Спорт
Почнува тенискиот спектакл на Вимблдон
Макфакс и Топспорт на Вимблдон
Во понеделник во Лондон започнува 134-то издание на најстариот тенискиот турнир Вимблдон, кој важи и за неофицијално светско тениско првенство. Во наредните две седмици, најдобрите светски тенисери и тенисерки ќе се обидат да триумфираат во некоја од петте категории: машка, женска, игра во двојки и микс двојки.
Оваа година поради пандемијата со Ковид-19, турнирот ќе се одржува во поинакви услови од претходните. Елиминационите мечеви ќе се играат пред 50 проценти исполнети капацитети на стадионите, а само полуфиналата и финалата на Центраниот терен ќе бидат целосно пополнети. Освен за публиката, измени има и за новинарите, така што најголемиот дел од акредитираните известувачи турнирот ќе го следат од дома, со онлај учество на прес конференциите и правења интервјуа и земање изјави од тенисерите. Влезот на публиката на стадионите е дозволен само со покажување на потврда за вакцинираност, негативен ПЦР тест или сертификат дека вирусот бил прележан во последните шест месеци.
Покрај здравствените околности, кои не одат во прилог на организторот, турнирот нема да се одигра во полн играчки капацитет и поради откажување на учеството на повеќе тенисери. Од позвучните имиња кои го откажаа своето присуство се минатогодишната победничка Романката Симона Халеп, како и второрангираната на ВТА листата Јапонката Наоми Осака. Кај мажите тоа сеРафаел Надал, Доминик Тим, Милош Раониќи Давид Гофан.
Според оценките на поранешните тенисери, како Матс Виландер и Џон Мекинро, откажувањата нема многу да влијаат на улогата на главен фаворит во машкиот дел од турнирот, каде се очекува Новак Џоковиќ да ја одбрани титулата од минатиот Вимблдон. Во женска конкуренција ривалствата се многу поизедначени, така што повеќе тенсиерки се гледаат за можни победници на турнирот, пред сѐпрворангираната Ешли Бартикако и Серена Вилијамс, иако не е исклучено повторно да има сензационална победничка од втор план.
Роџер Федерер, кој на Вимбелдон важи за фаворит од сенка, повеќе поради миналиот труд, отколку резултатите во последната година, на воведната прес конференција најави дека сѐ уште не одлучил дали ќе учествува на претстојните Олимписки игри во Токио, веројатно сакајќи потполно да им се посвети на Гренд слем турнирите и трката со Надал и Ѓоковиќ за т.н. ГОАТ.
Радост за домаќинот е враќањето на теренот на Енди Мареј, кој, поради повредите, сѐ уште е во потрага по формата која би можела да му донесебарем пласман во втората седмица од турнирот.
Сепак, таканаречените „млади лавовои“ како Циципас, Медведев, Зверев, Рубљев и Беретини, се главната закана за новиот триумф на Џоковиќ. Гледано според годините,секако дека се далеку помлади од славната тројка, но не се и веќе толку млади и неискусни за да не можат рамноправно да се носат со Новак и Роџер на овој турнир.
Токму во правец на играчкото созревање беше и прашањето на специјалниот известувач на Макфакс и Топспорт од Вимблдон, Ненад Живановски, кој на воведната прес конференција го потсети Стефанос Циципас на претходниот Вимблдон во 2019 година, кога беше елиминиран уште во првата рунда и кога на конференцијата после мечот резигнирано изјавил дека почнувал да се прашува дали повеќе имало смисол да се бави со тенис. Да му кажал некој тогаш дека за две години ќе игра во финалето на Роланд Гарос секако дека не би му поверувал. Прашањето на нашиот новинар беше, како од денешна перспектива гледа на таа своја изјава.
Грчкиот тенисер одговори дека тогаш бил потполно поинаква личност од денес бидејќи немал толкава самодоверба како сега. „Јас ја повратив мојата самодоверба бидејќи немав План Б или План Ц, туку морав да продолжам во животот да го работам она кое единствено го умеам. Сега се чувствувам среќно, а минатите две години беа прекрасно патување, во кое пораснав како личност, созреав и научив како да гледам на поразите и победите. Сега сум среќна личност, независно како ќе се одвиваат работите во наредните две седмици. Благодарен сум што можам да го живеам животот како што го живеам и повеќе немам причини за таква разочараност и трауми“ – одговори Циципас на прашањето на Топспорт (прашњето е на 4 мин. и 39 секунда во видеото).
