Спорт
Погребан Паоло Роси

Легендата на италијанскиот фудбал, Паоло Роси е погребан во Виченца. Претходно, неговиот ковчег беше изложен во Катедралата во Виченца. Илјадници луѓе се собраа на улиците на Виченца, да го испратат во вечното почивалиште, фудбалерот кој во 1982 година, на Италија и ја донесе светската титула.
Паоло Роси, најдобриот играч и стрелец на СП во Шпанија и освојувач на „Златната топка“ во 1982 година, почина во средата на 65 годишна возраст, по долга и тешка болест.
Ковчегот со телото на Роси, најпрвин било изложено на стадионот „Ромео Менти“ во Виченца, а потоа бил префрлен во Катедралата „Дуомо де Виченца“.
Ковчегот до катедралата го носеле неговите соиграчи од репрезентацијата со кои Роси го освои светскиот првенство во 1982 година.
Роси целата своја кариера ја мина во Италија (Јувентус, Комо, Виченца, Перуџа, Милан и Верона). Три години беше суспендиран поради аферата „Тотонеро“, меѓутоа тој целиот свој живот негираше дека бил вмешан во местењето на натпреварот Перуџа-Авелино.
Паоло Роси – Го расплака Бразил, а Италија ја искачи на светскиот врв
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Обамејанг шоу против Гамбија – Постигна четири гола и доби црвен картон

Со убедлива победа на гости против Сејшелите, фудбалерите на Брегот на Слоновата Коска се доближија до пласман на Светското првенство, кое ќе се одржи во САД, Мексико и Канада од 11 јуни до 19 јули следната година.
Брегот на Слоновата Коска се први на табелата во групата Ф, попладнево победија со 7:0 против Сејшелите со головите на Сангаре (7-11м), Агбаду (17), Диаките (32), Гесанд (39), Диоманде (55), Адингра (67) и Кеси (90).
„Слоновите“ сега имаат 23 бода, еден повеќе од Габон, кој ја победи Гамбија со 4:3 како гостин во натпревар полн со пресврти. Габон водеше со 1:0 и 2:1, Гамбија направи пресврт на 3:2, но на крајот Габон сепак победи со 4:3.
Сите четири гола за Габон ги постигна ветеранот Пјер-Емерик Обамејанг (20, 42, 62, 78), но беше исклучен во 85-та минута поради втор жолт картон, додека стрелци за Гамбија беа Минтех (23) и Сидибех (45+2, 47).
За четири дена, Брегот на Слоновата Коска ќе има можност да го обезбеди Светското првенство со победа дома против Кенија, додека Габон, со победа против Бурунди, ќе мора да чека кикс на „Слоновите“, за да го обезбеди своето историско прво патување на Светското првенство.
Спорт
Младата репрезентација со пресврт до победа над Ерменија

Младата македонска фудбалска репрезентација ја забележа првата победа во квалификациите за пласман на Европското првенство во 2027 година.
Попладнево во Скопје, Македонија ја победи соодветната селекција на Ерменија со 2:1. Херој на победата беше стрелецот на двата гола, Димитар Трајков.
Македонските надежи со пресврт во второто полувреме дојдоа до првите бодови во Е групата. Ерменците имаа предност од 38-та минута кога погоди Ховханисијан.
Пресвртот го режираше напаѓачот на Работнички, Трајков, со головите во 54-та и 83-та минута.
Фото/ Фудбалска федерација на Македонија
Спорт
(Видео) Бразил ја декласира Јужна Кореја

Бразилската фудбалска репрезентација ја победи Јужна Кореја со 5:0 во пријателски натпревар одигран во Сеул.
Екипата на Карло Анчелоти ја демонстрираше својата сила против една од најдобрите азиски селекции.
Двојни стрелци за „селесао“ беа Естевао (13, 47) и Родриго (41, 49), додека еден гол постигна Винисиус Жуниор (77).
Со играта, Бразил потсети на најдобрите денови на оваа репрезентација, Родриго, Естевао, Куња, Винисиус правеа што сакаат на теренот.
Foto/ EPA