Спорт
Поради допинг: Гомез е суспендиран на две години

Светскиот првак од Катар со аргентинската репрезентација, Алехандро Папу Гомез е суспендиран на две години поради позитивен допинг тест, кој е предизвикан од употреба на детски сируп.
Информацијата прв ја објави шпанскиот „Релево“, кој дознава дека играчот од средниот ред паднал на допинг тест додека бил играч на Севилја, во ноември минатата година.
Алехандро тврди дека свесно не внесувал забранети супстанци, туку дека позитивниот резултат го предизвикал тоа што неколку дена пред тестот по грешка конзумирал сируп за кашлица наменет за деца.
Гомез за Аргентина играше 17 пати, а беше дел од тимот кој го освои трофејот наменет за победникот на Светското првенство минатата зима во Катар.
35. годишниот фудбалер од неодамна е член на Монца, а освен за Севилја настапуваше и за Арсенал Саранди, Сан Лоренцо, Катанија, Металист и Аталанта.
Во текот на кариерата одигра 654 натпревари, со учинок од 118 голови и исто толку асистенции.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Арнаутовиќ се расплака на прашањето за Синиша Михајловиќ

Фото/ Принтскрин
Фудбалскиот клуб Црвена звезда на „Маракана“, го претстави најголемото засилување, Марко Арнаутовиќ.
Арнаутовиќ потпиша двегодишен договор со српскиот шампион, а медиумите објавуваат дека ќе заработува два и пол милиони евра по сезона.
Репрезентативецот на Австрија одговори на многу прашања, а не можеше да го задржи солзите кога го прашаа за Синиша Михајловиќ.
„ Ова прво прашање е многу тешко, не требаше да ме прашате тоа, тој ми брат, татко, тој ми беше сè. Му ветив дека еден ден ќе дојдам тука. Секој ден зборувавме за Звезда, повеќе за Звезда отколку за Болоња во тоа време. Разговарав и со неговите деца, неговата сопруга, сите беа среќни, плачеа. Плачев повеќе во овие три дена отколку во целиот мој живот. Кога јас… не можам“, емотивно одговори Арнаутовиќ.
Спорт
Проблем за Њукасл, Исак побарал трансфер

Најдобриот стрелец на Њукасл, Александар Исак, не отпатува со тимот на азиската турнеја. Ова веднаш отвора шпекулации за можен трансфер.
Фабрицио Романо, експертот за трансфери, објави дека Швеѓанецот го информирал клубот дека сака да си оди.
Сериозен интерес за Исак покажа Ливерпул и покрај тоа што за 90 милиони евра го донесе напаѓачот на Ајнтрахт, Уго Екетике.
Ливерпул веќе ги донесе Вирц и Фримпонг покрај Екитике. Исак би го затворил неверојатниот преоден рок на Ливерпул.
Исак, постигна 27 гола на 42 натпревари минатата сезона.
Инаку, на турнејата по Азија, на 27 јули, Њукасл ќе игра против Арсенал во Сингапур, потоа на 30 јули против Ол-стар селекцијата на К-лигата на Јужна Кореја, додека на 3 август противник ќе им биде Тотенхем.
Спорт
Шпанија е светски првак во ватерполо

Ватерполо репрезентацијата на Шпанија ја освои титулата на Светското првенство во Сингапур. Шпанците во финалето ја победија Унгарија со 15:13 (5:5, 2:1, 2:4, 6:2) и ги обединија европската и светската титула. „Црвената фурија“ четврти пат во историјата стана светски првак, на вечната листа се изедначи со Унгарија и Италија.
Шпанците од стратот ја презедоа контролата водеа со 2:0 и 3:1. Од тој момент Унгарците фатија приклучок и успеаја да изборат егал (5:5) по првиот период. Во вториот голманите беа расположени, беа постигнати вкупно три гола. Шпанците на полувремето имаа гол предност (7:6).
Во третата четвртина Унгарците успеаја да го наметнат својот стил, со серија од три гола го презедоа водството, а потоа стекнаа и предност од два гола. Во решевачкиот период Унгарија влезе со гол предност (10:9).
Четврттата четвртина донесе рапсодија на Шпанците, постигнаа четири гол, ја вратија предноста на своја страна, а кога со голот од 10 метри на Лара дојдоа до 14:11 беше јасно дека ќе ја освојат титулата.
Голманот Агире забележа 11 одбрани, а во нападот блескаа Снахуја и Гранадос со по пет гола.
Бронзата на Светското првенство ја освои Грција, а од четвртотот до осмото место се пласираа: Србија, Хрватска, Црна Гора, Италија и САД.
Foto/ EPA