Капитенот на македонската фудбалска репрезентација – Горан Пандев (37) на ЕУРО 2020 ја заврши репрезентативната кариера.

Тој во неколку наврати нагласи дека најпрво ќе се одмори, а потоа ќе ја донесе одлуката дали ќе ги „закачи копачките“ и ќе заврши со професионалниот фудбал.

Во меѓувреме, италијанските медиуми пишуваат дека Џенова му нуди нов договор на Македонецот со важност до 2022 година. Неговиот актуелен договор со клубот од југот на Италија истекува на 30. овој месец.

Тренерот на клубот, Давиде Балардини инсистира Пандев да ја продолжи кариерата, но одлуката ќе ја донесе струмичанецот штом спаднат впечатоците од ЕП.

Минатата сезона Горан Пандев постигна 7 гола на 29 натпревари за Џенова – тимот во кој настапува од 2015 година и за кој вкупно има постигнато 28 гола на 156 меча.

TMW, il Genoa ha presentato un contratto annuale a Pandev – https://t.co/Kytr28yXbS pic.twitter.com/1r8ggUSf8c

— pianetagenoa1893.net (@pianetagenoa) June 24, 2021

Денеска е слободен ден на Европското фудбалско првенство. Поради строгите епидемиолошки мерки фудбалерите имаат ретка можност да ги напуштаат хотелите, па затоа забавата ја бараат секој на свој начин.

Одлична атмосфера владее во таборот на репрезентацијата на Италија, селекцијата која се наметн како еден од неколкуте фаворити за титулата на ЕУРО2020.

На Инстаграм се појави видео снимка на која се гледа како „малиот“ Лоренцо Инсиње се „закача“ со првиот стрелец на „Азурите“ – Чиро Имобиле.

Напаѓачот на Лацио мирно излегува од хотелската соба, но фудбалерот на Наполи имаше изненадување за него:

View this post on Instagram

A post shared by Napoli Magazine (@napolimagazine)

Голманот на фудбалската репрезентација на Хрватска, Доминик Ливаковиќ денеска изјави дека клуч на победата против Шпанија би можело да биде одземање на поседот на противникот кој „не трпи другиот тим да ја држи топката“.

„Одлична репрезентација се, имаат доста млади, добри играчи. Играат добар пресинг. Створија доста прилики, не им одеше, но се надополнија во последниот меч. Треба на почетокот со нив да играме мирно, паметно, да го издржиме нивниот притисок. Тие не трпат кога другиот тим ја има топката во нозете. Мислам дека ние тоа го можеме“ рече Ливаковиќ.

Мечот меѓу Хрватска и Шпанија е предвиден во понеделник на стадионот „Паркен“ во Копенхаген.

Иако селекторот Далиќ рече дека во осминафиналето го добија еден од најтешките противници, „вратарот“ Ливаковиќ смета дека ниту на Шпанците не им е многу драго што мораат да играат против Хрватска.

„Сигурно ние не им бевме првиот пик. Ако сакаме далеку да стигнеме, мора да ги победуваме најсилните репрезентации, мора да ги победуваме сите“ смета Ливаковиќ.