Спорт
Претседателот на Барселона наброја 15 клубови кои би играле во Супер лигата

Барселона и Реал Мадрид не се откажуваат од Суперлигата. Иако повеќето други европски гиганти се предомислија и повеќе не се заинтересирани за формирање на ново натпреварување, Шпанците тврдат дека има голем број на клубови кои би сакале да играат во Супер лигата.
„Ако Суперлигата не започне од следната сезона, ќе започне од 2025/26. Секој клуб би добил по 100 милиони евра, а тие пари не можат да се заработат ниту со освојување на Лигата на шампионите“, изјави претседателот на Барселона, Џоан Лапорта.
„Покрај Барса и Реал, би имало италијански клубови: Интер, Милан, Наполи и Рома. Исто така француски тимови како Марсеј и три португалски екипи, Спортинг, Бенфика и Порто, кои со задоволство би дошле. А има и холандски тимови. (Ајакс, Феенорд и ПСВ) и белгиски Клуб Бриж и Андерлехт“, истакнува Лапорта.
Првиот човек на Барселона верува дека Англичаните подоцна ќе влезат во Супер лигата.
„На првиот чекор ќе имаме европско натпреварување кое ќе се натпреварува со Премиер лигата. Мислам дека Англичаните нема да се согласат веднаш да влезат и сакаме да ни се придружат и имавме многу разговори со Ливерпул, Манчестер јунајтед, Челзи и Тотенхем. Сите овие клубови, од кои некои моментално се на продажба се заинтересирани“, изјави Лапорта и откри дека ПСЖ одбил да учествува во Супер лигата, бидејќи „имал моќна позиција во УЕФА“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Јовиќ потпиша договор со АЕК

Српскиот репрезентативец Лука Јовиќ потпиша договор со АЕК Атина, објави клубот.
Финансиските детали и времетраењето на договорот не беа откриени, но грчките медиуми тврдат дека Јовиќ се согласил на двегодишен договор, при што српскиот фудбалер треба да заработи вкупно шест милиони евра.
Својата кариера ја започна во Црвена звезда, а потоа играше за Бенфика, Ајнтрахт Франкфурт, Реал Мадрид и Фиорентина. Последните две сезони ги помина во Милан.
Одигра 45 натпревари за српската репрезентација и постигна 11 гола.
Спорт
Партијата на суд под обвинение за силување

Поранешниот фудбалер на Арсенал, Томас Парти, претпладнево се појави во Судот за прекршоци во Вестминстер во Лондон откако беше обвинет за силување.
Тој е обвинет за пет обвиненија за силување и едно обвинение за сексуален напад. Сите наводни кривични дела се случиле помеѓу април 2021 и јуни 2022 година.
Облечен во црн џемпер и држејќи јакна во рака, тој брзо помина покрај новинарите и фотографите во судницата.
Неговата адвокатка, Џени Вилтшир, претходно изјави дека фудбалерот ги негира сите обвиненија и со нетрпение ја очекува можноста „конечно да го исчисти своето име“.
Парти, на суд беше условно ослободен по обвиненијата за силување и сексуален напад. Условите за негово ослободување предвидуваат дека 32-годишниот Парти не смее да контактира со ниту една од трите жени и дека мора да ја извести полицијата за секоја трајна промена на адресата или меѓународно патување, објави Би-Би-Си.
Полицијата соопшти дека започнала истрага против Парти во февруари 2022 година, кога првпат добила пријава за силување.
Петте обвиненија за силување се однесуваат на две жени, додека обвинението за сексуален напад се однесува на трета жена.
Парти го напушти Арсенал откако му истече договорот, кој траеше до 30 јуни, а четири дена подоцна беше обвинет за силување.
Арсенал во 2020 година за услугите на Парти на Атлетико Мадрид му плати 50 милиони евра..
Спорт
Сити му нуди нов договор на Родри
Манчестер сити му понуди нов договор на Родри. Освојувачот на Златната топка ја пропушти сезоната поради тешката повреда на лигаментите. Отсуството на Родри се рефлектираше врз резултатите на тимот. Сити не освои ниту еден трофеј и се до три кола пред крајот му висеше пласманот во Лигатана шампионите.
Иако деталите не се познати, а со тоа и точната бројка, речиси е сигурно дека тој би стнал вториот најплатен играч во тимот, веднаш по Ерлинг Халанд. Исто така, познато е дека овој договор би важел до 2029 година.
Минатата сезона Родри одигра само осум натпревари во сите натпреварувања.
Фото/ Принтскрин