Вимблдон 2021 се завршува на 11 јули кога се игра финалето во машката конкуренција. Куриозитет е дека тоа финале ќе се игра истиот ден, само неколку часа порано и неколку километри подалеку, од Вембли Стадионот, каде ќе се одржи финалето на Европското првенство во фудбал. Ни претстојат две седмици врвен спорт, во кој по зелената трева ќе отскокнува топката. Без разлика дали е тениска или фудбалка.
Од Вимблдон,Ненад Живановски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Менди: Навистина мислите дека Дијаз намерно го промаши пеналот? Бидете сериозени
Брахим Дијаз, играч на Реал Мадрид и репрезентацијата на Мароко е трагичар на годината. Промаши пенал, во 90+23.минута, во финалето на Африканскиот куп, а Мароко остана без титулата, на која чекаше 50 години.
Бурно беше финалето на Африканскиот куп. Поништен гол, неоправдано, на Сенегал во 93-та минута, а потоа ВАР пенал, многу сомнителен, во 99-та минута за Мароко. Сенегалците, на повик на селекторот, незадоволни од судењето, го напуштија теренот.
Не се повлече само Садио Мане, кој ги врати соиграчите на теренот, а останатото е историја.
По мечот, многумина тврдеа дека во духот на фер-плејот, Брахим Дијаз намерно го промашил пеналот. За потсетување, Дијаз се обиде со „паненка“, но голманот Менди го прочита, остана на гол линијата и лесно ја прифати топката.
CHAOS AT AFCON🤯
Senegal have a goal disallowed in injury time.
Minutes later Morocco are awarded a penalty.
Senegal players walk off in protest😡Brahim Diaz decides this is the best moment for a Panenka😬
Senegal now lead 1-0 in extra-time
— Balls.ie (@ballsdotie) January 18, 2026
„Дали Брахим намерно го промаши пеналот? Не, секако дека не! Ве молам, бидете сериозни! Дали навистина мислите дека на крајот од финалето, напаѓачот на репрезентацијата што 50 години чека титула сака да промаши и дека можевме да се договориме во таква ситуација? Тој сакаше да постигне гол и јас заслужувам признание затоа што одбранив и тоа е сè“, рече Менди и додаде:
„Пред секој пенал за противниците, разговарам со Садио Мане. Нема да ви кажам што ми кажа. Најважно е да го донесеме трофејот дома и да што направиме милиони Сенегалци да бидат среќни. Сè се случи во ова финале. Знаевме дека сме на непријателска територија. Мароко чекаше 50 години за трофејот и сè отидше во нивна корист. Ние ја имавме само топката и нашето знаење и на крајот победивме.“
Спорт
(Видео) Финалето на Африканскиот куп имаше и трето полувреме
Сенегал го освои Африканскиот куп на нации. Во финалето, го победија домаќинот на натпреварувањето, Мароко, со 1:0 по неверојатна драма обележана со контроверзни судиски одлуки, а голот за освојување на африканската титула го постигна Папе Геје во 94-та минута. Кон крајот на регуларното време, натпреварот беше прекинат во целосен хаос откако селекторот на Сенегал, Папе Тиау, ги повлече своите играчи од теренот.
Одлуката дојде откако на Мароко му беше досуден контроверзен пенал во 97-та минута, кој го промаши Брахим Дијаз. Потоа Сенегал постигна гол во првото продолжение што му ја донесе титулата.
Пред тоа, Сенегалците мислеа дека го постигнале гол за победа во 93-та минута. Откако ударот со глава на Сек ја погоди стативата, Исмаила Сар ја смести одбиената топка во голот.
Сепак, судијата Жан-Жак Ндала од ДР Конго веќе го прекина натпреварот, досудувајќи му прекршок на Сек врз Хакими. Клупата на Сенегал реагираше бурно. Бидејќи судијата го означи прекршокот пред топката да влезе во голот. Во таква ситуација ВАР не може да се вклучи.
Само неколку моменти подоцна, судијата беше повикан од ВАР судијата, да прегледа ситуација во шестаесетникот на Сенегал. Во 99-тата минута, откако ја прегледа снимката, досуди пенал за Мароко за држењето на Сек врз Брахим Дијаз. После тоа, Сенегалеците го напуштија теренот.
