Спорт
Почина Ел Тринче Карловиќ, најголемата „урбана легенда“ на аргентинскиот фудбал
Томас Фелипе „Ел Тринче“ Карловиќ, легендарниот аргентински фудбалер и според Диего Марадона „најдобриот во историјата“ почина во болницата во Росарио, откако во средата беше нападнат од крадец кој го украл неговиот велосипед.
74-годишниот Карловиќ беше секогаш почитуван од Сезар Луис Меноти, Хозе Пекерман, Марсело Биелса, а Диего Марадона изјави дека само тој бил подобар фудбалер од него, но легендата за „најдобриот“ стана вистинска урбана легенда во Аргентина, бидејќи тој никогаш не стана славен, ниту заработи пари од фудбалот.
Син на хрватски имигрант, тој живееше до крајот на својот живот во сркомната куќа каде што беше најмлад од седум браќа. Легендата за него се прошири по пријателскиот меч помеѓу тим на фудбалери од Росарио и аргентинската репрезентација која се подготвуваше за пат на Светското првенство во 1974 година. Кога локалниот тим победи со 3:0, легендата велеше дека селекторот молел да се тргне од теренот бидејќи ги понижувал. Кога го повикале во репрезентацијата во 1978 година, тој одби и изјави дека мора да оди „по риба бидејќи нивото на реката е одлично“.
⚫️ Muere 'el Trinche' Carlovich tras el golpe que recibió en la cabeza para robarle la bicicleta. DEP https://t.co/eO07dofswO
— MARCA (@marca) May 8, 2020
La ciudad entera te despide, querido amigo, con pena y bronca…
Justicia para el Trinche y para todas las víctimas de la inseguridad. Un abrazo a la distancia a la familia. pic.twitter.com/MW0sKn4rvK— pablo javkin (@pablojavkin) May 8, 2020
Luego de la noticia de su fallecimiento en la mañana de hoy, varias personalidades del fútbol y clubes hicieron mención al legendario futbolista rosarinohttps://t.co/y4q4y9J3OF
— TyC Sports (@TyCSports) May 8, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Јувентус постигнал договор со новиот голман, Монца бара оштета од 20.000.000 евра
Реконструкција му престои на Јувентус во летниот преоден рок. Извесно е дека тренерот Макс Алегри ќе о напушти клубот, клупските челници се во потрага по засилувања во сите линии. Италијанските медиуми тврдат дека од наредната сезона Јувентус ќе има нов голман.
Спортскиот сектор на Јувентус ги завршил преговорите со голманот на Монца, Микеле Ди Грегорио. Наводно, Ди Грегорио и Јувентус договориле петгодишна соработка, за годишна плата од 2.000.000 евра.
Сега Јувентус треба да се договори со Монца. Првиот човек на клубот, Адријано Галијани за голманот бара оштета од 20.000.000 евра.
За да го намали обештетувањето, Јувентус ќе го понуди вториот голман Матија Перин, или пак некој друг фудбалер.
Ди Грегорио е „дете“ на Интер, но никогаш не доби шанса во клубот. Интер го испраќаше на позајмици во разни пониски лиги и на крај тој заврши во Монца кога тимот играше во Серија Б го купи за 4.400.000 евра. Интер ќе добие 10 отсто од следниот трансфер на Ди Грегорио.
Спорт
Гасе нема да остане на клупата на Марсеј
Фудбалскиот клуб Олимпик Марсеј нема намера да го задржи актуелниот тренер Жан-Луј Гасе следната сезона.
Гасе беше донесен за да ја спаси сезоната, откако клубот го отпушти Џенаро Гатузо. Тоа му успеа до одреден степен, но како што стојат работите во клубот не се сигурни дека ќе го задржат следната сезона.
Како што пренесува „Лекип“, претседателот на Марсеј, Пабло Лонгорија тргнал по Паоло Фонсека, кој е прва желба на клубот.
Договорот на Фонсека со Лил истекува на крајот од сезоната, а клубот има намера да му понуди нов.
Марсеј веќе се обиде да го доведе во своите редови минатата сезона, но во последен момент трансферот го спречи претседателот на Лил, Оливие Летанг.
Спорт
Барселона се распрашува за Лирој Сане
Поради тешката финансиска состојба, Барселона летово ќе биде принудена да продава играчи, особено ако сака да донесе звучни имиња од други клубови.
Шпанските медиуми објавија дека Барселона веќе стапила во контакт со Баерн во врска со Лирој Сане.
28-годишен крилен напаѓач е под договор со Баерн и за следната сезона, а „Трансфермаркт“ неговата вредност ја проценува на 70 милиони евра. Шпанските медиуми пишуваат и дека Барселона би можела да испрати еден од своите играчи во Баерн и со тоа да ја намали цената на германскиот репрезентативец.
Сане пристигна во Баерн во 2020 година од Манчестер Сити.