Спорт
Поради Надал ќе се менуваат правилата на Олимписките игри?

Шпанскиот тенисер Рафаел Надал, според сегашните прописи, нема право да настапи на Олимписките игри во Париз следната година.
Причината е што Надал нема играно за Шпанија во последните два Дејвис купа, што е предуслов за настап на најголемиот светски спортски настан.
Така некогашниот светски рекет број еден би можел да остане без настап во француската престолнина во годината за која најави дека ќе биде последна во неговата професионална кариера.
Сепак, има и такви кои сметаат дека правилата треба да се сменат. Меѓу нив е и претседателот на Германската тениска асоцијација и кандидат за претседател на Меѓународната тениска федерација (ИТФ) Дитлоф фон Арним.
Тој смета дека треба да се сменат правилата поради Надал и апелираше до Меѓународниот олимписки комитет да го стори тоа.
„Тоа се правилата, но зошто ја отежнуваме ситуацијата и им создаваме проблем на играчите? Рафа сака да игра во Париз, ајде да му олесниме, мора да ги смениме правилата. Не сум во Олимпискиот одбор, но треба да разговараме за тоа“, рече Фон Арним и додаде:
„Ако постои можност, би го направил тоа, би дозволил и играчите добиваат поени од Олимписките игри. Треба да гледаме како да им помогнеме, а не да им ставаме пречки. Нека играат, ние треба да бидеме нивната поддршка“.
Надал пет пати го освојуваше Дејвис купот со Шпанија, додека во неговата колекција медали е и оној од Олимписките игри, освоен во 2016 година во Рио во конкуренција на двојки со Марк Лопез.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
ПСЖ се врати на победнички патеки во Франција

Пари Сен Жермен се врати на победнички пат во Лига 1 и брзо го заборави поразот во дербито со Олимпик Марсеј. На домашен терен, тимот на Луис Енрике со сигурни 2-0 го совлада Оксер.
Дебито на Забарњи во листата на стрелците донесе водство на ПСЖ уште во 32. минута, откако го искористи додавањето на Витиња. Со 1-0 се замина на полувреме, а во вториот дел дефанзивата на гостите не издржа повторно – уште еден гол од стопер донесе конечен резултат.
Лукас Бералдо се запиша како стрелец за конечни 2-0, постигнувајќи го својот прв гол сезонава, а третиот во кариерата за „светците“.
Спорт
Палиња е спасителот на Тотенхем

Тотенхем извлече реми (1-1) и освои бод против Вулверхемптон во Лондон, иако беше во губитничка позиција. Португалецот Жоао Палиња постигна гол за израмнување во 91. минута, спасувајќи го тимот на Томас Франк од пораз.
Тотенхем немаше најдобра вечер против последнопласираниот тим во Премиер лигата. Вулверхемптон поведе во 54. минута преку Сантијаго Буено, а „спарс“ долго време не успеваа да одговорат.
Сепак, добра акција во финишот од мечот резултираше со бод за тимот од Лондон.
Спорт
Интер рутински го победи Калјари

Интер со успех се враќа од гостувањето на Сардинија, откако го победи Калјари со 0-2. Тимот на Кристијан Киву го контролираше натпреварот и заслужено стигна до триумф.
Гостите од Милано поведоа уште во осмата минута преку Лаутаро Мартинез.
Победата ја потврди младиот Пио Еспозито со гол во 82. минута, по одличната асистенција на Федерико Димарко.