Спорт
„Почитта што ја имам кон Рафа и Роџер надминува некои негативни мислења што ги имам за нив
Српскиот тенисер Новак Ѓоковиќ одговори на коментарите на Рафаел Надал по освојувањето на 24. Грен слем титула во кариерата.
Шпанецот во опширното интервју изјави дека Ѓоковиќ „ќе бил исфрустриран“ доколку не го направел тоа.
„Мислам дека Ѓоковиќ ја живее таа грен слем приказна на малку поинтензивен начин (од мене; од нас другите). За него би било голема фрустрација доколку не го постигнеше тој рекорд“, рече тогаш Надал.
Ѓоковиќ од Белград, каде тренира со својот спаринг партнер Карлос Гомеш, му одговори на големиот ривал.
„Видов дека стана доста вирално, дека луѓето зборуваат за тоа. Секој има право на свое мислење и како толкува некој друг во тој контекст. Тоа е сè што можам да кажам. Рафа е голем шампион, имам многу почит кон него и го почитувам како шампион, како мој најголем ривал, како човек и тенисер кој е многу вклучен во обликувањето на мојата игра и резултатите што ги постигнав. Немам намера на кој било начин да зборувам во негативен контекст за него или за Роџер Федерер затоа што мојата почит ги надминува можеби некои негативни мислења за нив. Тоа е негово мислење со кое секако не се согласувам. Имам свое мислење но нема да го споделам затоа што не сакам да ја продлабочиме темата. Воопшто нема потреба од тоа“, изјави Ѓоковиќ во интервју за „Спортал“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.