Во битка која се одвиваше во две продолженија, Реал Мадрид стигна до 90:84 победа на гости кај Монако во најинтересниот меч од 23. коло во Евролигата.

Две француски даб-дабл партии на Гершон Јабуселе (18 поени и 10 скока) и Винсен Поаире (10 поени и 14 скока), ја обезбедија предноста на Реал Мадрид, иако имаа дури 19 загубени топки. Ова беше седма победа во низа за „кралевите“, кои сега се на врвот на табелата. Ова беше 12 победа во последните 13 меча во сите натпреварувања за тимот на Пабло Ласо.

Монако на Саша Обрадовиќ, пак имаа четири победи во низа пред дуелот со Реал, а најдобри беа Алфа Дијало и Двејн Бејкон со 19 поени. Монако има 10-12 скор.

Во руското дерби пак, Алексеј Швед имаше фантастични 27 поени за да ги предводи ЦСКА Москва до 86:75 победа на гости кај Уникс Казан, за да се врати на победите по катастрофалниот домашен пораз од Олимпија Милано, меч во кој швед имаше 2-од-11 од поле.

Швед исто така ги постигна клучните поени – тројката за 66:72 и потоа двата поени за 68:77 на две минути до крајот. Никола Милутинов имаше 17 поени и 7 скока за ЦСКА, додека Вил Клајбурн имаше 16 поени. За Уникс, Марио Хезоња и Лоренцо Браун беа најефикасни со по 21 поен.

ЕВРОЛИГА, 23.КОЛО

Уникс Казан – ЦСКА Москва 75:86 (20:16, 12:21, 25:27, 18:22)

Монако – Реал Мадрид 84:90 (18:16, 16:19, 23:21, 9:10, 18:24)

Панатинаикос – Басконија 75:63 (22:8, 16:12, 19.12, 18:31)

Баерн Минхен – Алба Берлин 62:56 (16:16, 10.8, 15:20, 21:12)

Олимпија Милано – Жалгирис 65:58 (20:20, 19:10, 15:15, 11:13)

Шведска ќе игра за својата рекордна петта европска ракометна титула, но прва од 2002 година, откако во полуфиналето успеаја да ја стопираат фаворизираната Франција за 34:33 победа. Противник на „трите круни“ во големото финале во Будимпешта во недела ќе биде Шпанија, која претходно ја елиминираше Данска.

Стартот на мечот не ветуваше таков исход, откако Французите стартуваа со 5:1 водство, додека до 20-тата минута најдобар стрелец за Шведска беше голманот Андреас Паличка со три гола, вклучувајќи го израмнувачкиот за 10:10. По ова, Швеѓаните имаа одличен финиш на полувремето за да направат предност од три гола (17:14). Во второто полувреме, секој обид на Французите да го намалат водството на помалку од два гола разлика беше неуспешен, пред во финишот да дојдат на 31:32, кога Валентин Порт доби директен црвен картон за груба игра. Швеѓаните се вратија на +2 (34:32) во последната минута, меѓутоа, Французите вратија со брз гол, за потоа противниците несфатливо да ја загубат топката, пред последниот обид да биде одбранет.

Џим Готфридсон со 9 гола беше најдобар за „трите круни“, додека Лукас Пелас заврши со 7 гола, а за Французите, Уго Деска имаше осум гола, а Ајмерик Мине седум.

„Триколорите“ ќе мораат да се задоволат со борба за бронзата, против Данска, која драматично ја совладаа во последниот меч по групи за пласман во борбата за медалите. Швеѓаните пак, ќе се обидат да се одмаздат на Шпанците за поразот во финалето во Хрватска на ЕП во 2018 година.

По преговорите што траеја неколку месеци, Тајсон Фјури ја потврди одбраната на својата ВБЦ-титула против Дилијан Вајт во април откако неговиот агент Френк Ворен ја доби лицитацијата за меч од 30 милиони фунти.

Од овие пари, Џипси кинг ќе добие 80 отсто од парите, односно најмалку 23 милиони фунти, а Вајт ќе се задоволи со нешто повеќе од 6 милиони фунти за својата прва шанса да стане шампион во тешка категорија. Според британските медиуми, мечот ќе се одржи во април на стадионот „Принсипалити“ во Кардиф.

„Се враќам дома, беби! Подгответе се за најголемата британска пресметка по Ленокс Луис – Френк Бруно. Историјата се пишува тука“, изјави Фјури.

Договорениот меч доаѓа откако Фјури се обидуваше да го убеди британскиот ривал Ентони Џошуа да се откаже од римечот со Украинецот Олександер Усик за да може да се организира меч за обединување на титулите, но на крајот не успеа во преговорите.