Спорт
Поранешен НБА шампион се сомнева дека Чембрлен постигнал 100 поени

Поранешниот НБА играч, шампион во 2006 година со Мајами Хит, а подоцна и интернационален играч во Европа, Дорел Рајт се сомнева дека Вилт Чембрлен навистина постигнал 100 поени на натпреварот против Њујорк Никс.
На 2 март 1962 година, легендарниот кошаркар на Филаделфија постигна неверојатни 100 поени (36/63 од два, 28/32 слободни фрлања) со 25 скока во победата над Вориорс од 169:147.
„Веќе видов многу видеа. Тој натпревар не е во „HD“ или ништо друго. Сè уште не сме го виделе тоа. Вилт, те сакам до смрт, но треба да го видиме материјалот. Сега сето тоа може да се најде во „HD“. Но, нема 100 поени“, рече Рајт, кој дел од кариерата мина и во АБА лигата, во Игокеа, во подкаст со Двејн Вејд.
100-те поени на Чембрлен се еден од најлегендарните рекорди во историјата на кошарката, но многу фанови, новинари и експерти се уште се сомневаат дека овој рекорд воопшто бил постигнат.
Втор на вечната листа е Коби Брајант со 81 поен, трет е Чембрлен повторно со 78, а по 73 имаат повторно Чембрлен (двапати), Лука Дончиќ и Дејвид Томпсон.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.
Спорт
Кристал Палас го заврши трансферот на Јереми Пино

Шпанскиот репрезентативец Јереми Пино е новото засилување на Кристал Палас, во кој ќе ја наследи улогата на доскорошниот лидер на „орлите“ Еберечи Езе.
Езе, минатата недела се пресели во Арсенал, а освојувачот на ФА Купот од трансферот заработи 79.000.000 евра. Менаџерот Оливер Гласнер експресно најде замена за Езе. Кристал Палас ќе му плати на Виљареал 30.000.000 евра за Пино.
Момчето од Канарските Острови одигра 170 натпревари за „жолтата подморница“, со напаѓачки настап од 22 гола и 23 асистенции. Тој ја освои Лигата на Европа во 2021 година, но и Лигата на нации во 2023 година со Шпанија, за која играше 15 пати.
На почетокот на сезоната, клубот од главниот град на Англија го изненади Ливерпул и го освои Комјунити Шилд, додека во Премиер лигата освои два бода во првите два натпревари.