Спорт
Погба се спореди со Исус и порача: Манчестер јунајтед ќе зажалат
Пол Погба очигледно не се раздели со Манчестер јунајтед во најдобри односи откако снимките од документарниот филм „Погментари“ кој ќе биде објавен во петок, порачува дека ќе покаже дека „ѓаволите“ направиле грешка што не му понудиле втор побогат договор и иронично се спореди со Исус.
Се очекува дека 29-годишниот Погба повторно ќе се врати во Јувентус како слободен играч, вторпат во неговата кариера, откако Јунајтед платија 100 милиони евра да го вратат на „Олд Трафорд“, за шест години подоцна да го пуштат да замине по неубедливите игри.
„Мојата мисла е да покажам на Манчестер дека направија грешка што чекаа да ми дадат договор. И да покажам на ругите клубови дека Манчестер направија грешка што не ми понудија договор“, вели Погба во документарецот.
Јунајтед првично му понудија 290.000 фунти недено за нов договор во 2021 година, но во снимката со неговиот покоен агент Мино Рајола, јасно е дека тоа не било доволно.
„Како можете да кажете на фудбалер дека апсолутно го сакате и да не понудите ништо. Не сум видел такво нешто. Кога ви се допаѓа девојка, правите се да ја заведете и не сакате други да ја бркаат. Фудбалерот сака да биде важен во тимот, во неговито клуб. Ако го немате тоа, готово е. Додека моите соиграчи и семејството се среќни, не ми е грижа дали другите се. Дури и Исус не беше прифатен, го распнаа“, му вели Погба на Рајола.
Рајола пак, вели дека проблемот е кај „ѓаволите“.
„Мораме да те направиме да се чувствуваш добро како кога си со француската репрезентација. Поинаков си со нив. Сфаќаш? Ти си поинаков Погба со Манчестер јунајтед. Тоа не е нормално. Со Франција ти си вистинскиот Погба, Погба од Јувентус, Погба кој сите го сакаат. Во Манчестер, нешто те блокира“, објаснува Рајола.
Документарниот филм дебитира утре на „Амазон прајм“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ибрахимовиќ му препорача тренер на Милан
Златан Ибрахимовиќ (42) од оваа сезона е советник за спортски прашања во фудбалскиот клуб Милан. Легендарниот шведски центарфор учествува во обликувањето на спортската политика на клубот, а наскоро „росонерите“ ќе треба да одберат нов тренер. Стефано Пиоли го напушта клубот на крајот на сезоната по пет години и едно освоено Скудето.
Италијанските медиуми пишуваат дека Златан лобира функцијата да ја преземе Марк ван Бомел (47). Поранешниот холандски играч за врска го предводи белгиски Антверпен.
Ибрахимовиќ и Ван Бомел играа заедно за Милан од јануари 2011 до јуни 2022 година. Наводно клубот веќе стапил во контакт со тренерот.
Ван Бомел во кариерата самостојно ги водеше ПСВ и Волфсбург, а работеше и како асистент во репрезентациите на Австралија и Саудиска Арабија. Во својата кариера настапуваше за Фортуна Ситард, ПСВ, Барселона, Баерн и Милан, а кариера ја заврши пред 11 години како играч на ПСВ Ајндховен.
Раководството на Милан размислува уште неколку кандидати. Според „Газета дело Спорт“, најголеми фаворити се Пауло Фонсека и Хулен Лопетеги. Фонсека е 51-годишен Португалец кој моментално раководи со Лил, а две години работеше во Италија како тренер на Рома.
Лопетеги (57) оваа сезона е без работа откако се раздели со Волвс, додека најпознат е по менаџирањето на Шпанија, Реал Мадрид и Севилја.
Спорт
Енис Барди: Шпанците ме споредуваа со Меси
Капитенот на фудбалсата репрезентација на Македонија, Енис Барди, во интервју за „haber61.net“, зборуваше за периодот кога беше во Леванте. Потенцираше дека во еден период бил подбар изведувач на слободните удари од Лионел Меси.
„Навистина, бев подобар од Меси. Постигнав седум гола од 25 слободни удари, а Меси имаше осум од 52, имав многу подбар процент на реализација. Според процентот бев подобар. Да бидеме сериозни, прекрасно беше чувството што луѓето ме споредуваа со еден од најдобрите фудбалери на сите времиња. Се гордеев со тоа“, рече Барди.
Спорт
Клубовите се против – Шведска нема да воведе ВАР
Системот за видео анализа (ВАР) нема да биде воведен во Шведска, откако на оваа идеа се спротивтавиле фудбалските клубови, изјави во петокот претседателот на Шведската фудбалска федерација (SvFF), Фредрик Рајнфелд.
ВАР постојано беше во центарот на контроверзноста во лигите каде што беше воведен, со поплаки поврзани со неговата обемна анализа и одложувања кои често траат неколку минути.
Во јули 2023 година, Шведската професионална фудбалска лига, која ги претставува клубовите во првите две дивизии на шведскиот фудбал, соопшти дека мнозинството клубови во земјата „активно се противат“ на воведувањето на ВАР.
Рајнфелд, кој минатата година рече дека ВАР е „иднината“, беше критикуван од навивачите за неговиот став по ова прашање.
„Ако броев правилно, имаме 18 елитни клубови и два региони кои рекоа дека не сакаат да воведат ВАР. Ние тоа го почитуваме. Поради тоа не излеговме со овој предлог на претходниот состанок, а тоа нема да се случи ниту во иднина. Јас сум за почитување на демократските правила на играта“, изјави Рајнфелд, инаку поранешниот премиер на Шведска.