Многу професионални фудбалери низ целиот свет заработуваат малку повеќе од просечна плата и не можат да си дозволат нивните плати да бидат намалени за време на кризата со корона вирусот, објави Светскиот синдикат на фудбалери (ФИФПРО) за Ројтерс.

Фудбалерите на Барселона и Атлетико Мадрид во Шпанија и Јувентус во Италија веќе прифатија драматично намалување на платите, а постои јасно барање таков потег да одобрат и фудбалерите во Премиер лигата, но генералниот секретар на ФИФПРО, вели дека ситуацијата во послабите лиги е критична.

„Повеќето фудбалери смеат да си дозволат намалување на платата како било кој работник. Нивниот приход не е толку голем како што веруваат луѓето. Повеќето фудбалери земаат плата околу просекот во земјите во кои играат. Постојат и фудбалери кои играат за минимални плати, и секое кратење ќе има последици на основните работи како исхраната и киријата. И во Италија не е исто на пример – Јувентус имаат поинакви плати од тие клубови кои се на дното на табелата“, вели Јонас Бер-Хофман.

Тој додава дека засега мнозинството клубови се однесува „разумно“, но дека имало и некои неприфатливи отпуштања.

„Во дел од светот многу клубови се решаваат за масовно отпуштање и кратење на платите со услови кои фудбалерите не можат да ги прифатат. Знаеме дека мнозинството клубови се под финансиски притисок, но има и некои цинични реакции на искористување на ситуацијата“, вели Бер-Хофман.

Рафаел Надал и Новак Ѓоковиќ можеби се лути ривали на тениските терени, но надвор од спортот и двајцата се познати по своите хуманитарни акции и шпанскиот тениски ас јавно му се заблагодари на Србинот за помошта која тој ја дал во борбата против корона вирусот.

Надал, заедно со кошаркарската легенда Пау Гасол неодамна објавија кампања за собирање пари за Црвениот крст на Шпанија, една од најпогодените земји од вирусот, а Ѓоковиќ јавно застана зад таа иницијатива за собирање на 11 милиони евра.

„Големо благодарам до Новак Ѓоковиќ за својата работа на нашата кампања за помагање на тие кои помошта им е најнеопходна во борбата со корона вирусот. Хвала Ноле“, напиша Надал на Твитер.

Самиот Ѓоковиќ донираше милион евра за борбата против корона вирусот во неговата татковина.

A huge thanks to @djokernole for the contribution to the #nuestramejorvictoria campaign helping those in need in the fight against Corona Virus.
Class act 🙌🏻👏🏻 Hvala Nole! pic.twitter.com/ypnRPHIZAd

— Rafa Nadal (@RafaelNadal) April 3, 2020

Лега Серија А одлучи италијанскиот шампион да се откаже од предвиденото враќање на 2 мај, што значи дека лигата е одложена на неопределено време додека „здравствените услови“ не го дозволат враќањето.

Ова е резултат на состанокот на Лигата со Синдикатот на фудбалери (АИЦ) за да се разгледаат плановите за продолжување на сезоната и намалување на платите поради пандемијата на корона вирусот. Иако за платите нема постигнато договор, Серија А преку соопштение потврди дека слично како и Премиер лигата, сега паузата е на неопределено време.

„Собранието на Лега Серија А се оддржа со присуство на сите 20 клубови преку видео-конференција, а по преговорите со УЕФА, стана јасно дека спортските натпреварувања ќе можат да продолжат само кога здравествените услови ќе го дозволат тоа, бидејќи во прв план треба да биде здравјето на фудбалерите и на публиката“, се вели во соопштението на Серија А.

Во исто време, претседелот на Италијанската фудбалска федерација (ФИГЦ), Габриеле Гравина тврди дека Јувентус ќе ја одбие титулата доколку шампионатот биде прекинат. Јувентус има еден поен предност на табелата пред Лацио.

„Откажувањето на сезоната би било компликувано и многу неправедно. Скудетото би требало да биде доделено, а Јувентус не сакаат такво решение“, изјави Гравина.