Спорт
Познато е кој фудбалер му плати кауција на Дани Алвеш
Дани Алвеш плати кауција од 1.000.000 евра и вчера, по 14 месеци, го напушти затворот во околината на Барселона. Бразиелцот е на условна слобода, судот му ги одзеде пасошите (шпанскиот и бразилскиот), а тој ќе мора еднаш неделно да се пријавува во полициска станица.
На многумина им беше чудно што самиот фудбалер, кој во кариерата заработил многу пари, ја нема потребната сума за кауција. Пријател му помогнал да ги собере парите за кауцијата, откако пред да почне судењето Нејмар на девојката која беше жртва и плати отштета од 150.000 евра, поради што судот за половина му ја намали казната.
Дани Алвеш е осуден на четири и пол години затвор.
Медиумите шпекулираа дека Нејмар ја платил и кауцијата, но таа информација експресно беше демантирана.
Медиумите открија дека кауцијата ја платил напаѓачот на Атлетико Мадрид, Мемфис Депај. Дани Алвеш и холандскиот фудбалер играа заедно за Барселона, не премногу долго, но очигледно за кратко време станале добри пријатели.
Депај неодамна проговори за правните проблеми на своите пријатели фудбалери. Проговори за Алвес, Бенџамин Менди и Квинси Промес.
„Луѓето треба да знаат дека имав тешко минато. Брат ми одлежа десет години затвор и едвај го видов. Менди и Дани Алвеш исто така се вмешани во криминални случаи, но тоа не значи дека тие веќе не се мои пријатели“, рече Депај и потоа го спомна Промес:
„Не го познавам Квинси како што опишуваат. Не сакам да ги оправдувам нивните постапки или да ги поддржам, но никогаш нема да ги изневерам.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Арсенал не се откажува од титулата – „Топџиите“ победија на Олд Трафорд
Фудбалерите на Арсенал на коло пред крајот на сезоната во Премиер лигата повторно се на чело на Премиер лигата.
Во дербито на 37. коло на „Олд Трафорд“ на гости го совлада Манчестер јунајтед со 0:1 (0:1).
Така избраниците на Микел Артета стигнаа до 87 поени и се оддалечија на два бода пред Манчестер сити, иако со натпревар помалку.
Јунајтед ја продолжи серијата лоши резултати, се подалеку се „црвените ѓаволи“ од настап во европските клупски натпреварувања, додека на Арсенал му останува само да се надева дека Манчестер сити ќе има барем еден кикс до крајот на сезоната.
Голот со кој Арсенал победи во Манчестер го постигна Леандро Тросар во 20. минута.
Во последното коло „топчиите“ играат дома со Евертон на 19 мај, додека Сити има два дуели, во вторник во Лондон против Тотенхем и пет дена подоцна со Вест Хем на домашен терен.
Спорт
Струга ја победи Шкендија во Тетотво – Еден бод ја дели од шампионскиот пехар
Фудбалерите на Струга го добија дербито за шампионската титула. Актуелните шампиони во Тетово славеа над Шкендија со 2:0.
Головите за Струга ги постигнаа Бесарт Ибраими ов 43.минута. Најдобриот стреец во историјата на Првата македонска фудбалска лига, погоди од 20-тина метри. Победата на Струга ја потврди неговиот партнер во нападот, Марјан Радески во 48.минута.
Струга на врвот има три бода повеќе од Шкендија, за да ја одбрани титулата во последното коло ќе и биде доволен еден бод против Шкупи.
Резултати, 32. коло:
Гостивар-Работнички 0-0
Македонија ЃП-Брегалница 2:1
Силекс-Вардар 1:1
Шкупи-АП Брера 0-0
Шкендија-Струга 0:2
Тиквеш-Воска спорт 0:0
Табела:
Спорт
(Видео) Нов гол на Миовски за Абердин
Македонскиот репрезентативец Бојан Миовски ја продолжи гол-серијата во Премиер лигата на Шкотска. Миовски постигна еден гол во убедливата победа на Абердин кај Хибернијан.
Миовски во 52.минута постигна гол за 3:0. За него ова беше 16.гол во шкотската Премиер лига, вкупно 26. во сите натпреварувања од почетокот на сезоната.
Абердин се наоѓа на седмото место во Шкотска, до крајот на сезоната ќе одигра уште два натпревари, прптив Ливингстон и Рос Каунти.
BM9 Bojan Miovski goal
3-0
Hibs are falling apart again pic.twitter.com/SUAVSsVaiM
— Rop Ted (@roptedmin) May 12, 2024