Спорт
Полскиот селектор поднесе оставка по несогласувањата со Левандовски

Михал Пробиерж повеќе не е селектор на полската репрезентација. Пробиерж му ја одзеде капитенската лента на Левандовски за време на последната акција со репрезентацијата, откако 36-годишниот напаѓач на Барселона се повлече од квалификациите за Светското првенство поради ментална исцрпеност.
Начинот на кој селекторот го соопшти тоа не ѝ се допадна на му се допадна на Левендовски и рече дека повеќе не сака да игра за репрезентацијата сè додека Пробиерж е селектор.
Без својот најдобар играч, Полска загуби во Финска во вторникот. Ова веднаш ги предизвика првите шпекулации за можното заминување на Пробиерж, но претседателот на Фудбалскиот сојуз на Полска, Цезари Кулеша, ден подоцна изјави дека сè уште има доверба во селекторот.
Кулеша се обиде да ја смири тензијата меѓу селекторот и Левандовски, но на крајот се покажа дека тоа е залудно.
Пробиерж во четврток објави дека се повлекува од функцијата.
„Дојдов до заклучок дека ова е најдоборот решение“, рече тој. Од соопштението за медиумите на Полската фудбалска асоцијација не е јасно дали имало разговори со Левандовски, но барем е отворен патот за враќање на рекордерот по број на настапи (158) и најдобар стрелец во историјата на репрезентацијата (85 гола).
Ова значи дека во септември Полска ќе смета на напаѓачот, кој тогаш ќе има 37 години. Сепак, репрезентацијата тогаш ќе има нов селектор. Пробиерж беше на клупата од септември 2023 година и ја водеше Полска до Европското првенство во 2024 година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Њукасл го потпишаа Џејкоб Ремзи

24-годишниот играч од средниот ред, Џејкоб Ремзи, е нов член на Њукасл јунајтед, со кого потпиша петгодишен договор, објави англиската Премиер лига во неделата.
Ремзи им се придружи на „страчките“ од Астон Вила и стана четвртото засилување на Њукасл ова лето.
Клубот не ги објави финансиските детали за овој трансфер, но англиските медиуми објавија дека е договорена компензација од 40 милиони фунти (околу 46 милиони евра).
„Ова е голем потег за мене, но штом дознав дека тренерот е заинтересиран и дека навистина му се допаѓам, не ми требаше долго време да донесам одлука“, изјави Ремзи за официјалната веб-страница на Њукасл јунајтед (newcastleunited.com).
Поранешниот англиски репрезентативец до 21 година кариерата ја започна во младинската школа на Астон Вила и одигра 167 натпревари за сениорскиот тим, постигнува 17 гола и забележа 19 асистенции.
Во својот нов клуб, Ремзи ќе го носи бројот 41, кој го имаше во Астон Вила, а би можел да дебитира во понеделник, 25 август, кога ќе игра на „Сент Џејмс Парк“, кога Њукасл ќе го пречека актуелниот шампион Ливерпул.
Foto/ newcastleunited.com
Спорт
(Видео) Нико Вилијамс со гол и две асистенции и пресуди на Севилја

Атлетик Билбао, во возбудлив натпревар, ја победи Севилја со 3:2. На отворањето на сезоната во Ла Лига, блескаше Нико Вилијамс со гол и две асистенции. Севилја се врати во мечот по водствто на Атлетик од 2:0, но не издржа. Дебитантот во дресот на баскискиот тим, Наваро погоди за победа.
Нико Вилијамс, кој во последен момент реши да остане во Билбао, кога ја одби понудата од Барселона, во 36.минута избори пенал и го претвори во гол. Овој играч, седум минути подоцна му асистираше на Санади кој погоди за 2:0.
Домашниот тим имаше шанси да го реши мечот во првите 10 минути од вториот дел, а кога не успеа казната стигна преку Лукебакио, кој испрати вистинска бомба од дистанца и намали на 2:1.
Во 72.минута, Севилја постигна уште еден гол од далечина. Резултатот го изедначи Агуме.
Го имаа гостите посакуваниот резултат се до 81.минута, кога по додавањето на Нико Вилијамс, конечниот резултат го постави Наваро.
Foto/ EPA/Miguel Tona
Спорт
Македонските одбојкари се пласираа на ЕП

Одбојкарската репрезентација на Македонија, како една од петте второпласирани селекции избори пласман на Европското првенство наредната година. Во последното коло, Македонија ја победи Грусија со 3:0 (25:13, 25:16, 25:17).
Македонија мораше да ја победи Грузија во три сета и да не загуби повеќе од 68 поени. Поради тоа македонските одбојкари максимално сериозно му пристапија на натпреварот. Експресно го добија првиот сет, во ист ритам продолжија и во вториот.
Мало опуптање следеше во третиот сет кога Грузија водеше 9:11, но тогаш се појави Ѓеорѓиев со серија добри сервиси, Македонија се одлепи на 18:12 и рутински го заклучи сетот.
Македонија во 2026 година четврти пат во историјата ќе учествува на Европско првенство.
Foto/ facebook.com/volleyballmkd