Спорт
Поранешниот физиотарапевт на Синер: Порано или подоцна ќе кажам што се случи

Јаник Синер денеска го игра финалето на мастерсот во Шангај против Новак Ѓоковиќ, дури и најдобриот тенисер на сите времиња му дава поголеми шанси за победа, но малку немир во таборото на Италијанецот внесе неговиот поранешен физиотерапевт.
Џакомо Налди беше прогласен за главен виновник за аферата со допинг, доби отказ кога допинг аферата на Синер излезе во јавноста. Очигледно тој не сака да ја прифати вината за се она што се случи.
„Добро сум, жал ми е како и на како и на сите останати, но се надевам дека порано или подоцна и јас ќе можам да кажам што се случи“, изјави Италијанецот за „Тениснет“.
Овие негови зборови може да се протолкуваат како скриена закана, а тој објаснува зошто не може да го стори тоа веднаш.
„Сега, како и сите други, не можам ништо да кажам, обврзан сум со договор за молчење“.
Да потсетиме, Налди беше прогласен за главен виновник за двата позитивни допинг теста на Синер на почетокот на март, направени во период од осум дена. Според официјалната верзија, фитнес-тренерот на Синер, Умберто Ферара, му купил на Налди маст која содржи забранета супстанција.
Налди го масирал двократниот Грен слем шампион, но без ракавици. Бидејќи имал рана на раката, супстанцијата му ја пренел на Синер. Налди најмногу го критикуваат што не носел ракавици, но тој има што да каже.
Секако, многумина се збунети зошто Налди и Ферара добија отказ дури во август, кога се дозна за аферата, а не четири месеци порано, кога се се случи.
Синер сега го чека исходот од жалбата на Светската анти-допинг агенција (ВАДА) против казната изречена од Агенцијата за тениски интегритет (ITIA). Казната на ITIA блага, му беа одземени само бодови и заработка од турнирот во Индијан Велс.
ВАДА бара суспензија од една до две години и поднесе жалба до Судот за спортска арбитража (CAS). Одговорот се очекува на крајот на годината.
Во меѓувреме Синер најде замени за споменатиот дует, на нивно место дојдоа поранешните членови на стручниот штаб на Новак Ѓоковиќ, Улисес Бадио и Марко Паники.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Дончиќ потпиша нов договор со Лејкерси

Словенечкиот кошаркар Лука Дончиќ ја продолжи соработката со Лос Анџелес Лејкерс.
Дончиќ потпиша договор вреден 165 милиони долари за три сезони.
Лејкерси чекаа до првиот ден кога можеа да му понудат договор (2 август) и го сторија тоа веднаш.
Во 28 натпревари, за Лејкерси по шокантниот трејд од Далас, Дончиќ забележа 28,2 поени, 8,1 скока, 7,5 асистенции и 1,6 украдени топки во просек за 35 минути на паркетот.
Во поразот од пет натпревари во плејофот против Минесота Тимбервулвс, тој имаше просек од 30,2 поени, седум скока, 5,8 асистенции и една украдена топка за 41,6 минути на паркетот.
„Тукушто потпишав продолжување на договорот со Лејкерси. Возбуден сум што ќе продолжам да работам за да освојам шампионска титула во Лос Анџелес и да ги направам навивачите горди. Благодарен сум на Лејкерси, на моите соиграчи и на сите навивачи кои ми покажаа толку многу љубов од првиот ден. Ова е само почеток“, напиша Дончиќ на социјалната мрежа „X“.
Спорт
(Видео) Хамилтон: Бескорисен сум

Луис Хамилтон се огласи по борбата за пол-позицијата за Големата награда на Унгарија.
Хамилтон го имаше 11-то најдобро време со 1:15.702 во квалификациите на Хунгароринг. Очекувано не беше задоволен од тоа настапот во квалификациите.
„Јас сум бескорисен, апсолутно бескорисен. Тимот нема проблем, можете да го видите автомобилот на пол-позиција. Веројатно треба да го сменат возачот“, изјави Хамилтон за „Скај Спортс“.
Неговиот колега Шарл Леклер го имаше најдоброто време и ќе стартува од пол-позицијата на трката во недела. Леклер беше најбрз со 1:15.372.
“It’s me every time. I’m just useless. The team has no problem. The second car is on pole, so they probably just need to change driver.”
Distraught Lewis Hamilton after qualifying 💔
— Ferrari News 🐎 (@FanaticsFerrari) August 2, 2025
Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi