Спорт
Пред 10 години во Јувентус ја утнале со Донарума
Денес со 22 години важи за еден од најдобрите светски голмани, а на 12 години импресионирал на првиот тренинг во дресот на Јувентус. Сепак „црно-белите“ од Торино направиле голема грешка, не го препознале талентот во Џанлуиџи Донарума иако легендата на „Старата дама“ – Фабрицио Раванели ги советувал да го задржат.
Следувало премин во Милан каде Џиџи дебитираше на 16 години во Серија А, а подоцна стигна и до капитенската лента.
Во 2011 година кога Донарума дошол на првиот тренинг, на пробата во Јуве ниту едно од децата, негови врсници не можел да му даде гол. Раванели го следел сето тоа и бил сигурен дека младото момче ќе стане класа.
„Јас не му шутирав пенал, инаку ќе постигнев гол“ изјави Раванели за „Тутоспорт“, па раскажал како стигнал воопшто да ги следи игрите на младиот Џиџи.
Тој раскажува дека скаутите на Јувентус го забележале и испратиле јасна порака за негово ангажирање. Беше висок, силен, еластичен, по многу што откскокнуваше со врсниците, вели тој.
„Се сеќавам на моќно, експлозивно, импресивно момче. Телото кое го има денес како да го имаше и со 12 години. Ги блокираше сите удари. Ниту едно од нашите момчиња не успеа да постигне гол од работ на казнениот простор, па наместивме да фаќаат волеи од пенал. И тогаш ретко примаше голови. Сите ги остави без текст“ вели Раванели кој рекол Донарума да го задржат во Јувентус.
„Сега е лесно тоа да се рече, но уште тогаш на тренерот на голманите му предложив да го доведеме. Знаев дека ќе стане вистински врв“ вели Раванели.
Подоцна Донарума се пресели во младинската школа на Милан и го продолжи развојот, а тренерот Синиша Михајловиќ на 16 години го стави во првиот тим.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Милик му обезбеди финале во Купот на Јувентус
Фудбалерите на Јувентус загубија од Лацио во Рим со 2:1, во вториот натпревар од полуфиналето на Купот на Италија. И покрај поразот Јувентус се пласира во своето 22. финале во Купот. Пресуди првиот меч кој Јувентус го доб со 2:0.
Лацио многу подобро го започна натпреварот, веќе во 12. минута поведе. Валентин Тати Кастеланос погоди на асистенција на Луис Алберто.
До крајот на првото полувреме немаше промена на резултатот.
Кастељанос погоди и во 49. минута, а асистент уште еднаш беше Луис Алберто – 2:0.
Се чинеше дека дуелот ќе оди во продолженија, но Јувентус успеа да се извлече во финишот.
Акрадиуш Милик, во 83.минута, во првиот контакт со топката намали на 2:1. Полјакот влезе на теренот на местото на Влаховиќ.
Јувентус во финалето го чека подобриот од дуелот меѓу Фиорентина и Аталанта.
Тимот од Фиренца успеа да слави на првиот натпревар со 1:0, реваншот е утре во Бергамо.
Финалето е на програмата на 15.мај.
Спорт
(Видео) Арсенал го декласира Челси
Арсенал го декласира Челси во заостанатиот натпревар од 29.коло во Премиер лигата. во градската пресметка со 5:0. „Тобџиите“ дојдоа до 77 бода, први се на табелата, имаат три бода повеќе од Ливерпул и три од Манчестер сити, но црвените имаат еден, а „граѓаните“ два натпревари помалку.
Арсенал во градската пресметка ги декласира „сините“ во второто полувреме. Првиот дел заврши со 1:0, со голот што го постигна Торсар во четвртата минута.
Во вториот дел се случи канонада кон глот на Челси. Вајт погоди во 52 минута, потоа Хаверц постигна два гола во 57. и 65.минута, а серијата ја заврши Вајт во 70.минута.
Спорт
Брејк на Макаби во Атина
Плеј-офот во кошаркарската Евролига започна со брејк на Макаби во ОАКА арената во Атина. Макаби го победи Панатинаикос 91:87.
Панатинаикос го контролираше натпреварот 32.минути, неколку пати зелените имаа предност од 12 поени, но не успеаја да го решат натпреварот.
Трагичар е Костас Слукас кој на 20 секунди до крајот продаде топка, а Џош Нибо од линијата за слободи го постави конечниот резултат. До тој момент Слукас одигра совршен натпревар (12 поени, 13 скокови, без загубена топка).
Најдобриот учинок во редовите на Макаби го имаше Бонзи Колсон, која забележа 18 поени со два скока, а го следеа Лоренцо Браун со 16 поени, четири скока и три асистенции, Вејд Болдвин со 15 поени со седум скока. Болдвин поради повреда не играше во последните осум минути.
Двоцифрен беше и Џош Ниебо со 12 поени и осум скока.
Кај Панатинаикос се истакна Матијас Лесор со 22 поени и шест скока, но и очајна реализација на слободните фрлања 4/11, а двоцифрени беа и Џериан Грант и Мариус Григонис со по 11 поени.
Вториот натпревар се игра за два дена исто така во Атина.