Кристијано Роналдо ќе биде достапен на португалскиот селектор, Роберто Мартинез за првиот натпревар на Светското првенство следното лето, и покрај тоа што доби црвен картон во квалификацискиот натпревар против Република Ирска.

Роналдо (40), беше исклучен откако го удри со лакт, противничкиот играч Дара О’Шеа, за време на поразот на Португалија од 2:0.

Иако насилното однесување обично се казнува со суспензија од три натпревари, ФИФА одлучи дека вториот и третиот натпревар ќе бидат условни на една година.

Како што дознава Би-би-си Спорт, земено е предвид дека ова за Роналдо е првиот црвен картон во 226 настапи за португалската репрезентација.

Роналдо веќе ја отслужи суспензијата со тоа што не играше против Ерменија на 16 ноември, па затоа нема да пропушти ниту еден натпревар од Светското првенство во САД.

Роналдо постигна пет гола во квалификациите, а со освојувањето на првото место во Групата Ф, Португалија се пласира на своето седмо последователно учество на Светското првенство.

Ждрепката за Светското првенство ќе се одржи во петок на 5 декември.

Хари Кејн без „влакна“ на јазикот проговори за својата иднина. Многу се шпекулира околу неговата иднина, откако медиумите објавија дека во неговиот договор постои клаузула, кој му овозможува по завршувањето на оваа сезона да го напушти Баерн за 65 милиони евра.

Хари Кејн, легенда на Тотенхем, повторно е во Лондон, утре во дресот на Баерн ќе игра против Арсенал.

Напаѓачот, во пресрет на дербито, ги негираше шпекулациите дека тој ќе се пресели во Барселона, по завршувањето на сезоната.

„Не сум бил во контакт со никого, не сум добил никаков повик. Се чувствувам многу задоволен таму каде што сум, иако се уште не сум преговарал со Баерн. Не брзам, бидејќи знам дека сум среќен во Минхен. Тоа можете да го видите во начинот на кој играм. Воопшто не размислувам за понуди пред следната сезона. Светското првенство е на прво место и речиси сигурно ништо нема да се промени дури ни по Светското првенство“, рече Кејн.

Потоа следеше прашање од печатот за тоа дали навивачите на Баерн треба да се грижат, на што Кејн категорично одговори:

„Не, не мислам дека има причина за тоа“, заклучи Кејн.

Англичанецот влегува во последната година од договорот на лето и сосема е јасно дека очекува понуда за продолжување на соработката.

Здружението на фудбалските навивачи на Англија ги повика клубовите од Премиер лигата да ги замрзнат цените на билетите за следните две сезони.

Деветнаесет од 20-те клуба од Премиер лигата ги зголемија цените на билетите за сезоната 2024/25, а 13 од нив го сторија тоа пред почетокот на оваа сезона.

Затоа 116 навивачки здруженија, собрани во официјалното Здружение на фудбалски навивачи (FSA), потпишаа заедничко писмо со кое ги повикуваат клубовите да ги замрзнат цените на билетите за сезоните 2026/27 и 2027/28. Исто така, тие бараат од клубовите да објавуваат податоци за цените и да организираат дискусии со претставници на навивачите за идното планирање на цените.

Навивачите ги повикуваат клубовите да не бидат дел од група која практично ги ограбува навивачите и објаснуваат дека поради промените во системот за емитување, што доведува до промени во датумите на натпреварите, организирањето патување за натпреварот никогаш не било попредизвикувачко или поскапо.

„Нема да исплатите три милијарди колку што вложивте во траснфери во преодниот рок, високи провизии за менаџери и рекордно високи плати со зголемување на цените на билетите“, се вели во писмото.

„Но, зголемувањето на цените на билетите во многу аспекти ги депресира обичните навивачи кои секако се соочуваат со секојдневно зголемување на трошоците за живот. Ги разбираме комерцијалните односи, но затоа мора да ја подобриме нашата соработка и да најдеме поизбалансиран начин на соработка“, се додава во писмото.

Додадено е дека ограничувањето на цената на билетите за гостинските натпревари на 30 фунти е всушност историски договор што докажува дека клубовите и навивачите можат да работат заедно и да направат позитивни промени.

Здруженијата на навивачи се исклучително загрижени за трендот на зголемување на цените. Тоа е проблем што клубовите треба да го сфатат сериозно, да нè слушаат и да работат со нас за да најдат решение за да се осигурат дека навивачите можат да си дозволат да гледаат фудбал и да ги поддржуваат своите клубови“, се заклучува во писмото на навивачите.