Спорт
Погба доби четиригодишна суспензија

Францускиот фудбалер Пол Погба (30) е суспендиран на четири години поради допинг, пренесува италијанска „Република“. Погба падна на допинг тестот на 20 август 2023 година, по натпреварот помеѓу Јувентус и Удинезе, во првото коло од Серија А.
Погба, по тој натпревар беше случајно избран од луѓето од Антидопинг агенцијата и покрај тоа што целиот натпревр го гледаше од клупата за резерви.
Во урината на францускиот фудбалер е пронајден дехидроепиандростерон (ДХЕА), кој со години е забранет во спортот, а најчесто го користат бодибилдерите, за зголемување на мускулната маса. Зошто Погба го користел и дали е „фатен“ кога тоа прв пат го направил, се уште на никого не му е јасно.
Според последните информации, Антидопинг агенцијата го суспендира Погба на четири години, со што практично ја заврши кариерата на светскиот шампион.
Во моментот кога ќе истече казната, Погба ќе има дури 34 години и четири години без натпревари, па оваа казна веројатно ќе стави крај на неговата кариера.
Пол Погба во кариерата настапуваше само за два клуба, Јувентус и Манчестер јунајтед. Со Франција во 2018 година ја освои титулата на Светското првенство во Русија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Норвешка за полувреме ја победи Италија

Италија доживеа тежок пораз во Осло во квалификациите за пласман на Светското првенство. Норвешка славеше со 3:0, со головите постигнати во првото полувреме. Норвашка во третиот меч во квалификациите ја забележа третата победа, додека Италија со пораз го стартуваше квалификацискиот циклус.
Италија одигра еден од најлошите натпревари во последните неколку години, биквално беа прегазени од Норвешка во првиот дел. Ова е големо предупредување за нив пред останатите натпревари во квалификациите. За среќа на Италија, тие играа против најтешкиот ривал во групата во која се и Израел, Молдавија и Естонија.
Стрелци за Норвежаните беа Серлот, Нуса и Халанд.
Спорт
Синер го запре Ѓоковиќ на Ролан Гарос

Јаник Синер ќе му се спротивстави на Карлос Алкараз во финалето на Ролан Гарос. Првиот носител во полуфиналето го победи Новак Ѓоковиќ со 6:4, 7:5, 7:6.
Новак Ѓоковиќ уште еднаш покажа дека може да игра на врвно ниво дури и на 38 години. Дури имаше три сет-топки во третиот сет, но Синнер сепак за Србинот е енигма во овој момент.
Италијанецот едноставно немаше слаба точка што Србинот можеше да ја експлоатира. Големата поддршка од трибините, од публиката, која повеќе беше наклонета кон српскиот ас, исто така не му помогна.
Првиот сет беше решен во петтиот гем. Синер дојде до брејк и не го испуштидо крајот на сетот.
Вториот сет беше драматичен во финишот, откако Синер направи брејк во седмиот гем и поведе со 4:3. Ѓоковиќ успеа да се врати во гемот, во кој Синер сервираше за водство од 2:0. Изедначи на 5:5, но во 11.гем лесно го „продаде“ својот сервис, во ситуација кога водеше 40:15.
Тратиот сет донсе кулминација на драмата. На сервис на Синер, Ѓоковиќ имаше три сет топки, не успеа да ги икористи, а во тај-брејот Италијанецот издоминира. Клучен беше третиот поен, кога Ѓоковиќ не успеа да го врати мини-брејкот, чист смеч лансираше во мрежата.
Ова беше нивни деветти натпревар, а Синер сега води со 5:4, со напомена дека ги доби последните четири дуели. Италијанецот го чека ден за одмор, а птооа финалето против Алкараз, додека Ѓоковиќ ќе ги започне подготовките за Вимблдон.
Спорт
(Видео) Спектакуларен гол на Алиоски, Македонија освои бод против Белгија

Фото/ Фото/ EPA-EFE/GEORGI LICOVSKI
Фудбалската репрезентација на Македонија одигра без победник 1:1 (0:1) во квалификациите за пласман на Светското првенство.
Во рамките на Ј групата, Белгија го имаше поседот, повеќе удари кон голто на Димитиревски и повеќе корнери, но Македонија имаше повеќе зрели шанси и еден поништен гол, поради минимален офсајд.
Де Кујпер го отвори резултатот во 29.минута и на тој начин сурово ги казни промашувањата на македонските репрезнетативци.
Maxim De Cuyper | 🇲🇰 North Macedonia 0-1 Belgium 🇧🇪 pic.twitter.com/SwSvqwFKss
— JONERO♏♂️ (@JONERO10) June 6, 2025
Ударот на Барди со крајни напори го одбрани голманот Селс, а во 27.минута најпрвин Елмас ја погоди стативата со одличен удар од 18 метри, топката се одби на ногата на Алиоски кој од 7-8 метри наместо празната мрежа ја погоди стативата.
Во вториот дел Елмас постигна гол во 48.минута, ВАР веднаш се јави, долго траеше прегледувањето на ситуацијата, на крајот пресудата беше дека Илиевски бил во офсајд и влијаел на играта.
Конечно македонските фудбалери беа наградени за борбената игра во 87.минута, кога Чурлинов му асистираше на АЛиоски, а овој постигна брилијантен гол.
Македонија за три дена ќе гостува во Астана, кај Казахстан, а Белгија ќе го пречека Велс.
!function(r,u,m,b,l,e){r._Rumble=b,r[b]||(r[b]=function(){(r[b]._=r[b]._||[]).push(arguments);if(r[b]._.length==1){l=u.createElement(m),e=u.getElementsByTagName(m)[0],l.async=1,l.src=”https://rumble.com/embedJS/u4″+(arguments[1].video?’.’+arguments[1].video:”)+”/?url=”+encodeURIComponent(location.href)+”&args=”+encodeURIComponent(JSON.stringify([].slice.apply(arguments))),e.parentNode.insertBefore(l,e)}})}(window, document, “script”, “Rumble”);
Rumble(“play”, {“video”:”v6s7qq9″,”div”:”rumble_v6s7qq9″});