Спорт
Поради хаосот на „Маракана“ ФИФА ќе му одземе бодови на Бразил?

Foto/ EPA
ФИФА отвори официјална истрага за настаните на „Маракана“, пред квалификацискиот натпревар за Светското првенство во 2026 година помеѓу Бразил и Аргентина.
Светската фудбалска федерација ќе го истражи нападот на бразилската полиција врз гостинските навивачи во кој беа повредени неколкумина.
Да потсетиме, аргентинската репрезентација го совлада Бразил на гостувањето во Рио де Жанеиро со голот на Николас Отаменди, а почетокот на натпреварот доцнеше половина час поради конфликт меѓу навивачите и полицијата на трибините.
Додека ситуацијата на трибините не беше ставена под контрола, Лео Меси го повлече тимот во соблекувалната, а Емилијано Мартинез сам се обиде да ја спречи полицијата во нивниот поход кон навивачите на Аргентина.
Домашните ги пречекаа светските шампиони со надеж дека ќе ја прекинат серијата од два порази, но доживеаја ново разочарување и загубија квалификациски натпревар на домашен терен за првпат во историјата.
На лошите вести за Бразилците им нема крај. Локалниот „Глобо“, пишува дека ФИФА сигурно ќе изрече казна, прашање е само калва ќе биде казната.
Оовј извор не ја исклучува можноста на Бразил да му бидат одземени бодови. Сепак пореално е казната да биде парична и Бразил еден или неколку натпревари да игра без публика.
Доколку му бидат одземени бодови, Бразил ќе биде во тешка позиција, бидејќи по шест рунди во квалификациите има само седум бода и се наоѓа на шесттото место.
Лидер во квалификациите е Аргентина со 15 поени, следуваат Уругвај со 13, Колумбија (12), Венецуела (9), Еквадор (8), Бразил (7), Параквај (5), Чиле (5), Боливија (3), Перу (2).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Одложени кошаркарски натпревари поради локалните избори

Сите кошаркарски натпревари во младинска и сениорска конкуренција закажани од 14 до 19 октомври се одложуваат поради претстојните локални избори во Македонија.
Министерството за внатрешни работи (МВР) извести дека полициските службеници ќе бидат целосно ангажирани за обезбедување на изборниот процес.
Натпреварите ќе се одржат во нови термини од 20 до 22 октомври. Доколку клубовите се договорат, мечот може да биде одигран и по овие датуми, но само со писмена согласност и најдоцна до почетокот на следното коло (25–26 октомври).
Спорт
Позната е каква е состојбата со Мбапе

Килијан Мбапе мораше да го напушти теренот во финишот на Франција – Азербејџан поради болка во зглобот, но лекарите потврдија дека нема причина за загриженост.
Првиот стрелец на Реал Мадрид веќе имал слични тегоби, како на дуелот со Виљареал, но тоа не го спречи да постигне гол. Французинот ќе биде подготвен за следниот натпревар, а пред повредата го отвори резултатот за својата репрезентација.
Спорт
Енигматична објава на Модриќ покажува каков мајстор е надвор од теренот

По ремито во Прага против Чешка (0:0), Хрватска е сè уште во одлична ситуација и се приближува до пласман на Светското првенство. На Хрватите им се потребни две победи во преостанатите три натпревари, а првиот треба да го добијат утре против слабиот Гибралтар.
Секако, на овој дуел не се очекува ништо друго освен победа на Хрватска, а капитенот Лука Модриќ тоа на некој начин го најави.
Фудбалерот од средниот ред на Милан верува дека тоа е можност да ги мотивира своите соиграчи, па објави интересна порака на социјалните мрежи.
„Еден чекор поблиску до нашата цел! Пред сè Хрватска!“, напиша Лука Модриќ, кој го одигра својот 191-ви натпревар против Чешка во дресот на Хрватска.
Иако има 40 години, Модриќ сè уште игра фантастично и сите уживаат во неговите настапи, а се чини дека е сè уште гладен за победи, мотивиран како на самиот почеток од кариерата, додека својата енергија им ја пренесува на своите соиграчи поради што Хрватска е на самиот врв на светските фудбалски сили.
о шоу.