По речиси 20 минути прекин, Сенегалеците се вратија на теренот. Брахим Дијаз ја зеде топката изведе „паненка“, но Едуар Менди го прочита и ја фати топката во рацете. Тоа беше последниот удар од регуларниот дел од играта.
CHAOS AT AFCON🤯
Senegal have a goal disallowed in injury time.
Minutes later Morocco are awarded a penalty.
Senegal players walk off in protest😡Brahim Diaz decides this is the best moment for a Panenka😬
Senegal now lead 1-0 in extra-time
— Balls.ie (@ballsdotie) January 18, 2026
Инцидентите од натпреварот се пренесоа и на прес-конференцијата. Иако помина повеќе од еден час од крајот на финалето и церемонијата на доделување на трофејот и почетокот на прес-конференцијата, тензиите не стивнаа.
Кога Папе Тиау влезе во прес-салата за да одржи прес-конференција, мароканските новинари го поздравија со свирежи и скандирања и му порачаа да замине.
Ugly scenes in the press conference room, as journalists from #Morocco boo Pape Thiaw, #Senegal’s #AFCON2025 trophy 🏆 winning coach. This is shameful. Very shameful. This should not happen, no matter what happened on the field. Thiaw walked out. We don’t know what happens now. pic.twitter.com/22J8DpWJIJ
— Osasu Obayiuwana (@osasuo) January 18, 2026
Тие се осврнуваа на она што им го наредил на играчите пред да го напуштат теренот. Сенегалските новинари одговорија на ова со аплаузи и гласна поддршка за селекторот.
Набрзо новинарите вербално се пресметаа, а потоа мароканските новинари објавија дека ќе ја бојкотираат прес-конференцијата на сенегалскиот тренер и се упатија кон излезот од салата. Тиау реагираше и неа збор замина од прес салата.
Спорт
Флик: Најнесреќниот натпревар во мојата кариера
Тренерот на Барселона, Ханси Флик, беше разочаран по поразот во неделата од Реал Сосиедад (2:1) на „Реале арена“, истакнувајќи дека резултатот не ја одразува играта на неговиот тим, кој создаде многу шанси. Тој, исто така, се согласи со изјавите на капитенот Френки де Јонг за судијата Хесус Хил Манзано, наведувајќи дека комуникацијата со него била невозможна.
Тимот од Сан Себастијан славеше со головите на Микел Ојарзабал и Гонзало Гуедес, додека единствениот гол за Барселона го постигна Маркус Рашфорд.
По поразот во натпреварот, во кој на Барселона им беа поништени три гола и еден пенал, Каталонците остана водечки тим во шпанското првенство со 49 бода, само еден повеќе од второпласираниот Реал Мадрид.
„Не сум среќен. Разочаран сум, имавме многу чисти шанси, а резултатот не го одразува она што се случуваше на теренот. Но, ми се допаѓа како игравме“, рече тренерот на Барселона.
Тој, исто така, призна слабости во играта на својот тим: „Направивме грешки во одбраната, мора да се браниме подобро. Немавме среќа ниту во нападот. Вториот гол на Реал Сосиедад нè уништи.“
И покрај поразот, Флик верува дека тимот треба да продолжи во иста насока.
„Нашата игра беше добра. Можеби можевме подобро да се браниме во неколку акции, но генерално сум задоволен. Игравме многу добро во последните две недели и мора да продолжиме така. Мора да се фокусираме на следниот натпревар, што е многу важно“, рече Флик.
Тој истакна дека ова бил „најнесреќниот натпревар во неговата кариера“, во која ги водеше Барселона (90 натпревари), Германија (25 натпревари) и Баерн (86 натпревари).
Foto/ depositphotos
(Видео) Филипче: Жалам што дел од партиите легитимираа корумпирана и изолирана власт на лидерска средба
Претседателот на СДСМ, Венко Филипче, одговарајќи на новинарско прашање, истакна дека разговорите со Али Ахмети биле во врска со локалната...
Николоски од Охрид: Засилено работиме на завршување на автопатот Охрид – Кичево
Интензивно работиме на завршување на автопатот Охрид-Кичево. Користиме совремеми техники за да ги стабилизираме косините. Од 16, веќе 14 косини...
Утре почнува тестирањето на камерите, на неколку локации во Скопје сообраќајот ќе биде запрен
Министерството за внатрешни работи ги известува граѓаните дека во рамки на проектот „Безбеден град“, во периодот од 20.01.(вторник) до 31.01.(сабота)...
