Спорт
Јокиќ пред шталата во Сомбор го доби трофејот МВП
Никола Јокиќ втора година по ред е најдобар играч во регуларниот дел од НБА сезоната. Големо изненадување на српскиот ас му приредија луѓето од Денвер Нагетс предводени од тренерот Мајк Мелоун, генералниот директор Келвин Бот и сопственикот Стен Кроенка.
Луѓето од Денвер го чекале Јокиќ пред неговата семејна куќа, признанието му го врачиле покрај шталата каде Јокиќ донел еден од своите коњи. Српскиот ас бил тргнат од овој гест и веднаш се расплакал.
„Искрено беше тешко да се поверува дека воопшто ќе станам кошаркар, а не дека ќе играм во НБА лигата и ќе бидам двоен МВП. Сега не размислувам за награди, но еден ден кога ќе бидам стар, дебел и намќор, веројатно ќе им раскажувам на моите деца дека порано добро играв кошарка. Сите знаат дека сум истата личност, се надевам дека ова нема да ме смени во иднина“, изјави Јокиќ во интервју за ТНТ.
"When I'm old, fat and grumpy… I'm going to tell my kids back in the day I was really good playing basketball."
Nikola Jokic caught up with @TurnerSportsEJ after winning his 2nd consecutive #KiaMVP pic.twitter.com/ZtxhzwnCNd
— NBA on TNT (@NBAonTNT) May 11, 2022
Секако, трофејот беше доделен заедно со неизбежните тамбураши, а покрај Мелоун и останатите членови на стручниот тим на Денвер, тука беше и менаџерот на Јокиќ, Мишко Ражнатовиќ, како и членовите на неговото семејство.
„Ова е веројатно прв и последен пат МВП-трофејот да биде доделен пред шталата во Србија“, рекол Јокиќ. .
Моментот бил толку емотивен што и тренерот Мајк Мелоун заплакал.
„Беше навистина одлично. Сите бевме допрени. На едно место беа луѓето кои многу му значат на Никола. Неговата сопруга, ќерка, родители, ние од Денвер. Очигледно беше колку е изненаден, а во исто време и колку е скромен и покрај сето она што го постигна. Тој апсолутно го заслужи ова“, изјави Мелоун.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Реал победи во Сан Себастијан, еден триумф го дели од шампионската титула
Фудбалерите на Реал Мадрид го совладаа имењакот од Сан Себастијан на „Реале арена“ со 1:0 (1:0) во премиерниот натпревар од 33.коло.
На овој начин „кралскиот клуб“ со натпревар повеќе стекна 14 бодови предност во однос на Барселона.
Практично само теорија го дели Реал Мадрид од 36. титула во клупската историја.
Карло АНчелоти натпреварот го започна со комбиниран состав, а за прв пат стартер беше младиот Арда Ѓулер.
Токму младиот Турчин со голот во 29. минута му донесе победа на својот тим. Карвахал нафрли во шеснаесетникот, а Гулер шутираше низ нозете на голманот Ремиро.
Три минути подцна Реал Сосиедад преку Такефуши Кубо постигна гол кој беше поништен поради офсајд.
Сосиедад остана на шестата позиција со 51 бод до крајот на сезоната ќе се бори за пласман во Лига Европа или Конференциската лига.
Спорт
(Видео) Евролигата покрена постапка против судијата Болтаузер – Украл парфем од „фри-шоп“
Еден од најпознатите европски судии, Словенецот Матеј Болтхаузер (49) е тема број 1 во европската кошаркарска јавност поради видеото кое излезе во јавноста.
Имено, Болтаузер е снимен на него на аеродромот „Никола тесла“ во Белград на 8 декември минатата година како краде парфем на Том Форд од „фри шоп“.
Станува збор за парфем кој чини 221 евро.
Болтхаузер тогаш се враќаше од натпреварот од Евролигата меѓу Монако и Партизан, која ја судеше во Франција.
Поради видеото кое се појави пет месеци подоцна, Евролигата покрена постапка против Болтаузер.
Тој сигурно ќе се соочи со драстична казна, па дури и играчите си земаа слобода да кажат „збор-два“ за Словенецот.
Најгласен беше Мет Џенинг, кој директно го обвини Болтхаузер дека со години крадел, не само на аеродромот, туку и на терените во Евролигата.
„Човекот краде со години! Евролигата има голем број одлични судии, но ова момче е убедливо најлошиот и не е тешко да се разбере зошто”, напиша Џенинг, поранешен играч на Монтепаски, Ефес, Басконија, како одговор на видеото кое брзо се прошири низ Европа.
Salen a la luz imágenes de Boltauzer, árbitro de la Euroliga, robando un perfume en el aeropuerto de Belgrado
🫣 Los hechos sucedieron tras el partido entre Partizan y Mónacopic.twitter.com/brQUbuRYqa
— Eurohoops España (@EurohoopsES) April 26, 2024
Спорт
Арне Слот ќе биде новиот тренер на Ливерпул
Холандскиот стручњак Арне Слот од следната сезона ќе биде тренер на Ливерпул.
Трансфер инсајдерот, новинарот Фабрицио Романо тврди дека двата клуба се договориле, Ливерпул на Феенорд ќе му исплати одредена отштета за тренерот чии договор истекува во 2026 година.
Допрва ќе биде познато колкава сума ќе плати Ливерпул. Наводно Ливерпул понудил 9.000.000 евра, а Феенорд бара 13.000.000 евра.
Слот од 2021 година е на клупата на клубот од Ротердам на кој му донесе голем успех.
Во првата сезона го водеше тимот до финалето на Конференциската лига, таа година беше прогласен за тренер на сезоната во Ередивизие, а една година подоцна ја освои домашната титула со Феенорд.
Во својата втора сезона во клубот, тој го предводеше тимот до четвртфиналето на Лига Европа.
Пред Феенорд, Слот ги водеше Камбур и АЗ.