Спорт
Португалците му врачија отказ на својот најуспешен селектор, Фернандо Сантош

Португалската фудбалска федерација (ФПФ), според очекувањата, му врачи отказ на селекторот Фернандо Сантош по неуспешниот настап на Светското првенство во Катар и конфликтот со првата ѕвезда на тимот, Кристијано Роналдо.
Сантош направи контроверзен потег оставајќи го Роналдо на клупата за 1/16 финалето против Швајцарија, но овој потег тогаш се покажа како исправен, откако Португалија славеше со 6:1, но потоа го повтори истото и против Мароко, по што неговата репрезентација доживеа шокантен 1:0 пораз, иако беа сметани за едни од фаворитите за златото.
Сантош си заминува како најуспешниот селектор во историјата на европската репрезентација, откако со нив го освои Европското првенство во 2016 година, а беше и шампион во новата Лига на нации на УЕФА во 2019 година.
Се очекува тој да биде заменет со актуелниот тренер на францускиот Лион, Пауло Фонсека.
🔴 OFFICIEL ! FERNANDO SANTOS N'EST PLUS LE SÉLECTIONNEUR DU PORTUGAL 🇵🇹 ❌#Portugal #FIFAWorldCup pic.twitter.com/o6F1tn6pBl
— NEWS100SPORTS (@NEWS100SPORTS1) December 15, 2022
Fernando Santos is no longer the head coach of Portugal. The decision has been made after World Cup. 🚨🇵🇹 #Qatar2022
Portugal will appoint new manager in the next weeks. pic.twitter.com/NI52gw9Aeh
— Fabrizio Romano (@FabrizioRomano) December 15, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кунде го продолжи договорот со Барселона

Францускиот дефанзивец Жил Кунде (26) го продолжи договорот со Барселона до 30 јуни 2030 година, објави каталонскиот клуб.
Финансиските детали не се откриени, а во соопштението за медиумите се наведува дека покрај Кунде, на церемонијата за продолжување на договорот присуствувале и претседателот на Барселона, Жоан Лапорта, првиот потпретседател Рафа Јусте, спортскиот директор Деко, координаторот Бојан Кркиќ…
Кунде беше еден од најважните играчи во тимот на Ханси Флик минатата сезона, бидејќи имаше 53 настапи во сите натпреварувања, постигна и четири гола со осум асистенции.
Французинот е член на Барселона од 2022 година, а пред тоа играше за Севилја и Бордо. Одигра 142 натпревари за каталонскиот клуб и постигна седум гола.
Одигра 42 натпревари за француската репрезентација.
Foto/ EPA
Спорт
Димитревски пред преселба во Леванте

Голманот на фудбалската репрезентација на Македонија ќе остане во Валенсија но ќе го смени клубот. Столе ќе го облече дресот на Леванте, клуб сезонава се врати во Примера.
Столе Димитриевски минатото лето пристигна во Валенсија како слободен играч, требаше да биде прв голман, бидејќи Георги Мамардашвили оствари трансфер во Ливерпул. Сепак клубовите договорија грузискиот голман да остане на позајмица една сезона, поради што Димитриевски бранеше само на неколку натпревари.
Сега кога Мамардашвили замина, Валенсија на позајмица го донесе Хулен Агирезабала од Атлетик Билбао.
По овој потег што го повелекова „лилјаците“ беше јасно дека Димитриевски ќе замине од „Местаља“.
Договорот меѓу голманот и Леванте треба да биде официјализиран во наредните денови.
Foto/ „X“
Спорт
Интер мора да донесе уште двајца играчи

Вице-првакот на Италија е Европа, Интер има намера да засили две позиции до крајот на преодниот рок. На „Џузепе Меаца“ преба да пристигнат играч од средниот ред и стопер, а клубот за оваа намена има буџет од 80 милиони евра, објавија италијанските медиуми.
Кога станува збор за средниот ред, „нераѕурите“ имаа намера да го доведат францускиот фудбалер Ману Коне (24), но Рома не сакаше да отстапи од износот на отштета. Рома инсистираше на сума од 50 милиони евра, па Интер на крајот се откажа од Коне.
Сега, според италијанските медиуми, тие го насочија вниманието кон играчот од средниот ред на Рен, Џауи Сисе (21), чиј договор со францускиот клуб е важечки до јуни 2029 година.
Што се однесува до позицијата стопер, во потесниот список останаа уште двајца играчи, Умар Солет (25) од Удинезе и Лоик Баде (25) од Севилја. Интер донесе четири играчи ова лето, а полскиот играч од средниот ред Никола Залевски беше продаден на Аталанта.
Најмногу го чинеа играчот од средниот ред на Марсеј, Луис Енрике, и централниот напаѓач на Парма, Анж-Јоан Бони. За овие трансфери клубот издвои по 23 милиони евра, а потоа следува хрватскиот репрезентативец и до неодамна играч на Динамо, Петар Сучиќ. На Динамо му е исплатена отштета од 14 милиони евра.
Фото/ Принтскрин