(Видео) Вагоните преполовени, објавена снимка од воздух од железничката несреќа во Шпанија
Местото на несреќата каде вчера вечер се судрија два воза во Шпанија е снимено од хеликоптер утрово. Цивилната гарда продолжува...
Трамп испрати скандалозно писмо до Норвежаните: Нема Нобел? Тогаш заборавете на мирот
Претседателот на САД, Доналд Трамп, испрати скандалозно писмо до норвешкиот премиер Јонас Гар Сторе, објавуваат сите водечки норвешки медиуми, во...
Заев и Филипче се обиделе да му ја превземат приватната болница на др. Жан Митрев, институциите молчеле, обвини ВМРО-ДПМНЕ
Заев и Филипче додека се обидувале да му ја превземат болницата на др. Жан Митрев, ја претвориле Македонија во рекетарска...
Трамп: Данска не успеа да ја отстрани руската закана од Гренланд, време е да се направи тоа
Претседателот на САД, Доналд Трамп, изјави дека Данска не успеала да направи ништо за да ја отстрани „руската закана“ од...
Внук осомничен за обид за убиство на сопствената баба
Основното јавно обвинителство Битола донесе наредба за спроведување истражна постапка против 28-годишник за кого постои основано сомнение дека се обидел...
(Видео) Најмалку 39 загинати во судир на два воза во Шпанија
Во судир меѓу два брзи воза во Адамуз, во близина на Кордоба, Шпанија, загинаа најмалку 39 лица, а повеќе од...
Денеска се празнува Богојавление-Водици
Православните верници денеска го слават празникот Богојавление кој се одбележува уште од вториот век. На овој ден, според христијанското предание,...
Во домот на судија од Апелација пронајдени соѕидани 350.000 евра
Во рамките на опсежна истрага на Основното јавно обвинителство за гонење организиран криминал и корупција иницирана откако на 14 декември...
Осумте земји на кои Трамп им најави царини поради Гренланд порачаа: Ќе останеме обединети и солидарни со Данска и Гренланѓаните
Осумте европски држави, кои се најдоа на мета на најавените царини од американскиот претседател Доналд Трамп поради поддршката за Данска...
Уставниот суд веќе ја потврди законитоста на одлуките за вонредната состојба, му одговори Пендаровски на премиерот Мицкоски
Поранешниот претседател Стево Пендаровски му возврати на премиерот Христијан Мицкоски поради неговата изјава дека има основани сомнежи за уставноста и...
Мицкоски: Мафијашки упади во времето на вонредната состојба, случајот со Жан Митрев отвора прашања и за одлуките на Пендаровски
Премиерот Христијан Мицкоски изјави дека не е изненаден од тврдењата на хирургот Жан Митрев дека поранешниот министер за здравство Венко...
Пожар во свињарска фарма во Градско, угинаа животни, неколку лица побарале лекарска помош
Вчера во СВР Велес бил пријавен пожар што избувнал во свињарска фарма на фирма во селото Долно Чичево, општина Градско....
Втор смртен случај од грип: Почина 69-годишен пациент на Инфективна
Шеесет и деветгодишен пациент починал од компликации предизвикани од сезонски грип на Клиниката за инфективни болести во Скопје, соопшти директорот...
Храна со истечен рок, лоши хигиенски услови, недостиг на санитарни книшки затекнаа инспекторите во маркетите низ државата
Приближно четириесет илјади евра во денарска противвредност е вкупната вредност на 22 казни кои ги изрекоа инспекциските служби на Агенција...
(Видео) Поплави во Австралија, евакуации во Сиднеј
Австралиските власти соопштија дека 20 лица се спасени од надојдени води во источната сојузна држава Нов Јужен Велс, поради обилните...
„Политико“ Европскиот парламент го замрзнува трговскиот договор со САД поради најавата за царини и барањата за Гренланд
Пратениците во Европскиот парламент нема да го одобрат историскиот трансатлантски трговски договор откако американскиот претседател Доналд Трамп најави нови царини...
(Видео) Филипче и Заев сакале да му ја земат болницата на Жан Митрев, Обвинителството да истражи, порача Стојаноски од ВМРО-ДПМНЕ
Пратеникот на ВМРО-ДПМНЕ, Бојан Стојаноски, на денешната прес-конференција обвини дека поранешниот министер за здравство Венко Филипче и поранешниот премиер Зоран...
