Најдобрите стрелци на Вашингтон Визардс и Финикс Санс, Бредли Бил и Девин Букер го потврдија своето учество на Олимписките игри во Токио.

Ѕвездата на Визардс, Бил, сезоната ја заврши како најдобар стрелец во Источната конференција. со просек од 31,3 поени по натпревар.

Неговиот помлад колега, Букер, кој со Финикс ќе игра во финалето на Западот, во регуларниот дел од сезоната ја заврши со просек од 25,6 поени.

Тренинг кампот на американската репрезентација, ќе започне на 6.јули во Лас Вегас.

Конечниот список селекторот Грег Попович ќе одјави за десет дена.

Покрај Бил и Букер, учеството на ОИ го потврдија и кошаркарите на Портланд, Бостон и Голден стејт: Демијан Лилард, Џејсон Тејтум и Дрејмонд Грин.

Кемба Вокер, по две сезони ги напушти Бостон Селтикс. Вокер не ги исполни очекувањата во Бостон, откако во тимот пристигна од Шарлот Хорнетс, поради што Селтикс се решија да направат трејд со Оклахома сити Тандер.

Покрај Вокер, Оклахома од Бостон ги добија пиковите во 2021 и 2025 година. Бостон од Оклахома ги доби Ал Хорфорд и Мозес Браунс и пик од втората рунда на драфтот во 2023 година.

Вокер, во дресот Селтикс имаше просек од 19,9 поени, 4,9 асистенции и четири скока.

Ал Хорфорд се враќа во франшизата од Масачусетс. За оваа франшиза од 2016 до 2019 година имаше просек од 14,2 поени,м 6,7 скока и 3,4 асистенции.

Возачот на Прамак Дукати, Жоан Зарко, ќе стартува од пол-позицијата на трката за Големата награда на Германија. На култната патека Захсенринг, Зарко во финишот на квалификациите го извозе најбрзиот круг 1:20.236 минути.

Францускиот возач, веднаш по кругот, во кој го постави најдоброто време, падна од својот мотор. Веднаш по Зарко, во првата кривина падна и Накагами, поради што беа истакната жолти знамиња и останатите возачи не можа да го подобрат своите резултати.

Трката, утре од 14 часот, од првиот ред, веднаш до Зарко ќе ја започнат возачите на Јамаха и Априлија, Фабио Квартараро и Алеш Еспаргаро.

Прв во вториот ред е Џек Милер од Дукати, до него е Марк Маркез, кој цела деценија победува на Захсенринг, а на шестото место е Мигел Оливеира.

Во првите 12 на старот ќе бидат Мартин, Пол Еспаргаро, Накагами, Бањаја, Ринс и Алекс Маркез.