Спорт
Покрај Барселона, и Манчестер сити испратил понуда за Олмо
![](https://makfax.com.mk/wp-content/uploads/2024/07/09437-141930.jpg)
Лајпциг е подготвен да го продаде Дани Олмо за сума која би била 60 или повеќе милиони евра. Сумата од 60 милиони евра одговара на клаузула која до неодамна можеше да се активира, но германскиот клуб реши да ја задржи таа цена одредено време. Иако има интерес за Олм, се уште нема понудувач кој би го убедил Лајпциг да го продаде одличниот играч за врска. Досега клубот одбил две понуди за Олмо, од Барселона и Манчестер сити.
Шпанските медиуми пишуваат дека спортскиот директор на Барселона Деко одржал состанок со менаџерите на Дани Олмо, Енди Бара и Хуанмо Лопез и дека клубот испратил официјална понуда до Лајпциг.
За својот поранешен јуниор, Барселона му понуди на Лајпциг фиксни 40 милиони евра и уште можни 20 преку бонуси, во зависност од перформансите на Олмо и успехот на клубот.
Поточно, Барселона понуди 40 милиони евра, кои би се плаќале на рати од 10 милиони евра годишно почнувајќи од 2025 година. Десет милиони бонуси би стигнале до Лајпциг доколку Барселона освои две Ла Лига до 2029 година и уште десет ако ја освои Лигата на шампионите двапати во истиот период.
Во Лајпциг одлучија дека тоа не е понуда што можат да ја прифатат бидејќи ја сакаат целата сума во кеш, односно сакаат најмалку 60 милиони евра.
Се дознава дека и Манчестер сити испратиле официјална понуда за откуп на договорот на Олмо. Шпанските медиуми не ја прецизираат сумата и деталите за понудата, но истакнуваат дека Олмо попрво би сакал да се врати во Каталонија отколку да замине во Англија.
Олмо е под договор со германскиот клуб до крајот на јуни 2027 година. За Лајпциг постигна 29 и забележа 34 асистенции на 148 натпревари. На 33 настапи за репрезентацијата постигна осум гола и запиша седум асистенции. На ЕП, каде Шпанија ја освои титулата, тој постигна три гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
(Видео) Англиските Ирци и пресудија на Република Ирска
![](https://makfax.com.mk/wp-content/uploads/2024/09/1725726879-GettyImages-2170696921.jpg)
Англија со победа над Ирска во Даблин ги започна натпреварите во Б дивизијата во Лигата на нации. Победата на Англија и ја донесоа Ирците, кои решија во сениорска конкуренцијата да го носат дресот на „гордиот албион“.
Деклан Рајс и Џек Грилиш во Дабил беа пречекани со транспарент кој ги споредува со змии. Двајцата постигнаа по еден гол, Рајс не го прослави за разлика од Грилиш.
🐍"YILANLAR GERİ DÖNDÜ"
İrlandalı taraftarların İngiltere maçında Declan Rice ve Jack Grealish'e gösterdiği tepki ters tepti.
🔔DEVRE: İrlanda 0-2 İngiltere
⚽11' Declan Rice
⚽26' Jack Grealish 🅰 Declan Rice pic.twitter.com/fayUiaY0HG— Sporx Ekstra (@sporxekstra_) September 7, 2024
Рајс, пред да дебитира за Англија во 2019 година, одигра три натпревари за Ирска. Сега постигна гол на стадионот на кој во 2018 година играше во дресот на Ирска против САД. Грилиш играше за младинските селекции, У18 и У21 на Ирска. Неговата мајка е од Ирска, но тој реши го прифати повикот од Англија.
Спорт
Анчелоти за помошник донесе тренер од англиската Трета лига
Карло Анчелоти (65), според англиските медиуми, повлече шокантен потег. Искусниот Италијанец во својот стручен штаб го донесе помошникот тренер во англискиот третолигаш Стокпорт Каунти.
Станува збор за 38-годишниот Енди Менген, кој беше член на стручниот штаб на над 300 натпревари во третото, четвртото и петтото ниво на англискиот фудбал.
Менген е поранешен напаѓач, кој ја заврши својата кариера во 2018 година. Настапуваше за десет клубови, а во кариерата одигра 425 натпревари и постигна 118 гола.
Никогаш во кариерата не играч на повисоко ниво од Третата лига.
Англиските медиуми пренесуваат дека Менген е близок пријател со Давиде Анчелоти (35), синот на Карло Анчелоти, кој исто така е дел од стручниот штаб на Реал Мадрид.
Тие двајца заедно ги земаа тренерските лиценци, па освен што се пријатели се и поранешни школски другари. Кога Менген ќе ја добие работната дозвола за Шпанија, ќе му се приклучи на стручниот тим на Реал.
Спорт
Гризман. Бевме ужасни против Италија
![](https://makfax.com.mk/wp-content/uploads/2024/09/Untitled-1-17.jpg)
Французите се разочарани од играта што ја прикажаа нивните најдобри играчи на натпреварот против Италија на стартот од Лигата на нации.
„Аѕурите“ сосема неочекувано победија со 3:1 во Париз.
Триколорите поведоа веќе во 14. секунда со голот на Баркола, но во преостанатиот дел од натпреварот Димарко, Фратеси и Распадори целосно го свртеа резултатот.
Еден од најискусните репрезентативци на Франција, 33-годишниот Антоан Гризман заигра по 136-ти пат во дресот на „триколорите“ и не памети вакво лошо издание.
„Ништо не беше во ред. Како репрезентација мора да продолжиме да работиме напорно и да го анализираме овој натпревар. Не бевме добри ниту во напад, ниту во пресинг, ниту во одбрана. Им честитам на Италијанците, овојпат беа подобри“, изјави Антоан Гризман за француските медиуми.
Во следниот натпревар, во понеделник на 9 септември Франција ја пречекува Белгија во Лион, додека истиот ден Италија гостува во Будимпешта против Израел.