Спорт
Потег за почит-Кежман на болен другар му дал 500.000 евра за операција

Поранешниот српски фудбалер, Матеја Кежман досега платил повеќе од 500.000 евра за лекување на свој пријател кој боледува од ретка форма на Фабриева болест. Кежман на раководството на приватна клиника во Русија им рекол да направат се што треба само да му помогнат на пријателот да ја победи болеста. Екс-фудбалерот во болницата имал отворена сметка кој ќе го подмири по завршувањето на лекувањето.
Пријателот на Кежман дал кратка изјава за српските медиуми, па објаснил дека неговото лекување е во почетна фаза.
„Пред еден месец ми соопштија дека имам тежок облик на Фабриева болест. Тоа е како да имам 10 канцери наеднаш. Лекувањето задолжително се врши во странство, затоа што во Србија докторите немаат искуство со оваа болест. Сите анализи ги направив во Германија, а сега сум во Русија затоа што само овде можам да ја продолжам терапијата. Оваа болест не може да се излечи, но може да се продолжи животот за одреден период. Матеја е многу потресен, секогаш е покрај мене, иако за некој ден повторно треба да стане татко. Откажа важни состаноци за да биде со мене, овде во Русија и да ми се најде во оваа неприлика“ – раскажал пријателот на Кежман.
Овој тип на болест поради чудните симптоми доцна се открива, а го скратува животниот век за 20 години. Фабриевата болест ги погаѓа срцето, бубрезите, мозокот и очите.
Оваа болест се јавува кај еден од 40.000 мажи и кај една од 20.000 жени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
(Видео) Шкендија ќе игра против Копенхаген ако го мине ФЦСБ, ако испадне ја чека Дрита

Фудбалерите на Копенхаген успеаја да се пласираат во третото коло од квалификациите за Лигата на шампионите. Данците во наредната рунда ќе играат против Шкендија или ФЦСБ.
Шампионот на Данска беше подобар од екипата на Дрита и во вториот натпревар, во Приштина победи со 1:0. Првиот меч во Копенхаген заврши со триумф на Копенхаген 2:0.
Единствениот стрелец беше искусниот Андреас Корнелиус, тој во 42.минута ја искористи асистенција од норвешкиот репрезентативец Мохамед Елјунуси.
42' | Goal for Copenhagen.
Drita ⚪️ 0-[1] 🟢 Copenhagen
⚽ Cornelius | Agg: 0-3#UCL | #Drita | 🇽🇰🇩🇰 pic.twitter.com/yqIsiWodQG— Kosovo Football 🇽🇰 (@FootballKosovo) July 29, 2025
Шкендија утре го игра преваншот во Букурешт, ќе ја брани предноста од 1:0. Доколку Шкендија помине во третото коло ќе игра против Копенхаген. Доколку биде елиминирана, Шкендија се сели во квалификациите за Лига Европа и противник ќе и биде Дрита.
Спорт
(Видео) Жестока тепачка на навивачите Црвена звезда со полицијата

Фото/ б92
Црвена звезда избори пласман во третото коло, во Лигата на шампионите. Очекувано српскиот шампион по победата 1:0, во Гибралтар на Линколн, славеше и во реваншот со 5:1.
Натпреварот во Белград имаше жестока увертира. Еден час пред почетокот навивачите на Црвена звезда, пред северната трибина се судрија со полициските сили.
„Крвави луѓе има насекаде. Пукаат топовски удари“, обајви „Спорт клуб“.
До пресметката дошло откако навивачите, поради актуелната ситуација во Србија и протестите кои траат девет месеци им скандирале на полицајците.
„Ги тепате луѓето за ситни пари, ги штитите крадците.“
29.07.2025, FK Crvena Zvezda🇷🇸 – Lincoln Red Imps FC🇬🇮, Delije fight with 1312 before match, click for more here: https://t.co/xaqymQFcHE
All in one place. Tap to download.
🔗 https://t.co/FXnrFRp1rX pic.twitter.com/DDTKGtUcis— Hooligans.cz Official (@hooliganscz1999) July 29, 2025
Novi snimci nereda koje su zabeležili naši reporteri, pratite događaje na sajtu Sport kluba!
„Pucaju topovski udari, Delije skandiraju: ‘Bijete narod za male pare, štitite lopove’. Jako je tenzično, bez obzira na jake policijske snage navijači se i dalje ‘zaleću’ na njih“,… https://t.co/212vIacXk2 pic.twitter.com/DhQIJX2VAF
— Sport Klub (@sportklub) July 29, 2025
Спорт
Тројца фудбалери ги кочат трансфер активностите на Јувентус

Славниот клуб од Торино, Јувентус, не може да продолжи со активностите во преодниот рок сè додека не се отпушти тројцата фудбалери.
Даглас Луис, Тимоти Веа и Душан Влаховиќ се на листата за заминување, објавува „Газета дело Спорт“.
Српскиот напаѓач е на листата на желби на Милан, но сè уште нема конкретни чекори во врска со неговиот трансфер. И 25-годишниот централен напаѓач не брза, верува дека ќе се појави вистинската опција. Најголемиот проблем претставува платата која во наредната сезона ќе му припадне на Влаховиќ. Станува збор за сума од 12 милиони евра, ниту еден клуб не може да му понуди толкава плата.
Тимоти Веа сака да се пресели во Марсеј. Олимпик понуди 15.000.000 евра, Јувентус, бара најмалку 20 милиони за реализација на трансферот.
И Даглас Луис има амбиција повторно да се обиде во Премиер лигата. Фенербахче неодамна се распрашуваше за него, но играчот од средниот ред ја одби можноста да оди во Турција. Во исто време, тој не се појави на почетокот на подготовките, но во меѓувреме им се придружи на своите соиграчи.
Медиумите шпекулираат дека Јувентус му го понудил Бразилецот на Њукасл во замена за Сандро Тонали.
Фото/ Принскрин