Спорт
Помошникот поискусен од главниот тренер – Тудор ќе му помага на Пирло

Како што се очекуваше, Јувентус го потврди Игор Тудор како помошник на главниот тренер во интересна ситуација кога помошникот има далеку поголемо искуство од главниот тренер.
Хајдук веќе потврди дека добиле 450.000 евра за Тудор да премине во својот стар клуб, каде што играше од 1998 до 2005 година. Пирло нема никакво тренерско искуство, додека Тудор веќе беше главен тренер во Хајдук, ПАОК, Карабукспор, Галатасарај и Удинезе, кои двапати ги спаси од испаѓање.
Покрај Тудор, потврдено е дека Роберто Баронио ќе биде технички соработник на Пирло заедно со Антонио Гаљарди, додека Паоло Бертели се враќа во тимот како одговорен за физичката подготвеност на фудбалерите. Клаудио Филипи и Томасо Орсини ќе работат со голманите, додека Рикардо Ширеа, Доменико Вернамонте и Џузепе Мајури ќе ги вршат анализите на мечевите за Пирло.
Јуве почнува со подготовките на новата сезона веќе утре.
Annunciato lo staff tecnico della prima squadra ⚪️⚫️#FinoAllaFine #ForzaJuve
— JuventusFC (#Stron9er ?????????) (@juventusfc) August 23, 2020
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Раниери ја одби Италија

Клаудио Раниери (73) ја одбил понудата да биде селектор на италијанската репрезентација по заминувањето на Лучијано Спалети (66).
„Му се заблагодарувам на претседателот на Италијанската фудбалска федерација, Габриеле Гравина, за оваа можност. Тоа е голема чест, но по внимателно разгледување, решив целосно да останам на располагање на Рома во мојата нова улога“, рече Раниери.
„Фридкинс (сопствениците на Рома) ми дадоа целосна поддршка за секоја одлука што би ја донел во врска со националниот тим, но ова е исклучиво моја одлука“, додаде Раниери.
Раниери, кој во својата кариера ги водеше Интер, Јувентус, Атлетико Мадрид, Челзи, Лестер, со кого ја освои титулата во англиската Премиер лига во 2016 година, и Монако, неодамна ја презеде улогата на стратешки советник на американските сопственици на Рома.
Минатиот ноември ја прекина пензијата за да ја спаси Рома, која се мачеше во Серија А. Раниери беше фаворит да го наследи Спалети, кој последен пат ја водеше италијанската репрезентација во победата од 2:0 над Молдавија во понеделник.
Спорт
Тудор и следната сезона ќе го предводи Јувентус

Игор Тудор ќе остане тренер на Јувентус и следната сезона. Тудор среде сезоната го замени Тијаго Мота и успеа да го освои четвртото место.
„Одлучивме да ја продолжиме соработката со Игор за Светското клупско првенство, но и за следната сезона, а се надевам и подолго од тоа“, изјави новиот генерален директор на Јувентус, Дамиен Комоли, на својата прва прес-конференција.
Ова е крај на долга сага во која се шпекулираше со иднината на хрвастскиот тренер.
Во март тој потпиша договор до крајот на сезоната, со клаузула дека автоматски ќе биде продолжен за една година доколку избори пласман во Лигата на шампионите.
Во девет натпревари со Јувентус, Тудор постигна пет победи, три нерешени резултати и еден пораз, а неговиот следен тест е Светското клупско првенство овој јуни и јули. Јувентус е во група со Манчестер Сити, Ал Аин и Видад Казабланка.
За потсетување, Тудор помина девет години како играч во Јувентус, додека во сезоната 2020/21 му беше помошник на Андреа Пирло. Потоа, тој ги водеше Верона, Марсеј и Лацио. Претходно во својата кариера, тој двапати ги тренираше Хајдук и Удинезе, а исто така ги водеше и ПАОК, Карабукспор и Галатасарај.
Спорт
Кипар ги одби Макаби и Хапоел

Властите на Кипар нема да дозволат израелските клубови да бидат домаќини во нивната земја. Планот на екипите од Евролигата, Макаби и Хапоел, беше во новата сезона да бида домаќини на Кипар. Макаби изминатите две сезони, беше домаќин во Белград.
Грчките медиуми објавија претходно дека Лимасол ќе биде градот каде што израелските клубови ќе ги играат своите домашни натпревари во елитното натпреварување.
Сепак, според грчките медиуми, дошло до пресврт. На израелските клубови им е забрането да бидат домаќини поради безбедносните мерки и технологијата што ги придружува ваквите натпревари.
Се пишуваше дека Израелците размислуваат и за Родос, додека Белград беше нивниот безбеден дом во претходниот период.
Останува да се види каде Макаби и Хапоел ќе ги играат своите домашни натпревари.