Патрик Муратоглу, еден од најпознатите тениски тренери, јасно и гласно вели дека Новак Ѓоковиќ е најголемиот на сите времиња.

Ѓоковиќ е член на „големата тројка“ со Федерер и Надал, но за Муратоглу нема дилема дека тој е далеку пред овие двајца.

Французинот, во интервју за „Јуроспорт“ објасни зошто е тоа така.

„Кога ќе ги погледнете тројцата најдобри, еден од нив е најдобар. Беше број 1 подолго од другите двајца, освои повеќе Грен слемови од нив, освои повеќе Мастерс од нив, ги победуваше секаде, на сите подлоги. Тоа е Новак”, рече Муратоглу.

Во однос на влијанието врз тенисот, Муратоглу вели дека можеби предност има некој друг, но тоа не менува многу.

„Се согласувам дека можеби за 50 години некој ќе каже дека Федерер оставил поголема трага од Ѓоковиќ, но кога бираме кој е најдобар во историјата, мора да се потпреме на постигнувањата“, рече францускиот тренер и заклучи.

„Целата идеја за спортот е кој е подобар. Играчите се натпреваруваат меѓу себе за да видат кој е најдобар таа недела, на крајот на годината ќе видиме кој е најдобар во таа година. Затоа ова е лажна дебата. Ако прашањето е кој е најдобар, тогаш одговорот е јасен – Новак“.

Австралиецот со македонско потекло, Александар Волкановски го победи Бразилецот Диего Лопес во борбата за шампионскиот појас во перо категорија, во главната борба на УФЦ 314 настанот.

УФЦ 314 се одржа во Мајами, САД, во домот на НБА франѓизата Мајами Хит. Публиката уживаше во неизвезната борба.
На крајот „Волк“ победи со одлука на судиите 48:47, 49:46 и 49:46.

Волкановски во Мајами ја прекина серијата од два порази во УФЦ (претрпе тешки нокаути, од Ислам Махачев и Илија Топурија), туки и влезе во историјата на оваа категорија.

Волкановски стана првиот борец постар од 35 години кој освоил појас во перолесна категорија.

LEFT HOOKS BOTH LAND EARLY👊@AlexVolkanovski | @DiegoLopesMMA | #UFC314 pic.twitter.com/z7LlV8qZLK

— UFC (@ufc) April 13, 2025

Шпанскиот фудбалер Марко Асенсио нема по добро да го памети мечот со Саутемптон иако неговиот тим победи без проблеми на теренот на последнопласираниот тим во лигата.

Поранешниот играч на Реал Мадрид го одбележа натпреварот со два промашени пенали, во 69. и 94. минута. Така стана четвртиот играч во историјата на Премиер лигата кој промашил два пенали на еден натпревар.

Навистина реткост…

„Понекогаш се случуваат вакви работи, најважно е да продолжиме да се трудиме. Среќен сум освоивме три бода. Им благодарам на навивачите за поддршката“, напиша Асенсио по натпреварот.

Голманот на „светците“ Арон Рамсдејл се прослави, одбрани два пенали.

Инаку, Асенсио го промаши првиот пенал кога резултатот беше 0:0, а вториот кога Астон Вила имаше водство 3:0.

Инаку, Саидо Берахино е последниот играч, пред Асенсио, кој промаши два пенали, на натпреварот на ВБА за кој играше, против Вотфорд во 2016 година.

И двата удари ги одбрани Еурелио Гомеш.

Интересно, Гомеш го одбележа мечот и шест години порано, тогаш во дресот на Тотенхем, со два одбранети пенали на мечот со Сандерленд, кога ги одбрани ударите на на Дарен Бент (при триумф на Сандерленд од 3:1).

Бент потоа искористи еден од трите пенали.

Прв кој не успеал да искористи два пенали во Премиер лигата бил Хуан Пабло Анхел од Астон Вила. Едвин Ван дер Сар, тогаш голман на Фулам беше успешен два пати против играчот на Вила. Тој натпревар заврши со резултат 1:1.