Спорт
Порто и Борусија бранат гол предност

Вечерва ќе ги добиеме првите учесници во четврт-финалето, во Лигата на шампионите. Во Торино и Дортмунд ќе се одиграа реванш натпреварите помеѓу Јувентус и Порто, односно Борусија и Севилја.
Јувентус, против Порто, брка гол негатива. Првиот меч, пред три недели, им припадна на Порто со 2:1. Евентуалната елиминација ќе биде вистинска катастрофа за „старата дама“. Јувентус се во серија на добри резултати, на домашен терен, на последните седум натпревари имаат исто толку победи.
Од друга страна Порто има добри резултати кога гостува, на последните 15 натпревари екипата на Сержо Консеисао има само еден пораз.
Овие два тима, во 2017 година играа се сретнаа во осмина-финалето, Јувентус забележаа две победи, 1:0 во Торино и 2:0 во Порто.
Борусија, во Дортмунд, со предност од 3:2 ќе ја пречека Севилја. Пред три недели, Ерлинг Халанд со два гола и асистенција го реши натпреварот. Голот на Лук Де Јонг, постигнат на десет минути до крајот на првиот меч, ѝ дава надеж на Севилја дека ќе може да го надомести минусот.
Дортмунд се во добра форма, исклучок е саботниот меч со Баерн, кога се самоуништија и по предноста од 0:2 забележаа пораз 4:2.
Проблем за „милионерите“ ќе биде неиграњето на Џејдон Санчо, додека под знак прашалник се Рафаел Гереиро и Џовани Рејна.
Севилја се наоѓа во лоша форма, има четири порази на последните пет натпревари. Особено болна за тимот на Хулен Лопетеги беше елиминацијата од Барселона, во полу-финалето на Купот.
За да избори пласман во наредната фаза, на Севилја и треба победа од два гола разлика, или победа со гол разлика, но со најмалку четири постигнато гола.
Натпреварите во Торино и Дортмунд ќе започнат во 21 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Тепачка на фудбалски натпревар во Штип, повредени се двајца

Инцидент го прекина првенствениот фудбалски натпревар на првото коло од Републичката пионерска лига меѓу штипска Брегалница и скопско Шкупи, кога на фудбалското игралиште „Бело Брдо“ во Штип возрасна публика од Скопје влезе на теренот, а еден од напаѓачите со клоци удирал по двајца млади фудбалери од домашната екипа. Како што пренесува СДК.мк, инцидентот се случи во последната минута од напреварот за деца родени 2010 година, по еден прекршок меѓу младите фудбалери.
Министерството за внатрешни работи информира дека е уапсен 43-годишен родител по денешниот инцидент на фудбалскиот натпревар меѓу екипите на фудбалските клубови „Шкупи“ и „Брегалница“ на стадионот „Бело Брдо“ во Штип, во кој беа повредени двајца фудбалери на возраст од 15 години на ФК „Брегалница“.
– Денеска (24.08.2025) во СВР Штип било пријавено дека на игралиштето „Бело Брдо“ во Штип, за време на одигрување на фудбалски натпревар помеѓу младинските екипи на ФК „Брегалница“ од Штип и ФК „Шкупи“ од Скопје, А.А.(43) од Скопје, родител на фудбалер од ФК „Шкупи“, физички нападнал двајца малолетници од Штип, фудбалери на ФК „Брегалница“, и им нанел повреди. Веднаш по нападот, полициски службеници од СВР Штип го лишиле од слобода А.А., а малолетниците биле пренесени во Клиничка болница Штип за укажување помош, се вели во соопштението на МВР.
Известен е јавен обвинител и се преземаат мерки за целосно расчистување на настанот, по што ќе бидат поднесени соодветни пријави.
Домашната управа бара од Фудбалската федерација казни за ваквите влетувања на луѓето на теренот, а од гостинската публика и да преземе мерки во иднина да не се даваат вакви лоши примери на младите фудбалери.
Спорт
Манчестер јунајтед постигна договор со голманот на Антверпен

Манчестер јунајтед, до крајот на преодниот рок ќе го реализира трансферот на белгискиот голман Сене Ламенс од Ројал Антверпен. За услугите на 23-годишниот голман клубот од „Олд Трафорд“ ќе плати 20 милиони евра. Ламенс, досега има повеќе од 50 настапи за Антверпен откако се приклучи од Клуб Бриж пред две сезони.
Неговата вредност значително порасна во последните месеци благодарение на неговата форма и неговиот статус како член на белгиската репрезентација до 21 година, а многу аналитичари го нарекуваат еден од најперспективните голмани во Бенелукс.
Планот на Манчестер јунајтед е со доаѓањето на Леменс да ја зголеми конкуренцијата на голманската позиција, а не да биде непосредна замена за првиот голман Андре Онана.
Тренерот Рубен Аморим јавно го изрази своето задоволство од сегашниот голмански кадар, но раководството на клубот е свесно за можното заминување на Онана на Африканскиот куп на нации на почетокот на 2026 година и бара долгорочна сигурност.
Спорт
Рома и Ливерпул во преговори за Цимикас

Рома започна преговори со Ливерпул за траснферот на Костантинос Цимикас. Рома сака да издејствува позајмица со задолжителен откуп на договорот наредното лето.
Грчкиот лев бек нема многу шанси да добие поголема шанса во редовите на шампионите на Англија оваа сезона, особено по доаѓањето на Милош Керкез, а тука е и Енди Робертсон, кој претходно имаше предност пред него.
Затоа, трансфер во Рома изгледа како идеално решение за овој играч. Засега не се споменуваат бројки, но се нагласува дека „волчицата“ е решена да го реализира трансферот.
Новиот тренер на Рома, Џанпјеро Гасперини, инсистира на дополнително засилување на тимот до крајот на преодниот рок, тоа го истакна по синоќешната победа над Болоња со 1:0 во првото коло од Серија А.
Против Болоња, Гасперини играше во формација со тројца во одбраната, а Анхелињо, со кого Цимикас веројатно ќе се бори за место во тимот, дејствуваше како винг бек по левата страна.
Цимикас има 29 години и игра за Ливерпул од 2020 година.