Аугсбург по три месеци доживеа пораз во Бундес лигата. Во баварското дерби, Баерн Минхен ја оправда улогата на фаворит и по пресврт победи. Натпреварот во ВВК Арената во Аугсбург заврши со резултат 1:3 (1:1).

Пред ова дерби, Аугсбург беше во серија од 11 натпревари без пораз во Бундеслигата (шест победи и пет нерешени) и во тој период прими само три гола, вкупно четири во 2025 година, што е рекорд во најсилните пет европски национални шампионати.

Се започна добро за домашните, Баерн тешко создаваше шанси, а Аугсбург поведе по точно половина час игра.

Ефективен гол постигна поранешниот фудбалер на ПАОК и Норич Сити, Димитриос Јанулис. Тоа беше деби во Бундеслигата за искусниот грчки дефанзивец.

Гостите во тој период мака мачеа да ја пробијат цврстата одбрана, но успеаја навреме да израмнат на неколку минути пред паузата.

Лерој Сане одлично ја уфрли топката во шеснаесетникот, а Џамал Мусиала на крајот го најде патот до мрежата меѓу тројца одбранбени играчи.

Второ полувреме донесе понаква слика на теренот.

Најпрво во 52. минута Сане ја погоди гредата, но во истиот напад Мусијал поради повреда на мускулот мораше да ја напушти играта.

Само шест минути подоцна, Швајцарецот Седрик Сесер го доби втор жолт или црвен картон, за во следниот напад гостите го комплетираа превртот: Хари Кејн одлично реагираше на центаршут на Мишел Олисе.

Конечниот резултат го постави Лерој Сане во судиското надополнување.

Фудбалерот на Рома, Матс Хумелс донесе одлука да замине во пензија. Тоа ќе го направи на крајот од оваа сезона.

Хумелс пристигна во Рома како слободен играч минатото лето како слободен играч од Борусија Дортмунд.

„Се борам со емоциите. Доаѓа момент кој ниту еден фудбалер не може да го избегне. По 18 години и толку многу работи што ми ги даде фудбалот, на лето ќе ја завршам кариерата“, рече тој во видео пораката.

Кариерата ја завршува на 36 години. Хумелс има играно за Баерн, Борусија, повторно Баерн и повторно Борусија, а кариерата ќе ја заврши во Рим.

За германската репрезентација настапи 78 пати и постигна пет гола.

Има освоено пет титули во Бундеслигата, три Купа на Германија, а два пати играше во финалето на Лигата на шампионите, а двата пати загуби со Борусија од Баерн и Реал.

Со репрезентацијата го освои Светското првенство во 2014 година.

АБА лигата ќе биде проширена од досегашните 16 на 20 клубови. Одлуката треба да биде потврдена на Собранието кое ќе се одржи на 14.април. На Собранието ќе треба да биде решен на сопственичката структура и дека нема да се менува форматот на АБА 2 лигата (15 екипи ќе бидат поделени во четири групи).

Имено, доколку не се случи нешто непредвидено, во АБА лигата ќе има 20 клубови кои ќе бидат поделени во две групи со по десет учесници. Ностели би биле Црвена звезда и Партизан.

Петте првопласирани ќе го продолжат натпреварувањето во ТОП 10 фазата, додека останатите екипи ќе се борат за опстанок во елитното регионално друштво. Бодовите од првата фаза на натпреварувањето се префрлаат во втората фаза, па наместо 30 кола, како што беше досега, клубовите ќе играат 28.

Ова значи дека на крајот на сезоната нема да има испаѓање од АБА лигата, шампионот АБА 2 сигурно ќе добие место во елитното друштво, а дилемата е како ќе се пополнат преостанатите три места.

Спрските медиуми пишуваат дека овој проблем ќе биде решен со посебни покани, а медиумите од Босна и Херцеговина веќе најавија дека Босна, без разлика на епилогот од полуфиналната серија со Војводина, односно настапот во финалето на АБА 2 лигата, ќе добие специјална покана. Никој засега не ги спомна македонските клубови.

Останатите два тима се навистина дилема. Дали ќе биде финалистот на АБА 2 лигата, дали лигата ќе се прошири надвор од регионот, се споменуваат романски Клуж, па дури и Абу Даби, кој ќе биде организатор на завршниот турнир во Евролигата, но прашање е дали градот од Обединетите Арапски Емирати може за краток период да формира тим за следната сезона.