Спорт
Почина легендарниот голман на Ливерпул, Реј Клеменс

Поранешниот голман на Ливерпул и англиската репрезентација, Реј Клеменс почина на 72 години. Клеменс беше еден од најдобрите англиски голмани во историјата, освојувајќи три европски титули со Ливерпул, откако Бил Шенкли го купи за тогаш огромни 18.000 фунти од Сканторп јунајтед.
Клеменс исто така имаше 61 настап за англиската репрезентација, бројка која сигурно ќе беше поголема за да не беше долго време замена на Питер Шилтон. На Клеменс му беше дијагностициран рак на простатата во 2005, а исто така имаше и тумор на мозокот.
Клеменс помина 13 сезони на „Енфилд“ и имаше 665 настапи, освојувајќи три европски круни, пет лигашки титули, два УЕФА купа и по еден ФА куп и Лига куп. Неговата најславна сезона беше 1978/79, кога во 42 натпревари, Ливерпул прими само 16 гола, што останува рекорд за клубот.
Во 1981 година тој се пресели во Тотенхем за 300.000 фунти и со нив го освои УЕФА купот и ФА купот во седум сезони на „Вајт харт лејн“. Во 1996 година тој стана тренер на голманите во англиската репрезентација работејќи со Глен Ходл, Кевин Киган, Свен-Горан Ериксон и Стив Мекларен.
We are extremely saddened to learn that former #ThreeLions goalkeeper and coach Ray Clemence has passed away at the age of 72.
All of our thoughts are with Ray’s family, friends and former clubs at this time. pic.twitter.com/VfMLuhH8zw
— England (@England) November 15, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.