолжен за уште една сезона.
32-годишниот италијански играч за врска се пресели од Челзи во Арсенал минатиот јануари и стана важен играч во тимот на Микел Артета.
Оваа сезона одигра 35 натпревари во сите натпреварувања, а единствениот гол го постигна против Ленс во Лигата на шампионите.
Спорт
Ливерпул ја одредил цената за Дарвин
Дарвин Нуњез неодамна ги шокираше навивачите на Ливерпул со тоа што на Инстаграм ги избриша сите свои фотографии во дресот на клубот. За многумина Ургваецот со овој потег го најавил своето заминување од „Енфилд“.
Шпанските медиуми тврдат дека Нуњез ќе го апушти клубот во летниот преоден рок. Овие извори не ја исклучуваат можноста тој да ја засили Барселона. Наводно и ЛИверпул веќе ја одредил цената за напаѓачот.
Нуњез пристигна во Ливерпул во сезоната 2022/23, за клупски рекорд од 85 милиони евра. Со бонусите трансферот може да дојде и до 100 милиони евра. Уругваецот потпиша договор до летото 2028 година.
Сумата за која Ливерпул би бил подготвен да се откаже од Нуњез е 85 милиони евра.
Барселона во моментов ги нема тие пари, но би можела да ги заработи со прдожбата на неколку играчи во преодениот рок.