Спорт
Додик го навреди семејството Ѓоковиќ

Новак Ѓоковиќ доживеа разочарување на минатонеделниот АТП турнир во Бања Лука, но повеќе од елиминацијата во четвртфиналето на Српска опен 2023, кај него ќе предизвика видеото кое денеска се појави на социјалните мрежи.
Ѓоковиќ на Српска опен 2023 беше сензационално исфрлен од сонародникот Душан Лајовиќ во четвртфиналето, но и покрај тоа што во Бања Лука пристигна како најголема ѕвезда и со себе повелече звучни тениски имиња, од целиот тој настан не биа сите задоволни.
Поточно, Ѓоковиќ не го воодушеви контроверзниот претседател на Република Српска, Милорад Додик, кој како гостин на локалната РТС, кажа што мисли за семејството Ѓоковиќ.
Снимката е направена во емисијата „ОКО“ пред да започне вистинското емитување.
„Можам да ти кажам дека овие Ѓоковиќи се тешки у п…у матер. Нашиве сето тоа го доживуваат емотивно, но кога ќе се зафатиш за работа, уфф… цигани, можам да ти кажам. Неговите соработници и уште губи во полуфиналето… Не во полуфиналето, во четвртфиналето.“, вели Додик во „триесет секунди целосно лудило“, како што некои медиуми од Босна и Херцеговина ја нарекоа оваа изведба.
Воопшто не е потребно видеото да предизвика различни реакции во регионот, а времето ќе покаже дали ќе се огласи и Новак Ѓоковиќ.
Турнирот во Бања Лука (Српска опен) на крајот го освои Душан Лајовиќ, 32. тенисер во светот, кој во финалето го совлада Русинот Андреј Рубљов со 2:1 во сетови (6-3, 4-6, 6-4).
Dodik o Đokovićima 1: “Ciganija je to poprilična”.
Dodik o Đokovićima 2 (parafraza): “zloupotrebljavam politiku za biznis, a kad uđeš s Đokovićima u poso’ teški su, auuu, u pi#ku materinu”.
Ko sa Dodikom, putinovim pudlicom, tikve sadi, o glavu mu se lupaju. pic.twitter.com/TGGGUDUgKw
— Advokat Čedomir Stojković 🇷🇸🇺🇦 (@FIGHT_4_RIGHT_S) April 26, 2023
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Исак: Кога ветувањата се прекршени, врската не може да продолжи

Вечерва, Александер Исак беше вклучен во најдобриот тим од минатата сезона на Премиер лигата, во изборот на фудбалерите. Шведскиот напаѓач во последните денови е во центарот на трансфер сагата, во која се обидува да го напушти Њукасл и да се пресели во Ливерпул.
Исак долго време молчеше и избегнуваше медиумски настапи, но вечерва објави „стори“ на Инстаграм во која истакна дека Њукасл не ги исполнил ветувањата и дека би било во најдобар интерес на сите страни да се направи промена, односно трансфер. Ја пренесуваме изјавата на Исак во целост:
„Горд сум што бев признат од моите колеги професионалци и вклучен во тимот на Премиер лигата за сезоната 2024/25. Прво, сакам да им се заблагодарам на моите соиграчи и на сите во Њукасл јунајтед кои ме поддржаа на тој пат. Не сум на церемонијата вечерва. Со оглед на сè што се случуваше, не чувствував дека треба да бидам таму.
Долго време молчев додека другите зборуваа. Таа тишина им овозможи на луѓето да ја промовираат својата верзија на настаните, иако знаат дека не го одразува она што всушност беше кажано и договорено зад затворени врати. Реалноста е дека ветувањата беа дадени, а клубот долго време знаеше за мојот став.
Да се однесуваш сега како сега да се појавија проблемите е погрешно. Кога ветувањата се прекршени и довербата е изгубена, односот не може да продолжи. Сега сум тука и затоа промената е во најдобар интерес за сите, не само за мене.“
Ливерпул беше информиран претходно дека Њукасл нема да ја прифати понудата од околу 140 милиони евра. Од Ливерпул изјавија дека нема да испратат нова понуда освен ако Њукасл не го промени својот став.
Спорт
Џон Вол објави крај на кариерата

Американскиот плејмејкер Џон Вол реши да стави крај на кариерата.Пензионирањето го објави на социјалните мрежи.
По 11 сезони во НБА, 34-годишниот плејмејкер рече: „Пензиониран, но не сум готов“.
Вол беше прв пик на драфтот во 2010 година, кога по една сезона во Кентаки под водство на Џон Калипари, заедно со Демаркус Казинс, Ерик Бледс и Патрик Патерсон, пристигна во најсилната лига во светот.
Тој играше за Вашингтон Визардс од 2010 до 2020 година, а потоа играше за Хјустон Рокетс и Лос Анџелес Клиперс, а од 2023 година, Џон Вол нема тим.
Тој беше елитен НБА плејмејкер, прототип на играч од старата школа кој секогаш ќе се стреми прво да асистира и имаше просек од 18,7 поени со 8,9 асистенции, 4,2 скока и 1,7 украдени топки во 647 натпревари во кариерата во НБА.
Во 2019 година, Вол потпиша супермакс договор со Вашингтон, во во краток период доживеа две тешки повреди што го доведоа до депресија и речиси ја завршија неговата кариера уште тогаш.
Фото/ Принтскрин
Спорт
Нов скандал со допинг – Украинка суспендирана на четири години

Украинската атлетичарка Марина Бех-Романчук, вицешампионка на светот во трискок и скок во далечина, е суспендирана на четири години поради допинг, објави Одделот за интегритет на атлетските спортови (АИУ).
„АИУ ја суспендира Марина Бех-Романчук (Украина) за период од четири години, почнувајќи од 13 мај 2025 година, поради присуство/употреба на забранета супстанца (тестостерон)“, се вели во соопштението објавено на мрежата „X“.
29-годишната Бех-Романчук била позитивна на тестостерон, анаболичен стероид, на тест спроведен на 7 декември 2024 година.
Привремено била суспендирана во мај оваа година.
Во својата кариера, таа освоила сребрени медали на светските првенства – во трискок во Будимпешта во 2023 година и во скок во далечина во Доха во 2019 година.
На последното натпреварување, Олимписките игри во Париз во 2024 година, таа се пласираше на 11-то место во трискок.