Спорт
Почетино: Мислам дека Меси е мотивиран за мечот со Реал
Маурисио Почетино не го смета неговиот Пари Сен-Жермен за фаворит за титулата во Лигата на шампионите пред мега-пресметката со Реал Мадрид.
„Мислам дека двата тима имаат ист притисок. Ги почитуваме Мадрид како еден од најголемите клубови на светот, а Мадрид во Лигата на шампионите, тоа е приказна сама за себе, без разлика на тренерите или фудбалерите. Не сме фаворит. ПСЖ чека повеќе од 50 години да ја освои оваа титулата, така што ние сме предизвикувачи. Тие кои имаат навика да ја освојуваат Лигата на шампионите се пред нас“, вели Почетино.
На прашање во каква форма е неговиот тим и дали Лионел Меси е подготвен да игра против својот стар ривал, Почетино е јасен.
„Се работи за важни фудбалски вечери, и Лео е добро и може да помогне со своето искуство во тимот. Неговата улога може да биде клучна. Мислам дека тој навистина е мотивиран и подготвен за ваков меч“, додава Аргентинецот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Милан со играч помалку го победи Наполи во дербито на „Сан Сиро“

Милан славеше во дербито на „Сан Сиро“ против Наполи со 2-1, нанесувајќи му го првиот пораз оваа сезона во Серија А на актуелниот шампион. Елиф Елмас влезе во игра за последните 30 минути за тимот на Антонио Конте, но Наполи не успеа да израмни.
Милан започна силно и поведе уште во третата минута со голот на Салемакерс, а предноста ја удвои Кристијан Пулишиќ во 31. минута.
Домаќинот остана со играч помалку од 57. минута поради исклучувањето на Еступињан, што беше шансата за Наполи да се врати во натпреварот.
Кевин де Брујне намали од пенал во 60. минута, а Наполи вршеше притисок до самиот крај, но не успеа да стигне до израмнување.
Спорт
Ливерпул се вклучи во трката со Манчестер Јунајтед за Англичанец вреден 65 милиони фунти

Ливерпул и Манчестер Јунајтед би можеле да влезат во ново големо ривалство – овојпат на трансфер-пазарот. Според информациите на англискиот медиум „Мирор“, актуелниот шампион на Англија се приклучил во трката за дефанзивецот на Евертон, Џерeд Братвајт.
23-годишниот стопер сезонава е еден од најстабилните играчи на „карамелите“ и веќе подолго време е на радарот на големите клубови. Претходно беше блиску до трансфер во Манчестер Јунајтед, но зделката пропадна по одлука на извршниот директор на клубот, Омар Берада.
Сега Јунајтед повторно покажува интерес, но конкуренцијата е посилна од кога било – Ливерпул е подготвен да влезе во жестока борба за потписот на Братвајт.
Евертон за својата млада ѕвезда бара обештетување од околу 65 милиони фунти, што би го направило еден од најскапите англиски дефанзивци во историјата.
Братвајт ја започна својата професионална кариера во Карлајл Јунајтед, а во 2020 година се пресели во Евертон. За сениорската репрезентација на Англија веќе има еден официјален настап, а неговиот потенцијал го прави многу привлечна опција за клубови кои бараат долгорочно решение во одбраната.
Спорт
МЗТ Скопје го крена Суперкупот, кај дамите славеше Баскет Кам

МЗТ Скопје повторно го крена пехарот во мак-баскетот, овојпат во Суперкупот на Македонија, совладувајќи го Кожув со 71-64. Иако важеше за аутсајдер, тимот од Гевгелија одигра храбро и му зададе многу проблеми на фаворитот, па исходот се решаваше во последните минути. За „штрковите“ ова е осмо трофејно одличје во натпреварувањето што ја отвора новата сезона.
Кожув одлично влезе во мечот и првата четвртина ја заврши со водство 11-18, а и на полувреме остана во плус (26-31). Но, МЗТ со серија преку Андоноски, Крстевски и Магдевски направи пресврт и замина на одмор со минимално водство (32-31).
Во продолжението, Парвис и Николоас беа движечка сила на Кожув и натпреварот остана неизвесен. Се менуваа водства (38-38, 43-44, 52-52), а пред последната четвртина МЗТ имаше тесна предност од три поени (55-52) благодарение на тројката на Војдан Стојановски.
Клучниот момент дојде во самиот финиш – при резултат 63-62, Стојановски повторно погоди од дистанца и донесе мир во редовите на аеродромци. Остатокот беше рутина – Дамјан Стојановски и Марин Петков од линијата за слободни фрлања ја потврдија победата.
Кошаркарките на Баскет Кам повторно го освоија Суперкупот на Македонија, откако во финалето беа подобри од Вардар со убедливи 63-44 и го одбранија трофејот.