Спорт
Почина великанот на Арсенал и Евертон, Кевин Кембел
Поранешниот играч на Арсенал, Кевин Кембел, почина во саботата наутро на 55-годишна возраст. Веста дојде само две недели откако беше откриено дека е во болница поради тешка болест.
Кембел беше популарна фигура во англискиот фудбал, и како играч и како харизматичен ТВ аналитичар.
„Уништени сме кога дознавме за смртта на Кевин Кембел“, пишува меѓу другото на Твитер профилот на англиската репрезентација.
Кембел беше најдобар стрелец во младинските категории, а за Арсенал дебитираше во 1988 година.
Со „топчиите“ ја освои Премиер лигата, како и ФА Купот, Лига купот и Купот на победниците на куповите.
Клубот за кој постигна 55 гола на 210 настапи, го напушти во 1995 година кога се пресели во Нотингем Форест за 2,5 милиони фунти.
По краткиот период во Трабзон, каде што беше цел на расизам, Кембел пристигна во Евертон на позајмица во 1999 година.
Она што требаше да биде краткорочна соработка се покажа како многу успешна и долга.
Беше член на „Карамелите“ од 1999 до 2005 година. Потоа играше за Вест Бром и Кардиф, каде ја заврши кариерата во 2007 година.
RIP Kevin Campbell 🙏 pic.twitter.com/nLZEEEQW5c
— 90s Football (@90sfootball) June 15, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Германија лесно ја победи Унгарија
![](https://makfax.com.mk/wp-content/uploads/2024/06/12311503.jpg)
Германија е првата репрезентација која избори пласман во нокаут фазата на Европското првенство. Германците, во второто коло во А групата, ја победи Унгарија со 2:0 (1:0).
На стадионот во Штутгарт, Германија без многу напор славеше над Унгарија. Головите беа постигнати во 22. минута од првиот и вториот дел.
Мусијала погоди за 1:0, но впечатокот е дека асистентот Гундоган во зачетокот на акцијата направи фаул.
Гудоган го постигна вториот гол, по акцијата која ја креираа Мусијала и Мистелштатд.
Унгарците имаа свои шанси, но не успеаја да ги реализираат. По вториот пораз во групата, Унгарија остана само со теоретски шанси за пласман во осминафиналето.
Во последното коло, за четири дена, Германија ќе игра против Швајцарија, а Унгарија против Шкотска.
Спорт
(Видео) Албанскте и хрватските навивачи во еден глас: Убиј, убиј, го Србинот
![](https://makfax.com.mk/wp-content/uploads/2024/06/12311253.jpg)
Дуелот меѓу Хрватска и Албанија во второто коло од групата Б на Европското првенство го одбележа и традиционалниот балкански фолклор кога станува збор за навивачите.
Тука не станува употреба на пиротехника, ниту за знамиња со полиитчки пораки.
Од пораките „Косово е Албанија“, преку знамиња со ознаки на УЧК до пораките „FCK Serbia“.
Највпечатливиот момент на трибините се случи некаде во 60 минута, кога албанските и хрватските навивачи скандираа: „Убиј, убиј, убиј го Србинот“.
🇭🇷🇦🇱 Least insane Balkan countries chant "K*ll the Serb!" from the stands during the football match between Croatia and Albania. pic.twitter.com/kzzzoaWPRr
— DD Geopolitics (@DD_Geopolitics) June 19, 2024
На крајот сето она што се случуваше на трибините беше зачинето со упадот на голем број албански навивачи на теренот.
Спорт
(Видео) Лудница во Хамбург – Албанија во 95.минута ја шокира Хрватска
![](https://makfax.com.mk/wp-content/uploads/2024/06/12311130.jpg)
Хрватска и Албанија одиграа без победник 2:2 (0:1) во првиот натпревар од второто коло на Европското првенство. Драмата во Хамбург епилог доби во 95.минута кога Ѓасула постигна гол за 2:2.
Албанија првиот дел го заврши со предност, со голот на Лачи во 11.минута. Хрватската одбрана лошо реагираше, а впечаток е дека и Ливаковиќ можеше подобро да реагира. До крајот на полувремето Албанците имаа уште две добри шанси да о зголемат водството, не не ги реализираа.
Во вториот дел Хрватска ја контролираше играта, константно притискаше и успеа во 120 секунди да ги шокира Албанците. Крамариќ изедначи во 74., а Ѓасула во 76.минута постигна авто-гол.
Албанците и покрај начинот на кој што ја загубија предноста не се предаваа, влегувањето на Хоџа и Доку го смени случувањата на теренот.
Токму по акцијата на Хоџа, инаку фудбалер на Динамо Загреб, Ѓасула во 95.минута го постави конечниот резултат.
Во последното коло двете репрезентации ќе влезат со по еден бод. Во последната рунда Хрватска ќе игра против Италија, а Албанија против Шпанија.