Спорт
Пред една година почина Кралот на фудбалот
На денешен ден пред една година, на 82-годишна возраст, почина легендарниот бразилски фудбалер Пеле. Едсон Арантес до Насименто, Пеле важи за еден од најголемите играчи на сите времиња. Со репрезентацијата на Бразил три пати беше светски првак, што не му успеало на ниту еден играч.
Првата титула ја освои во 1958 година, кога како 17-годишник го воодушеви светот и веднаш стана клучен играч на репрезентацијата. Втората титула ја освои четири години подоцна, а последната во 1970 година. Во својата кариера играше на клупски план за бразилски Сантос и американски Њујорк Космос.
Пеле денеска почива во позлатена гробница во Сантос, каде што беше погребан откако целиот фудбалски свет се прости од него со емотивни пораки. Иако секогаш е тешко да се усогласат спротивставените мислења во дебатите за најдобрите на сите времиња, тешко е да се негира дека Пеле не е највлијателниот фудбалер што некогаш играл.
Тој беше првата глобална суперѕвезда во историјата на најпопуларниот спорт, а уште како момче почна да го гради митскиот статус. Поради Пеле бројот десет има посебен статус во фудбалот, откако во 1958 година ги полуде навивачите со тој број на грб.
Неговото значење во прошталната порака го објасни Нејмар, играчот кој го собори голгетерскиот рекорд на Пеле за бразилската репрезентација:
„Пред Пеле, 10-ката беше само бројка. Го прочитав тој израз некаде, во одреден момент од мојот живот. Но, таа реченица е убава и нецелосна. Би рекол дека пред Пеле фудбалот беше само спорт. Пеле промени сè. Го претвори фудбалот во уметност, во забава. Им даде глас на сиромашните, црнците. Фудбалот и Бразил го подигнаа својот статус благодарение на кралот! Го нема, но неговата магија ќе остане. Пеле е вечен! ”
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Атлетико победи во Виго – Алварез во 90.минута и пресуди на Селта
Во Виго се одигра последниот натпревар од седмото коло на шпанската Ла Лига. Атлетико Мадрид со 1:0 ја совлада Селта. Ова е петта победа во низа за тимот на Чоло Симеоне на „Балаидос“. Селта нема победа над Атлетико од 2018 година.
Атлетико во Виго ја забележа четврта победа во новата сезона, „јорганџиите“ имаат и три нерешени. Селта го претрпе четвртиот пораз и остана на девет бода.
Здодевно првот полувреме одиграа Селта и Атлетико, единствената шанса ја имаше Аспас во финишот на првиот дел, Облак успеа да го одбрани ударот. Аспас вечерва го одигра 500. натпревар во Ла Лига.
Вториот дел донсе повеќе возбудувања и две големи шанси за Селта. Во 56.минута Борха Иглесијас од пет метри со глава шутираше право во Облак, а во 89.минута Родригез од иста позиција ја испрати топката крај голот.
Казната дојде една минута подоцна, Гризман нафрли од десната страна, а Хулија Алварез со врвот на копачката ја зафати топката и го совлада Гуаита.
Спорт
(Видео) Ајакс го декласира Бешикташ, Викторија однесе бод од Франкфурт, Рома испушти победа против Атлетик
Фенербахче, Ајакс, Ренџерс, Лион забележаа победи во првото коло во Лига Европа. Брага со гол во 96.минута го комплетираше пресвртот против Макаби Тел Авив, а во драматичен меч во Франкфурт, Викторија се врати по минусот од два гола и со гол во 93.минута избори реми 3:3 против Ајнтрахт.
Ајакс целосно го надигра Бешикташ во Амстердам, поведе во првото полувреме, а потоа рутински ја потврди победата во второто.
Првиот гол го постигна во 31. минута Киан Фиц-Џим. Во 51. минута Мика Готс погоди на асистенција на Бертранд Траоре, а само три минути подоцна Кенет Тејлор по додавањето на Брајан Броби го зголеми резултатот на 3:0. Точка на натпреварот стави Мика Готс во 73. минута кога погоди за 4:0.
Во следното коло Ајакс е домаќин на Славија Прага, додека Бешикташ го пречекува Ајнтрахт Франкфурт.
Резултати:
Малме – Ренџерс 0:2 (0:1)
/Бајрами 1, МекКоусленд 76/
Фенербахче – Унион Сент Жилоа 2:1 (1:0)
/Сојунџу 26, Бургес 82 – Сајкс 90+3/
Ајнтрахт Франкфурт – Пилсен 3:3 (1:1)
/Екитике 38, Ебимбе 62, Кристенсен 67 – Шулц 41, Аду 86, Џемелка 90+3/
Брага – Макаби Тел Авив 2:1 (0:1)
/Брума 88, 90+6 – Давида 30пен/
Рома – Атлетик Билбао 1:1 (1:0)
/Довбик 32 – Паредес 85/
ФЦСБ – РФС Рига 4:1 (2:1)
/Бирлигеа 8, Стефанеску 32, Олару 58, 69 – Липушек 23/
Лион – Олимпијакос 2:0 (0:0)
/Шерки 65, Бенрама 71/
Спорт
Уште еден убедлив пораз на Еурофарм Пелистер во ЛШ
Ракометарите на Еурофарм Пелистер забележаа уште еден убедлив пораз во Лигата на шампионите. Вечерва во Букурешт, Динамо го порази македонскиот шампион со 34:25 (19:13). Ова е трет пораз сезонава за Пелистер во ЛШ, вкупно 17. во низа во елитното натпреварување.
Пелисер во Букурешт за полувреме го решија Пелистер. Одбраната на овој меч не постоеше кај Пелистер, Динамо лесно дојде до предност од три гола, а во финишот на полувремето сурово ги казни сите грешки на играчите на македонскиот шампион и на одмор замина со предност од шест гола.
Доколку воопшто имаше дилеми околу конечниот победник, тие беа разрешени по десет минути игра во вториот дел кога Динамо дојде до двоцифрена предност (26:16).
Капитенот Кузмановски постигна девет гола, а Радивохевиќ шест (сите во второто полувреме).