Спорт
Почина легендарниот тренер Јанко Лукоски
Тажната вест пристигна од Нови Сад. На 78-годишна возраст почина Јанко Луковски, легендарен македонски кошаркар и познат тренер во поранешна Југославија, особено во Македонија и Србија.
Луковски потекнува од кошаркарската школа на Работнички во Скопје, каде прво со голем успех играше заедно со својот брат Митко, а потоа стана одличен тренер во својот матичен клуб.
Познатиот тим од скопски Градски парк со стратегот Луковски ги оствари двата најголеми успеси во историјата на клубот во поранешна СФРЈ, во сезоната 1991/92 го освои третото место во националното првенство, кое и тогаш важеше за едно од најсилните во Европа. Неполни десет години пред тоа го предводеше Работнички до финалето на Купот на Југославија (1983 година), во кое беа поразени од Цибона.
Од 1982 до 1986 година ја водеше, понекогаш самостојно, а повремено и како помошник на Русмир Халиловиќ, јуниорската, кадетската и младинската репрезентација на Југославија, во која тренираше асови како Дражен Петровиќ, Јуре Здовац, Жарко Паспаљ, Миодраг Пецарски, Данко Цвјетичанин, Велимир Перасовиќ, Зоран Сретеновиќ…
Пред две децении тој ја основа познатата кошаркарска школа „Спорт Ки“ во Нови Сад.
Пред неколку години ја имаше својата последна функција во македонската кошарка, како советник за помлади категории во Македонската кошаркарска асоцијација и во младинската школа МЗТ Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Лупу: Романија и Словачка ќе го наместат натпрeварот
![](https://makfax.com.mk/wp-content/uploads/2024/06/euro-2024-romania-vs-ukraine-1-6929810-1718639718473.jpg)
Четири репрезентации во Е групата, во последното коло влегуваат со по три бода. Во последното коло Романија ќе игра против Словачка, а Белгија против Украина.
Јасно е дека четири бода ќе бидат доволни за пласман во осминафиналето, а вече се знае дека резултатот 0:0 ќе ги однесе Романија и на Словачка во нокаут фазата.
За ова зборуваше и поранешниот романски фудбалер Данут Лупу, кој тврди дека резултатот е договорен со репрезентацијата на Словачка.
„Ќе се квалификуваме понатаму, со реми против Словачка. Се е договорено, би било штета ако двете репрезентации не одат во следната фаза. Зошто да ризикуваме? На тоа ниво играчите се согласуваат многу добро. Зошто да ризикуваат и едните и другите“, изјави Лупа за романските медиуми.
Спорт
По Начо, и Хоселу се сели во Саудиска Арабија
![](https://makfax.com.mk/wp-content/uploads/2024/06/4aaa30d0-0d7f-11ef-bfe5-e023dac8347c.jpg)
Еден од хероите на Реал во походот на 15. титулата во Лигата на шампионите, Хоселу, во летниот преоден рок ќе го напушти клубот.
Искусниот напаѓач, процени дека со доаѓањето на Килијан Мбапе, конкуренцијата во нападот ќе биде толку силна поради што неговата минутажа ќе биде дополнително намалена.
Хоселу, ќе тргне по стапките на соиграчот Начо и ќе се пресели во Саудиска Арабија, пишуваат шпанските медиуми.
Неговиот следен клуб се уште не е познат, но јасно е дека следната сезона нема да го носи дресот на Реал Мадрид.
Хоселу во кариерата бил играч на Селта, Хофенхајм, Ајнтрахт, Хановер, Стоук, Њукасл, Алавес и Еспањол. Тој е дел од шпанската репрезентација на ЕП во Германија. За националниот тим има одиграно 11 натпревари, постигнал пет гола. Поранешниот романски фудбалер Данут Лупу тврди дека е договорен конечниот резултат на натпреварот против Словачка во третото коло на Европското првенство.
Спорт
И Аврамовиќ замина од Партизан
![](https://makfax.com.mk/wp-content/uploads/2024/06/58539_avramovic1_f.jpg)
По Кевин Пантер, Зек Лидеј, Френк Камински, Пи-Џеј Дожер и Алекса Аврамовиќ го напушти кошаркарскиот клуб Партизан.
Како што пренесува „Меридијан спорт“, дефинитивно завршува соработката помеѓу Партизан и Алекса Аврамовиќ, српскиот репрезентативец кариерата ќе ја продолжи во друг клуб.
Дел од српските медиуми тврдат дека Аврамовиќ ќе се пресели во редовите на новиот евролигаш, Париз, каде тренер наскоро во нов тренер треба да биде промовиран поранешниот капитен на Партизан, Петар Божиќ.
Аврамовиќ дојде во Партизан од шпански Естудијантес во 2021 година, ја освои АБА лигата во 2023 година.