Ако ви е потребен уште еден доказ дека Кристијано Роналдо се сфаќа себеси премногу сериозно, тука е поранешниот голман на Киево, Стефано Сорентино, кој вели дека Португалецот одбил да си смени дрес со него бидејќи тој му одбранил пенал.

Сорентино тврди дека Роналдо бил „многу лут“ минатиот јануари, кога Јувентус стигна до 3:0 победа над Киево во Торино со головите на Даглас Коста, Емре Џан и Даниеле Ругани, но и меч во кој обидот од пенал на Португалецот заврши во рацете на Сорентино.

41-годишниот Сорентино, кој сега игра во Черво во осмата италијанска лига инсистира дека имал договор за смена на дресовите, пред Роналдо да го игнорира по крајот на мечот.

„Се согласивме да ги смениме дресовите, но откако не даде гол од пенал беше многу лут. Се сретнавме во тунелот, се ракувавме и тој ми честиташе, но имаше лош израз на лицето и не ми го даде дресот. Сепак, не беше толку лошо, успеав да добијам дрес од Пауло Дибала“, открива Сорентино.

Инаку ова не беше прв „дуел“ на Роналдо со Сорентино – во дебито на Португалецот за Јувентус, Роналдо со колено го удри во главата (секако, ненамерно), по што ветеранот заврши во болница.

Сорентино му „врати“ на Роналдо за скршената глава, но Јуве победи (видео)

Сорентино ќе го памети дебито на ЦР7 откако заврши во болница

Барселона е подготвена да го понуди Антоан Гризман на Пари Сен-Жермен во нов обид да го врати Нејмар на „Ноу Камп“, тврди „Скај спортс“.

Французинот дојде во Барселона ова лето за 125 милиони евра, но не импресионираше во Каталонија и клубот е подготвен да го „жртвува“ за да го врати Нејмар, откако минатото лето сите обиди за договор со ПСЖ пропаднаа поради превисоката сума која ја бараше францускиот шампион.

Според шпанските медиуми, Нејмар и напаѓачот на Интер, Лаутаро Мартинез се приоритети на шпанскиот клуб, кој ќе се обиде да направи „трампа“ со своите играчи – Усман Дембеле и Филипе Кутињо честопати се јавуваат како први кандидати, а сега на оваа листа е и Гризман.

Според „Скај спортс“, Барса го цени Гризман на околу 100 милиони евра, и ќе го постави на продажба без разлика дали ПСЖ ќе се согласат на трампата, откако се јавија повеќе заинтересирани премиерлигаши, предводени од Манчестер јунајтед. И покрај ова, Барса ќе мора да даде и нешто кеш за да се реализира ваков трансфер.

Нејмар, кој си замина од Барса за рекордни 222 милиони евра во 2017 година, има договор со францускиот клуб до 2022 година.

Времето во кое трансферите од 100 милиони евра беа „нормални“ во шпанскиот фудбал завршија, велат во анализите шпанските спортски медиуми оценувајќи го влијанието на КОВИД-19 на шпанскиот фудбал.

Шпанија во моментов е само зад Италија по бројот на жртви од корона вирусот и државата во моментов го живее 17-тиот ден од 30-дневната вонредна состојба. Поради ова шпанскиот фудбал е на „пауза“ како и сите европски големи лиги, и на клубовите им недостасува приходот од мечевите, предизвикувајќи имплементација на „ЕРТЕ“ мерките, односно поставување на своите вработени со договори на одредено време и со намалување на платите до 70 отсто.

Според „Марка“, најпогодени од ситуацијата ќе бидат најголемите клубови. Реал Мадрид, кои во своите планови ги имаа трансферите на Пол Погба и Килијан Мбапе ова лето, најверојатно ќе се откажат од големо трошење.

Претседателот на Барселона, Жосеп Марија Бартомеу исто така не верува дека ова лето ќе има богати трансфери.

„Претпоставуваме дека ова лето на фудбалскиот пазар ќе има многу помалку пари поради корона вирусот, но трансферите можат да се случат и на поинаков начин, на пример со трампа“, вели Бартомеу за „Диарио спорт“.