Спорт
Премиерлигашките клубови очекуваат откажување на колото по смртта на кралицата
Премиерлигашките клубови се подготвуваат за откажување на мечевите овој викенд по смртта на кралицата Елизабета Втора, и првите луѓе на лигата веќе се на преговори со британската влада.
По 70-годишното владеење на Елизабета Втора, Велика Британија ќе има 10 дена жалост за монархот, и се очекува речиси сите спортски натпреварувања да бидат откажани, како крикет мечевите, рагби мечевите, како и голферскиот ПГА шампионат, кој беше „паузиран“ на неодредено време. Мечевите од Лига Европа на Манчестер јунајтед против Реал Сосиедад, како и на Вест хем против ФЦСБ во Конференциската лига, сепак, се оддржуваат според планот, бидејќи се во организација на УЕФА.
Владата не може да нареди стопирање на спортските натпреварувања и ја остава одлуката на индивидуалните спортски тела, но британските медиуми тврдат дека одложувањето на фудбалските мечеви е веќе договорено.
The Premier League is deeply saddened to hear of the passing of Her Majesty The Queen, Elizabeth II. Our thoughts and condolences are with The Royal Family and everyone around the world mourning the loss of Her Majesty. pic.twitter.com/UlaLXEOdke
— Premier League (@premierleague) September 8, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Норис со брилијантен круг до пол-позицијата во Мексико
Ландо Норис со спектакуларен круг дојде до пол-позицијата пред трката за Големата награда на Мексико. Квалификациите во Мексико беа брилијантни за возачите на Ферари, лоши за Макс Ферстапен, а ужаси за лидерот во генералниот пласман Оскар Пјастри.
Ландо Норис, во вкупниот пласман има 14 поени помалку од тимскиот колега Пјастри, а утре ќе има шанса да ја преземе лидерската позиција. Пјастри зад себе има ужасни квалификации, заврши на осмото место, но поради казната на Карлос Саинц јуниор ќе стартува како седми.
Норис во последното излегување на патеката забележа нестварно време 1:15.586 минути. Најблиску до Норис беше Шарл Леклер (+0.262), зад него е колегата од Ферари, Луис Хамилтон, кој во трката ќе се обиде да го освои првиот подиум со Ферари.
Во вториот ред до Хамилтон трката ќе ја започне неговиот поранешен колега Џорџ Расел. Возачот на Мерцедес за 36 илјадити делови од секундата имаше подобро време од актуелниот шампион Макс Ферстапен.
До него во третиот ред е Андреа Кими Антонели (Мерцедес). Оскар Пјастри е во четвртиот ред заедно со Исак Хаџар (Рејсинг Булс).
Траката за Големата награда на Мексико в недела се вози од 21 часот.
Во вкупниот пласман Пјастри има 14 поени повеќе од Норис и 40 од Ферстапен.
Спорт
(Видео) Мечот прекинат поради повреда на окото на Аспинал, појасот во тешка категорија остана во рацете на Англичанецот
Еден од најголемите настани во годината во УФЦ 321 заврши на неславен начин, удар во око ја прекина борбата за титулата шампион во тешка категорија. Сирил Ган и Том Аспинал влегоа во октагонот, а по само неколку минути судијата ја прекина оваа борба.
Проблемот се појави по размена на удари, каде што Французинот ги забоде прстите во лицето на актуелниот шампион. Бидејќи ова се смета за неспортски потег, а Аспинал не можеше да го продолжи мечот, судијата одлучи да го прогласи овој дуел, „Но контест“.
Овој дуел не влијае на вкупниот резултат на ниту еден борец и нема сомнение дека оваа борба наскоро ќе биде презакажана.
Публиката, со причина, беше незадоволна од овој исход, но се случуваат вакви работи.
За жал, ова е прв пат борбата за шампионскиот појас да биде прекината на овој начин, па на некој начин оваа борба влезе во историјата.

Во тие неколку минути, публиката имаше што да види. Имаше добра размена на удари што дури и предизвикаа лицето на Аспинал да крвари. Актуелниот шампион главно работеше преку шутирање, додека Ган се обидуваше со тупаници, што на крајот го чинеше шанса за титулата. Французинот беше видливо огорчен од конечниот исход, знаејќи дека тој е виновен за одлуката на судијата.
Иако некои можеби мислат дека Англичанецот ја лажирал сериозноста на повредата за да остане шампион на полесен начин, еве видео кое го потврдува што направи Ган.
Anyone suggesting that Tom Aspinall took the ‘easy way out’ should be ashamed of themselves and probably shouldn’t watch MMA again.
A double eye poke in a UFC title fight… absolutely brutal 😬#UFC321
— Ben Thomas (@Benfthomas_10) October 25, 2025
Спорт
(Видео) Ливерпул е во сериозна криза – Шампионот поразен од Брентфорд
Ливерпул минатата сезона доминантно дојде до титулата во Премиер лигата, загуби само четири натпревари, оваа во првите девет рунди, екипата на Арне Слот веќе има четири порази. Вечерва во Лондон, Брентфорд го победи Ливерпул со 3:2. „Црвените“ го забележаа четвртиот последовен пораз во Премиер лигата, односно загубија пет од последните шест натпревари.
Брентфорд во целост го надигра Ливерпул. Домашните фудбалери играа со повеќе желба, беа подобри во дуелите, агресивноста им беше на највисоко можно ниво и што е најважно, играчите од средниот ред на „пчелките“ буквално ги „изедоа“ колегите од Ливерпул.
Дека на Ливерпул не му се пишуа добро најави Аутара по само пет минути игра. Предноста на Брентфорд ја дуплира Шаде во 45-та. Надежите на Ливерпул му ги врати Керкез во петтата минута од судиското надополнување во првиот дел.
Голот на Керкез им даде дополнителен импулс во второто полувреме, не на неговите соиграчи туку на фудбалерите на Брентфорд.
По еден час игра Ван Дајк направи наивен пенал, а Игор Тијаго ја врати предноста од два гола.
Во финишот погоди Салах, во 90-та минута. Египќанецот ја рпекина низата од пет натпревари без постигнат гол.
И овој гол не го раздвижи Ливерпул, се играа 11 минути во судиското надополнување, а „црвените“ успеаја да притиснат само во последните две, но не успеаја да го избегнат поразот.
Ливерпул остана на шестото место со 15 поени, Брентфорд е на 10-то место со 13 поени.

