Репрезентацијата на Словачак го приреди најголемото изненадување во досегашниот тек од Европското првенство. Словаците, вечра, во Е групата ја победија Белгија со 1:0.

Стрелец на единствениот гол на натпреварот беше Иван Шранц во седмата минута.

Апсолутен трагичар на натпреварот беше Ромелу Лукаку. ВАР му поништи два гола и плус не реализираше три големи шанси. Тој доби најслаба оценка од сите актери на теренот. „Софаскор“ му додели шестка, бидејќи порај нереализираните шанси, загубил пет дуели, а имал само 27 допири со топката и само еднаш добил дуел со противничките дефанзивци.

Милан и Наполи му „фрлија око“ на младиот дефанзивец на Реал Мадрид, Рафа Марин. Фудбалерот се поврзуваше со Баер Леверкузен, неговиот трансфер во редовите на актуелниот германски шампион беше извесен, но во последен момент Чаби Алонсо ги смени плановите.

Марин има 22 години, а „кралскиот клуб“, сака да го продаде, но под услов во договорот да има клаузула со која за одредена сума би можел да го врати назад во Мадрид.

Милан и Наполи во малдиот дефанзивец гледаат голем потенцијал.

Марин кариерата ја започна во младинската школа на Севилја, но набрзо се пресели во Реал Мадрид. Минатата сезона беше на позајмица во Алавес.

Хрватскиот репрезентативец Никола Влашиќ ќе го напушти таборот на репрезентацијата и ќе го пропушти остатокот од Европското првенство во Германија. Фудбалскиот сојуз на Хрватска објави дека Влашиќ го повредил мускулот.

„Влашиќ се повреди на тренингот и во договор и лекарот, донесовме одлука Никола да го напушти репрезентативниот табор бидејќи повредата не му дозволува да конкурира за натпреварите за време на ЕУРО“, се вели во официјалното соопштение на ХНС.

Хрватска на премиерата на ЕП беше убедливо поразена од Шпанија со 3:0, а во следното коло игра против Албанија, веројатно најважниот меч во борбата за место во нокаут фазата.