Спорт
Премиер лигата и понатаму е најдобра во светот
Британската спортска аналитичка компанија „Опта“ ја објави листата на Топ 10 најдобри фудбалски лиги во светот.
Како главни параметри во овој избор беа земени квалитетот на тимовите, популарноста на играчите и квалитетот на натпреварувањето.
Според „Опта“ на прво место е англиската Премиер лига, второ е италијанската Серија А, додека на третото е Бундеслигата. На четвртото место е шпанската Ла Лига, додека Лига 1 е на петтото место.
Интересно е што меѓу првите десет е уште една англиска лига, а тоа е Чемпионшип кој е на деветтото место.
🚨🚨| The top 10 𝗯𝗲𝘀𝘁 leagues in the world, according to Opta. 📊
🏴 1. Premier League
🇮🇹 2. Serie A
🇩🇪 3. Bundesliga
🇪🇸 4. La Liga
🇫🇷 5. Ligue 1
🇧🇷 6. Brasileirão
🇵🇹 7. Primeira Liga
🇧🇪 8. Belgian Pro League
🇺🇸 9. MLS
🏴 10. English Championship pic.twitter.com/kRK19nmytf— CentreGoals. (@centregoals) October 15, 2024
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Адвокатите на Мбапе ги тужат шведските медиуми, истрагата е во тек
Килијан Мбапе е навикнат да биде во центарот на вниманието, но не на ваков начин. Наводно, фудбалерот на Реал Мадрид е обвинет за обид за силување додека бил на одмор во Шведска, а се појавиле нови детали, како и чекорите што Французинот ќе ги преземе.
Мбапе не одговори на повикот на селекторот на Франција, Дидие Дешамп поради лесна повреда, а периодот кога неговите колеги од репрезентацијата играа во Лигата на нации го искористи да замине во Шведска со своите пријатели.
За време на престојот во Стокхолм, Мбапе беше обвинет дека се обидел да силува девојка со своите пријатели, меѓу кои бил и Норди Мукиеле, играч на ПСЖ на позајмица во Баер Леверкузен.
Реал Мадрид не даде официјална изјава, но извори блиски до клубот велат дека ова е една од најголемите лаги во историјата на спортот.
Меѓутоа, шведската полиција не го кажува тоа. Дефинитивно имало пријава, а органите на редот во Стокхолм го посетиле хотелот во кој Мбапе ја поминал ноќта и излегле со полна торба со докази.
Адвокатите на Килијан Мбапе најавија тужби против шведските медиуми за уништување на угледот и честа на нивниот клиент.
Каков ќе биде епилогот, останува да почекаме…
Спорт
Проблем за „фармацевтите“, се повреди Флоријан Вирц
Флоријан Вирц ќе мора да паузира најмалку еден месец поради повредата на скочниот зглоб, која ја заработи на настапот за германската репрезентација на дуелот против Холадија.
Според германските медиуми, првите проценки се дека Вирц нема да може да им помогне на соиграчите викендов, како и во Лигата на шампионите, следната недела. .
– Ова секако е голем удар за нас. Најважно е Вирц да се опорави. Во следните два дена ќе дознаеме колку е сериозна повредата, но она што имав можност да разговарам со лекарите ми кажа дека тој ќе биде надвор од терените најмалку четири недели“.
Леверкузен викендов игра со Ајнтрахт, а потоа гостува кај Брест во среда на 23 октомври, во Лигата на шампионите.
Спорт
Погба: Не сум измамник, размислував да ја завршам кариерата
Францускиот фудбалер Пол Погба изјави дека не е измамник и дека никогаш намерно не би земал забранета супстанца и дека размислувал да ја заврши кариерата откако доби четиригодишна суспензија поради допинг. Пред две недели суспензијата на Погба мму беше намалена на 18 месеци, што значи дека тој од март наредната година ќе може да му се врати на фудбалот.
– Ја прифаќам одговорноста за земање на суплементот, но не направив тројна проверка, иако тоа го добив од професионалец. Ако треба да бидам казнет, прифаќам. Но, тоа не требаше да биде четири години. Ќе прифатам 12 месеци – изјави Погба за “Скај Спортс“.
Тврди дека луѓето не верувале кога се појави информацијата во јавноста дека користел допинг.
– Дури и кога сето тоа се случи, луѓето велеа: „Го познаваме Пол, тој никогаш не би го користел допинг. Доколку зем недозволена суспатнца тоа било од незнаење, а не намерно. Тоа е целосната вистина. Јас сум искрен, би рекол. Јас сум лош губитник но не сум измамник, јас сум некој што го сака мојот спорт. Го сакам фудбалот и никогаш, ама никогаш не би го направил тоа. Сакам да победувам праведно и луѓето го знаат тоа – рече тој.
Погба беше суспендиран на четири години во февруари, откако во септември минатата година беше објавено дека паднал на допинг тест откако бил позитивен на тестостерон.
Судот за спортска арбитража (CAS) претходно овој месец ја намали суспензијата на 18 месеци, што значи дека Погба може да се врати на фудбалот во март следната година.
Запрашан од ЕСПН дали мисли дека некогаш повторно ќе игра фудбал по неговата четиригодишна забрана, Погба рече: „Да, многу работи ми поминуваа низ мислите, дури и размислував да престанам да играм“.
– Си помислив: Што ќе правам? Се работи за четири години, почнуваш да броиш… Четири години без играње, тренинг, кој клуб ќе ме сака? Дали ќе бидам спремен и такви работи, направи многу слики во главата. Но, од друга страна, имав верба. Знаев дека не згрешив ништо намерно, па за среќа се случи да ја намалат казната – изјави 31-годишниот француски фудбалер.
Последниот професионален натпревар го одигра на 3 септември минатата година против Емполи, пред да бидат објавени вестите за резултатите од тестот.
Тој се уште е член на Јувентус, а раководството на клубот преговара со претставниците на францускиот фудбалер за евентуален раскин на договорот.
Погба изјави дека е свесен дека ќе мора повторно да се докажува за да го заработи повикот на селекторот Дидие Дешамп во француската репрезентација.
– Добро е кога имаш тренер со кој имаш добри односи надвор од фудбалот. Тоа е навистина ретко, благодарен сум за тоа и ја ценам нашата врска. Мора да ги почитуваме играчите кои се таму, а јас мора да тренирам и да заработам место, бидејќи тие заслужуваат да бидат на таа позиција и да играат за репрезентацијата – изјави Пол и додаде:
Погба играше за Јувентус и Манчестер јунајтед во по два мандати, за француската репрезентација дебитираше во 2013 година, одигра 91 натпревар, постигна 11 голови и го освои Светското првенство во 2018 година.