Спорт
Почина легендарниот голман на Реал Мадрид

Мигел Анхел Гонзалес Суарез, познат во светот на фудбалот како Мигел Анхел, легендарен голман на Реал Мадрид меѓу 70-тите и 80-тите години на минатиот век, почина на 76-годишна возраст од АЛС (амиотрофична латерална склероза).
Во соопштението, Реал Мадрид изрази жалење за големата загуба и изрази сочувство до семејството и навивачите на „кралскиот клуб“:
„Реал Мадрид, претседателот и Управниот одбор, длабоко жалат за смртта на Мигел Анхел Гонзалес, еден од најголемите голмани во нашата историја, легенда на Реал Мадрид и шпанскиот фудбал. Реал Мадрид сака да им изрази сочувство и љубов на неговата сопруга Марија дел Пилар, синот Мигел Анхел, внуците Даниела и Мауро, роднините, соиграчите и навивачите“.
Анхел го носеше дресот на Реал Мадрид осумнаесет сезони, од 1968 до 1986 година, освои два Купа на УЕФА, осум титули, пет шпански купови и еден Лига куп. Во сезоната 1975-1976 го освои „Трофејот Замора“, награда на „Марка“ за голман со најмалку примени голови во првенството.
Голот на репрезентацијата го бранеше на 18 натпревари, беше на Светското првенство во Аргентина во 1978 година и во Шпанија во 1982 година.
Неговата пост-играчка кариера беше врзана и за Реал Мадрид, тој беше менаџер на првиот тим, тренер на голмани и директор на поранешниот Реал Мадрид Спорт Сити.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Пулишиќ промаши пенал – Нула во дербито Јувентус-Милан

Фудбалерите на Јувентус и Милан одиграа без голови во натпреварот од 6-то коло на Серија А.
Ова беше 245-та средба меѓу двата тима, која на крајот заврши со најнепопуларниот резултат. Милан петти меч по ред не успеа да постигне гол против Јувентус, последен пат росонерите, постигнаа гол против екипата од Торино во мај 2023 година.
Кристијан Пулишиќ не ја искористи најдобрата шанса на натпреварот, промаши пенал во 53-та минута.
Неколку минути пред пеналот на Пулишиќ, нјдобрата шанса за Јуве не ја искористи Гати, неговиот удар од пет метри брилијантно го одбрани Мењон.
Милан беше многу поблиску до победата, имаше повеќе шанси, беше поконкретен од ривалот кој, освен гореспоменатиот обид на Гати, не направи речиси ништо конкретно во нападот.
Спорт
(Видео) Пресврт на „Марадона“ – Наполи ја победи Џенова

Фудбалерите на Наполи ја победија Џенова со 2:1 во натпреварот од 6-то коло на Серија А.
Наполи успеа да ја оствари својата петта победа оваа сезона во Серија А, откако по пресврт ги победи гостите од Џенова.
Џенова поведе во 33-та минута преку Екатор. Напаѓачот на Џенова постигна спектакуларен гол со петица.
Во второто полувреме, Наполитанците ја обезбедија победата. Изедначи Самбо Ангиса во 57-та минута за израмнување и надеж дека Наполи може да ја продолжи трката со Рома.
Голот за победа го постигна Расмус Хојлунд во 75-та минута. Данецот игра како прероден во Наполи, каде дојде на позајмица од Манчестер Јунајтед. Во средата, со два гола му ја обезбеди победата на наполи над Спортинг во Лигата на шампионите.
Наполи со оваа победа се изедначи со Рома на челната позиција, двата тима имаат по 15 поени.
Foto/ EPA
Спорт
(Видео) Лесно му е на Сити кога го има Халанд

Фудбалерите на Манчестер Сити го победија Брентфорд со 1:0 во последниот натпревар од седмото коло од Премиер лигата.
„Граѓаните“ беа големи фаворити пред натпреварот, добро го отворија натпреварот, делуваа сигурно во првиот дел, но во вториот не направија буквално ништо пред голот на противникот. Сепа за тимот на Гвардиола најважна е победата.
Единствениот гол на натпреварот беше постигнат во деветтата минута, кога голманот на Брентфорд го совлада Ерлинг Халанд.
Сити го забележа четвртиот триумф во сезоната, сега се наоѓа на петтото место на табелата со 13 бода, три помалку од лидерот Арсенал.