Лука Модриќ, најтрофејниот фудбалер во историјата на Реал Мадрид, се пресели во Милан. Најголемите успеси во 13-годишната кариера во Реал ги постигна со „десетката“ на грбот. Во Милан ќе го носи бројот 14.

Долгогодишниот капитен на хрватската репрезентација во интервју за „ДАЗН“, пред натпреварот помеѓу Милан и Лидс во Даблин, откри зошто го избрал бројот 14. Инаку, овој број го просалави легендарниот Холанѓанец Јохан Кројф.

„Прв број на дресот ми беше 14. Потоа го задржав кога дојдов во Тотенхем и играв добро таму. Кројф е симбол на овој број – тој е играч кој му даде важност на „четиринаесетката“ и ја направи посебна. Задоволство е да се носи“, ја објасни оваа одлука 39-годишникот.

Модриќ зборуваше и за почетоците и идолот Звонимир Бобан.

„Имам речиси четириесет години, но имам и фудбалски соништа. Затоа сум тука, ова е мојот сон од детството. Фотографијата од мене како дете во тренерка на Милан е прекрасно сеќавање и покажува колку бил популарен клубот во тоа време, особено во Хрватска. Пораснав гледајќи го вашето првенство, а „росонерите“ беа мои омилени во Италија. Звонимир Бобан играше тука, тој беше мојот идол. Сега сум тука и како што реков сакам да освојувам трофеи со Милан“, истакна Модриќ.

Фото/ Принтскрин

Младиот шпански фудбалер Гонзало Гарсија (21), кој се истакна на Светското клупско првенство ова лето, го продолжи договорот со Реал Мадрид до јуни 2030 година, објави клубот.

Гарсија, кој пристигна во Реал во 2014 година на десетгодишна возраст, ги мина сите возрасни категории во клупската академија.

Неговиот договор првично траеше до јуни 2027 година, а дебитираше за првиот тим во ноември 2023 година.

За време на летното клупско Светско првенство, тој го замени Килијан Мбапе пред полуфиналето, кое Реал го загуби од Пари Сен Жермен со 0:4, и го заврши натпреварувањето како најдобар стрелец со четири гола и се најде во идеалниот тим на турнирот, избран од ФИФА.

Минатата сезона тој беше еден од најдобрите играчи во резервниот тим на Реал, за кој постигна 25 гола.

Фото/ Принскрин

На натпреварот помеѓу боливиските клубови Стронгест и Блуминг, кој се играше во Ла Паз, се случи сериозен инцидент кога навивачите на домашниот клуб фрлија пиротехнички средства на теренот.

Инцидентот се случи во судиското надополнување на времето, а еден факел директно го погоди фудбалерот на домашниот тим Стронгест.

Станува збор за парагвајскиот интернационалец, 32-годишниот Хуан Годој. Тој се здобил со сериозни повреди, изгореници од прв степен на десната бутина и хематом на тестисите.

During a match between The Strongest and Blooming, fans fired fireworks onto the field. A player from The Strongest was hit in the groin and collapsed to the ground, groaning in pain 🇧🇴🤯 pic.twitter.com/xEd5WRhNRw

— 𝐂𝐚𝐬𝐮𝐚𝐥 𝐔𝐥𝐭𝐫𝐚 𝐎𝐟𝐟𝐢𝐜𝐢𝐚𝐥 (@thecasualultra) August 8, 2025

Полицијата уапси три лица, а раководството на клубот објави укинување на привилегиите за домашните ултраси.

Натпреварот заврши со победа на Стронгест од 3:2.

Foto/ facebook.com