Спорт
Пресврт победи за Челси и Борнмут, Митровиќ стрелец во поразот кај Тотенхем

Вулверхемптон и Брентфорд победија на домашен терен, Њукасл освои само бод против Кристал Палас, Борнмут и Челси со пресврт славеа против Нотингем Форест односно Вест Хем. .
Во центарот на вниманието беше лондонското дерби, помеѓу Челзи и Вест Хем. Двата тима не започнаа баш најдобро, особено за Чеканите кои постигнаа само два гола.
Бен Чилвел го креираше пресвртот на Челси против Вест Хем. „Чеканите“ водеа со голот на Антонио, Чилвел израмни, а во 89.минута му асистираше на Хаверц. Вест Хем постигнаа гол две минути подоцна, но истиот беше поништен.
Нотингем Форест против Борнмут имаа предност од 2:0 по првиот дел. Во второто полувреме Билинг, Соланке и Ентони ги оладија домашните фанови.
Тотенхем во малоо лондонско дерби го победи Фулам со 2:1. Хојберг во првото и Кејн во второто полувреме ги постигнаа головите за Тотенхем. Стрелец за Фулам беше Митровиќ. Србинот го постигна шестиот гол во сезоната, пред него на листата на стрелците е само Халанд.
Вулверхемптон првиот триумф во сезоната го забележаа против Саутемптон. Вулфс славеа минимално со 1:0, стрелец на голот беше Поденс.
Најубедливиот триумф попладнево го забележа Брентфорд против Лидс. Ајван Тони постигна хет-трик во победата 5:2.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Миовски се враќа во Шкотска, ќе потпише за Глазгов Ренџерс

Македонскиот репрезентативец Бојан Миовски се враќа во Шкотска. Џирона и Глазгов Ренџерс го договориле трансферот. Миовски ќе гоо стави потписот на договорот со „полицајците“ кога ќе ги мине лекарските прегледи, кои се најавени до крајот на денот.
Бојан Миовски две сезони блескаше во дресот на Абердин, во кои постигна 44 гола. Минатото лето реши да се пресели во Шпанија, за да игра во Лигата на шампионите. Џирона за него на Абердин му плати 8.500.000 евра.
Во Каталонија немаше добра сезона, постигна четири гола во 25 натпревари во сите натпреварувања, но речиси не играше во вториот дел од сезоната, поради повредите, но и поради одлука на тренерот.
Неговиот статус не се смени ниту во новата сезона и покрај тоа што беше стартер во првото коло против Рајо Ваљекано (0:2). Миовски одигра 45 минути, а потоа беше заменет кога голманот Газанига доби црвен картон.
Во второто коло и убедливиот пораз од Виљареал, Миовски воопшто не беше во составот на Џирона и тогаш беше јасно дека во клубот повеќе не сметаат на него.
Џирона реши да го продаде напаѓачот и покрај тоа што имаше до јуни 2028 година.
Глазгов Ренџерс за Миовски на Џирона ќе и плати 5.000.000 евра.
Foto/ EPA
Спорт
Челниците закажале состанок со Аморим

Манчестер јунајтед, во средата доживеа шокантна елиминација од Лига купот од членот на Четвртата лига Гримзби.
Поразот во медиумите беше означен како најголем срам во клупската историја. Логично е дека елиминацијата предизвика потреси во клубот.
Рубен Аморим не успева да ги спроведе своите идеи, а за време на репрезентативната пауза се очекува да разговара со клупските челници, објавува „Дејли меил“.
Португалецот истакна дека нешто мора да се промени, но да се сменат 22 играчи е невозможно. Медиумите оваа изјава ја протолкуваа како знак на заминување.
Сепак, во клубот не размислува за такво сценарио, иако Аморим нема победа во првите две кола од Премиер лигата. Ќе видиме дали оваа шлаканица во Купот ќе ги раздвижи „црвените ѓаволи“, кои потрошија повеќе од 200.000.000 евра во овој преоден рок.
Фото/ Принтскрин
Спорт
Шкендија ги дозна противниците во Конференциската лига

Македонскиот шампион Шкендија ги дозна противниците во главната фаза во Конференциската лига.
Софтверот на УЕФА одреди Шкендија да игра дома со Слован Братислава, Јагиелонија и Шелбурн, а клубот од Тетово ќе гостува кај Рајо Ваљекано, Дрита, АЕК Ларнака.
Распоредот на натпреварите и станицата УЕФА ќе го објави во недела.
Првото коло е закажано за 2 октомври, а шестото коло ќе се игра на 18 декември. Првите осум екипи на крајот од лигашката фаза директно ќе влезат во осминафиналето од натпреварувањето, а екипите од 9-то до 24-то место ќе ја играат плеј-оф за пласман во осминафиналето.
Финалето на Конференциската лига ќе се игра на 27 мај во Лајпциг.
Foto/ dailysports.net