Спорт
Португалците се европски шампиони во продажба на играчи – Динамо во топ-10

Најдобрите португалски клубови заработиле неверојатни 2,34 милијарди евра од продажба на играчи од 2015 година до денес.
Анализата на Меѓународниот центар за спортски истражувања (CIES) ја потврди доминацијата на најсилните клубови од оваа земја на полето на излезни трансфери на фудбалери во изминатата деценија.
Според податоците на CIES, португалските клубови заработиле 2,34 милијарди евра, додека на второто место, интересно, е англискиот Чемпионшип со заработка од 1,5 милијарди.
Од продажбата на фудбалери најголем профит остварил фудбалскиот клуб Бенфика. Во изминатата деценија Бенфика заработила 816 милиони евра.
Клубот од португалската престолнина на листата на CIES ги престигна Ајакс и Салцбург кои заработиле 473, односно 401 милион евра.
Значајно место на ова рангирање му припаѓа на Динамо Загреб кој во изминатите девет години од продажба на играчи заработи 255 милиони евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Анчелоти осуден на една година затвор за затајување на данок во Шпанија

Трофејниот италијански фудбалски тренер Карло Анчелоти е осуден од шпанскиот суд на една година затвор поради даночна измама направена во 2014 година, за време на неговиот престој во Мадрид.
Судот во главниот град на Шпанија му изрече и парична казна во износ од 386.000 евра.
Според шпанскиот закон, затворски казни пократки од две години може да бидат условно суспендирани доколку осудениот претходно не бил казнет, па се очекува дека актуелниот селектор на Бразил сепак нема да оди зад решетки.
Пред Анчелоти, на мета на шпанските даночни власти беа и Лионел Меси, Кристијано Роналдо и Жозе Мурињо, но ниту еден од нив не ја отслужи казната во затвор.
Фудбалската федерација на Бразил, како и претставниците на Анчелоти, засега не ја коментираа одлуката на судот.
Анчелоти е единствениот тренер кој пет пати ја има освоено Лигата на шампионите (три пати со Реал Мадрид и двапати со Милан), како и единствениот со титули државен првак во Англија, Шпанија, Италија, Германија и Франција.
Спорт
Седлоски пред натпреварот против Ла Фиорита: „Само максимален пристап носи победа“

Вардар утре го игра првиот натпревар во квалификациите за Конференциската лига против Ла Фиорита од Сан Марино, на арената „Тодор Проески“ во Скопје.
Тренерот Гоце Седлоски на прес-конференција изјави дека очекува сериозен пристап од своите играчи и победа на враќањето на клубот на европска сцена по седум години.
„Нема фаворити во денешниот фудбал. Насочени сме кон самите себе, а не кон противникот. Подготвени сме, ја анализиравме Ла Фиорита и нема простор за опуштање“, рече Седлоски, нагласувајќи дека најважен е настапот на неговите фудбалери, со оглед на тоа што следува и реванш за седум дена.
Спорт
Реал Мадрид и Пари Сен Жермен вечерва во Њујорк

Европските шампиони Реал Мадрид и Пари Сен Жермен вечерва од 21 часот ќе се соочат во полуфиналето на Светското клупско првенство. Натпреварот ќе се одигра на стадионот „Метлајф“ во Њујорк, пред повеќе од 80.000 гледачи.
Пари Сен Жермен неодамна го освои својот прв трофеј во Лигата на шампионите, постигнувајќи историски успех. Сега тимот има нова шанса да се докаже против најтрофејниот европски клуб.
Натпреварот има дополнително значење поради првиот настап на Килијан Мбапе против својот поранешен клуб. Францускиот напаѓач седум години настапуваше за ПСЖ, каде што стана најдобар стрелец во историјата на клубот со 256 погодоци.
Победникот од дуелот меѓу Реал Мадрид и ПСЖ ќе се сретне со Челзи во финалето на Светското клупско првенство.