Спорт
Полноќна сензација од Аргентина – Меси ќе остане во Барселона
Еден час по полноќ по средноевропско време од Аргентина пристигна сензационална вест. Новинарот Мартин Аревало, кој прв објави дека Лионел Меси по брза пошта минатиот вторник побарал од Барселоан да му биде раскинат договорот, има нова ексклузива.
„Лео сериозно размислува да остане во Барселона до наредното лето, а потоа во голем стил без отштета да го напушти клубот. 90 отсто се шансите Меси да остане во Барселона. Дополнете дека таа одлука официјално би можел да ја соопшти денес“.
Информацијата на новинарот дојде четири часа по завршувањето на состанокот помеѓу Џозеп Бартомеу и директорот на Барселона Хавиер Бордас од една и таткото на Меси и адвокатот Жорген Пекур од друга страна, на кој според изјавите не бил постигнат никаков договор.
„Овој четврток ќе го даде одговорот околу иднината на Меси. Меѓутоа, најреално сценарио е она кое до вчера се чинеше невозможно. Меси сериозно ја разгледува опцијата да остане до јуни 2021 година“, напишал Аревало откривајќи што го натерало Меси да ја смени одлуката.
„Водачот на Барселона буквално го молел да остане“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Центарот на Макаби се сели во НБА?

Кошаркарот на Макаби Тел Авив, Роман Соркин, би можел да ја продолжи кариерата во НБА откако неколку тима покажаа интерес за него.
Соркин импресионираше на Евробаскетот за Израел, со просек од 16,5 поени и 6 скока по натпревар.
Израел го заврши учеството во осминафиналето, со поразот од Грција. Интерес за Соркин покажале Мајами Хит, Њујорк Никс и Портланд Треил Блејзерс, тврди новинарот Иан Бегли.
Инаку, Соркин се пријави на драфтото во 2018 година, но не беше избран.
Минатата сезона, играјќи за Макаби Тел Авив во Евролигата, тој имаше просек од 12,9 поени и 4,1 скока по натпревар, шутирајќи 50,9 проценти од поле.
Спорт
Куртоа си купи ноќен клуб

Тибо Куртоа одлучи да развие бизнис надвор од фудбалскиот терен.
Според белгиските медиуми, искусниот голман одлучил да го купи ноќниот клуб „Версуз“ во Хаселт, на северот од Белгија.
Беше затворен минатиот мај, но сега Куртоа сака да му вдахне нов живот.
Планот е целосно да се реновира, за гостите да имаат максимална атмосфера во форма на удобност, музика…
Капацитетот треба да биде околу 4 илјади луѓе.
Спорт
Проблем за Гвардиола – Мармуш се повреди играјќи за Египет

Лоши вести пристигнаа на „Етихад“ од Африка бидејќи Омар Мармуш ги повреди лигаментите на коленото.
Сериозноста на повредата на египетскиот напаѓач ќе ја утврдат специјалистите во Каиро, а потоа и лекарите и специјалистите од Манчестер Сити на прегледот кога ќе се врати во Англија.
Во четвртата минута од дуелот против Буркина Фасо, Мармуш доби силен удар во коленото. По помошта, тој остана на теренот уште неколку минути и побара измена.
Како што стојат работите сега, Мармуш ќе го пропушти градското дерби против Манчестер Јунајтед во недела.
Foto/ „X“