Спорт
Почина Питер Бонети, човекот кој ги популаризираше голманските ракавици
![](https://makfax.com.mk/wp-content/uploads/2020/04/159d1c54eb2ae2db99010ae4f5046cf1.jpg)
Челси потврдија дека нивниот поранешен голман, Питер Бонети починал на 78 години по долга битка со болест.
Бонети, кој имаше прекор „мачка“ поради своите рефлекси, одигра 729 натпревари за Челси, со што е втор на листата на клубот од Лондон. Бонети исто така одигра седум меча за Англија и беше замена а Гордон Бенкс во шампионската репрезентација од 1966 година.
Бонети беше фудбалер од младинската школа на Челси заедно со Боби Темблинг и Тери Венејблс, пред да дебитира на 18 години во 1960 година. Тој беше прв избор на голот на Челси во 1960-тите и 1970-тите, како дел од генерацијата голмани кои ја редефинираа позицијата на голман со доминација во пеналтикот и напад на напаѓачите со излегување од својот простор.
Тој беше меѓу првите голмани кои носеа ракавици, на почетокот обични ракавици за работа во градина, а потоа сопствен бренд „Питер Бонети“, кој потоа стана стандард. По пензионирањето тој беше еден од првите специјалисти тренери на голмани во Челси.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Ферстапен победи во Шпанија пред Норис и Хамилтон
![](https://makfax.com.mk/wp-content/uploads/2024/06/12320773.jpg)
Возачот на Ред Бул, Макс Ферстапен победи на Шпанското ГП. Второто место го зазеде Ландо Норис за Мекларен, додека трет заврши асот на Мерцедес Луис Хамилтон.
Стартот на Големата награда на Шпанија беше највозбудиот дел од трката. Трката со брилијантен потег ја отвори возачот на Мерцедес Џорџ Расел – стартуваше од четвртото место, но веќе во првиот свиок се проби на челната позиција.
Сепак, водството на Расел беше краткотрајно, бидејќи Ферстапен го стигна и го престигна на почетокот на третиот круг.
Од тој момент, актуелниот шампион го диктираше темпото и беше во водство, освен кога менуваше гуми.
Норис, влезе во борба со пилотите на Мерцедес, стигна до втрото место, но не успеа да му се доближи на Ферстапен.
Зад најдобрите тројца се пласираа Џорџ Расел од Мерцедес, двоецот на Ферари Шарл Леклер и Карлос Саинц, Оскар Пјастри (Мекларен), Серхио Перез (Ред Бул), а во Топ 10 беа и полотите на Алпин Пјер Гасли и Естебан Окон.
Спорт
УЕФА одлучи: Два меча суспензија за Даку по навредите за Македонците и Србите на Европското првенство
![](https://makfax.com.mk/wp-content/uploads/2024/06/daku-2.jpg)
Албанската фудбалска федерација соопшти дека УЕФА му ja изрекла забраната на албанскиот репрезентативец, Мирлинд Даку. Тој доби два меча суспензија откако ги наведе навивачите на националистички скандирања, пренесе „Асошиејтед прес“.
Даку зеде мегафон по ремито 2-2 на Албанија со Хрватска во средата во Хамбург и извика:„Е*и ги Македонците…, е*и ги Србите…“
Албанската федерација, исто така, соопшти дека УЕФА изрекла казни во вкупна вредност од 47.250 евра (50.500 американски долари) за инцидентите на натпреварот, кога албанските и хрватските навивачи извикуваа антисрпски пароли.
Српската фудбалска федерација по инцидентите објави дека ќе го напушти турнирот доколку УЕФА не казнува.
Албанија ќе го игра решавачкиот натпревар од групната фаза во понеделник против Шпанија.
Спорт
Марej се повлече од Вимблдон
![](https://makfax.com.mk/wp-content/uploads/2024/06/m.jpg)
Енди Мареј, некогашниот тенисер број еден во светот, сепак нема да игра на Вимблдон.
Тој во саботата мораше да оди на операција на циста и тоа е причината да не биде на третиот Грен слем сезонава.
Мареј играше оваа недела на турнир во Квинс, но мораше да му отстапи меч од второто коло на Џордан Томпсон.
Според првите информации, тој ќе има пауза од шест недели, па под знак прашалник е и неговото учество на Олимписките игри во Париз.
“По операцијата на цистата на ‘рбетот, за жал, Енди Мареј нема да биде на Вимблдон. Заздрави и одмори се Енди, на сите ќе ни недостигаш таму”, изјавија организаторите на турнирот.